Сабақ жоспар 'Ө дыбысы'

Сабақтың тақырыбы: Ө дыбысы мен әрпі

Сабақтың мақсаты: Білімділік: Ө дыбысы және әрпімен таныстыру,оның айтылу ерекшелігі мен жазылу жолын және әдемі ,таза,сауатты жазуға үйрету.

Тәрбиелік:Қоршаған ортамен ізгілік қарым-қатынасын қалыптастыру,үлкенді құрметтеуге, кішіге қамқор болуға тәрбиелеу,үй жануарларының пайдасын түсіндіре отырып оны аялауға баулу.

Дамытушылық: Ө дыбысы мен әрпін оқыту арқылы оқушылардың ойлау, есте сақтау, шығармашылық қабілеттерін дамыту.Сөздік қорын молайту.

Сабақтың әдіс-тәсілдері: Түсіндіру, топтау, көрсету,сын тұрғысынан ойлау технологиясы.

Сабақтың көрнекілігі: Интерактивті тақта,кеспе әріп,буындар,тапсырмалар,суреттер,үнтаспа

Пәнаралық байланыс:Математика, музыка, дүниетану.

Сабақтың түрі: Ойын сабақ

Сабақ барысы

І Ұйымдастыру кезеңі

Сыныпты топқа бөлу. Бүгінгі сабақта әжемізге қонаққа баратынымызды хабарлау.

ІІ Үй тапсырмасын пысықтау

«Кім көп біледі?» ойыны .

Ойын арқылы өткен дыбыстарды еске түсіру.

• Міне ,балалар, тапсырмаларды орындай отырып ,әжеміздің үйіне де келдік.Әжеміз сендерді сабақты қалай меңгеріп жүргендеріңді білгісі келеді және әр тапсырманы орындаған сайын мақал-мәтелмен танысатынымызды ,сабаққа жақсы қатыссаңдар сыйлығы көп екенін айтты.

Олай болса әжеміздің сандықшасынан тапсырмаларды алып орындайық.

І тапсырма

І топ ІІ топ

« Әже» мәтінін оқу «Ит» мәтінін оқу

«Дәптерлер» сөзін тақтаға жазу. «Инелік» сөзін тақтаға жазу

«Әке» сөзіне сөйлем құрау «Шие» сөзін қатыстырып сөйлем құрау

ІІІ топ ІҮ топ

«Зығыр» мәтінін оқу «Өркеш» мәтінін оқу

«Зәулім» сөзін тақтаға жазу «Өрмекші» сөзін жазу

«Жалбыз» сөзіне сөйлем құрау «Өзен» сөзіне сөйлем құрау

ІІІ Үй тапсырмасын бекіту

«Өркеш» мәтіні бойыша қойылым жасап,сөз тізбектерін оқимыз.

Әр тапсырма орындалған сайын әжеміздің сандығынан қызықты тапсырмалар,сыйлықтар шығады екен.

ІҮ Жаңа сабақ

Балалар, әжеміздің сандықшасынан шыққан тапсырмаларды қарайықшы.

1.Сөз атасы -мақал.

2.Жақсы сөз- жарым ырыс.

3.Өтірік айтпа, ұрлық жасама.

Мақалдарды оқу, мағынасын түсіну,хормен оқу.

Мақал- мәтелдермен таныса отырып мына жануарларды кезіктірдік. Бота, бұзау, құлын,қозы,лақ.Оқушыларға оқыту.

-Енді осы түліктерді санайықшы . Нешеу екен?

-Бесеу.

Содықтан бұларды -төлдер дейміз, ал, егер біреу ғана болғанда -төл дейтін едік

«Төлдерді жамырату» ойыны.

Әжемізге төлдерді жамыратуға көмектесейік.

Ө дыбысы кездесетін сөз айта отырып , төлдерді анасының қасына апарамыз.Төрт түлік жайлы түсінік беру.

Ал, балалар , енді үнтаспадан сөздер тыңдаймыз. Сендер ө дыбысы кездесетін сөздерді естісеңдер қолдарыңдағы тірек белгіні көтеріңдер.Ө дыбысы жайлы айту.

Ү Сергіту сәті

«Қошақаным» әнін тыңдай отырып, қимыл жасау.

Төрт түлікті сипаттау.

-Төрт түлікті сипаттау барысында пайдаланған сұрағымыз.

-Қандай?

Енді мына алманы сипаттаймыз.Көрсету арқылы қызыл екенін ,дәмін көрсету арқылы тәтті екенін білдіру.

Оқулықпен жұмыс.

Топтық тапсырма .

«Кім жылдам?» ойыны

Көп нүктенің орнына қандай? сұрағына жауап беретін сөздерді жазу

Қандай?

І топ ІІІ топ

_**** қайшы Қайшы _{**** ****} бөлме Бөлме_****

ІІ топ ІҮ топ

_**** жалау Жалау _{**** ****}тау Тау_****

«Тыңдайықта,байқайық»

Бағанда берілген көже шөже, көрік,көлік, көкек, көмек,сөз,көз, төл, көл сөздерін үнтаспадан тыңдата отырып , бұл сөздердегі е дыбысының ө болып, і дыбысының ү болып дыбысталуын байқату, дұрыс оқуға үйрету, жаттықтыру.

-Балалар, сендерді әжелерің, аналарың,әкелерің қалай еркелетеді?

«Бесік жыры» туралы түсінік беру.Бесік жырын тыңдату. «Бөпешім» өлеңін оқып, түсіндіру. Бