ҚЫсқа мерзімді жоспар 4сынып

Мусабекова Ботакөз Дабылқызы

Ж. Қыдыров атындағы №54 орта мектептің бастауыш сынып мұғалімі

Қызылорда облысы, Жаңақорған ауданы, Бесарық ауылы

Мерзімі:

Пәні: Ана тілі

Сыныбы: 4 сынып

Сабақтың тақырыбы:

Аққу , шортан һәм шаян

Сабақтың мақсаты:

Қазақ халқының ұлы тұлғасы Ахмет Байтұрсынұлы шығармасының мазмұнымен таныстыра отырып, Мысал жанры туралы түсінік беру; оқушының ауызша сөйлеуін, мәнерлеп, түсініп оқуын,өз ойын жүйелі айта білуін, шығарманы талдай алу, шығармашылықпен жұмыс істей білу қабілетін дамыту; Ахмет Байтұрсынұлының тұлғасын үлгі ете отырып, мысалдың мазмұнын айқындай келе, ынтымақтастыққа, бірлікке тәрбиелеу.

Күтілетін нәтиже

Оқушының тапсырма барысында қызығушылығы, ойлау жүйесі артады. Сыни көзқарас білдіруді үйренеді. Бағалаудың мақсатын түсінеді.ауызша сөйлеуді, мәнерлеп оқуы, өз ойын жүйелі айта білуі қалыптасады.

Сөздік қоры дамиды.Өзін еркін ұстайды. Ой-өрісі дамиды.

Елін, жерін қорғай білуге тәрбиеленеді, сыныптың реттелігі қалыптасады.

Сілтеме

Оқулық «Ана тілі», Бастауыш сынып әдістемеліктері. Мұғалімге арналған нұсқаулық.

Негізгі идея:

Модулдік әдіс тәсілдер арқылы меңгерту

Сабақтың түрі:

Жаңа сабақ

Сабақтың әдісі:

Сыни тұрғысынан ойлау, жеке жұмыс, топтық жұмыс, бағалау әдісі, интерактивті әдіс,постер әдісі

Сабақтың көрнекілігі:

Тақта, суреттер, кестелер, плакаттар.

Тапсырма көздері:

Жұппен жұмыс, топпен жұмыс, сұрақ-жауаптар ,кестелік тапсырмалар

Сабақтың барысы:

І. Ұйымдастыру

ІІ. Үй тапсырмасы

ІІІ. Жаңа сабақ

ІҮ. Жаңа сабақты бекіту

Ү. Үй тапсырмасы

ҮІ. Рефлексия

І. Ұйымдастыру

а) Сәлемдесу

«Менің көңіл-күйім» жаттығуы Оқушы көңіл-күйін «бармақпен» бағалау.

1.Миға шабуыл

-А.Байтұрсынұлы кім?

Балалардың пікірін,ойларын тыңдау.

- Балалар, бүгін біз сабақта қазақтың ұлы ақыны А.Байтұрсынұлының шығармашылығымен танысамыз, әдебиеттің мысал жанры жөнінде сөз қозғап, мысал өлеңнің ерекшелігін айқындаймыз.

Қысқаша деректер. Ахмет Байтұрсынұлы - қазақтың ұлы ағартушы, ірі ғалым-лингвист, ақын, аудармашы, оқулық авторы. Туған жері - қазіргі Қостанай облысының.Жангелдин ауданындағы Ақкөл ауылы. А. Байтұрсынұлы алғашқы «Әліпби» оқулығын жазған. Оның «Қырық мысал», «Маса» деген шығармалар жинағы шыққан. Бар өмірін адал қызмет етуге арнаған оған «халық жауы» деген жала жауып, жазықсыз құрбан болды.

А. Байтұрсынұлы Крыловтың мысалдарын аударған. Сол аударған мысалдарын «Қырық мысал» деген кітап етіп шығарады. Соның бірі - бүгінгі «Аққу, Шортан һәм Шаян» мысалы.

Абай Құнанбаев, Ахмет Байтұрсынұлы - мысал жанрын қазақ әдебиетіне енгізуші аудармашы-ақындар. Ал сендердің 3-кластағы оқыған «Бидай мен Қаңбақ» мысалының авторы Асқар Тоқмағамбетов - жаңашыл мысалшы. Осы ақын-жазушылардың арқасында мысал жанры - қазақ әдебиетіне еніп, дамып келе жатқан жанр.

-Бүгінгі сабағымыз сайыс түрінде өтеді. Балалар топқа бөлінеді.

Топқа бөлу шарты: Төрт бұрыш қағазға салынған Аққудың, Шортанның, Шаянның суреттері таратылады. Сол сурет бойынша аққулар бір топқа, шортандар бір топқа, шаяндар бір топқа, «мысал» сөзін таңдағандар бір топқа бірігеді.

Оқулықпен жұмыс:

Мысалды жеке оқуы

Жұпен жұмыс:жұбыңа әңгімеле

Топпен жұмыс: «Топтас,ақылдас ,талқыла»

Алдын ала әр топқа әр түлі үй тапсырмалары берілген, олар өз сұрақтары төңірегінде жан-жақты ізденіс жүргізіп, оны тірек-үлгілер арқылы, яғни сызбалар салып, соған жазып түсіндіру қажет.

І топ: А. Байтұрсынұлының өмірі.

ІІ топ: А. Байтұрсынұлының мысалдары.

ІІІ топ: Қандай мысалдарды білесіңдер?

ІҮ топ: Ал сендердің 3-кластағы оқыған мысалдарды естеріңе түсіріңдер.

( Мұғалімнің мысалды мәнерлеп оқуы, балалардың түсінігін тексеру, нақтылау)

• Балалар, олар қайда өмір сүреді?

• Олар не істемек болды?

• Олардың жүктері неге қозғалмады?

• Ақын бұл кейіпкерлер арқылы қандай адамдарды бейнелеп отыр?

Мысалда автордың айтайын деген негізгі ойы болады дедік. Негізгі ой дегеніміз - ақынның айтар өсиеті.

1 - тапсырма. Автордың түйінді, яғни негізгі ойын табу.

• А. Байтұрсынұлының түйінді ойы қай жеде жазылған?

• Мысал бізді неге шақырады?

Мысалдың тәрбиелік мәні - балаларды бірлікке, ынтымаққа шақыру.

Қорытынды: Мысалда негізгі ой шығарманың басында немесе аяғында беріледі. Мысалдың міндетті түрде тәрбиелік мәні болады. Ол түйінді ой арқылы ашылып, айқындалады.

2 - тапсырма. Негізгі ойға қатысты ынтымақ, бірлік туралы білетін мақал жазу. Мысалы:

1. Бірлік болмай, тірлік болмас.

Әрбір топ жазған мақалының мағынасын түсіндіреді.

3 - тапсырма.Мысалды сахналық қойылым етіп дайындау. Бұл тапсырма бойынша балалармысалды алдын ала диалогке айналдырып алады. Автор сөзі болады. Мысалы, автор «Бір күні Аққу, Шаян, Шортан үшеуі кездесіп қалады. Олар үстіне жүк тиелген үлкен арба тауып алып, қатты қуанады.

Аққу айтады: - Достар, келіңдер, мына арбаны әуеге тартып шығарайық, - дейді.

Шортан айтады:

- Мұны көлге апарайық, - дейді.

Шаян айтады:

- Жоқ, одан да мұны құмға апарайық.

Автор:

- Сөйтіп үшеуі үш жаққа тартып, арбаны орнынан қозғалта алмайды.»

Осылайша балалардың әрқайсысы өз сөзін айтып, мысалды әр түрлі етіп импровизация жасауға болады.

Сергіту жаттығуы Ал, балалар, тұрайық,

Қане, қанат жазайық.

Аққу болып ұшайық,

Көлде жүзген балықтай,

Жүзіп, жүзіп алайық.

Қане, айналып, қарайық.

Қорытынды. Мақал-мәтелдер:

1. Алтау ала болса, ауыздағы кетер,

Төртеу түгел болса, төбедегі келер.

2. Бірлік болмай, тірлік болмас.

3. Жұмыла көтерген жүк жеңіл.

Бағалау: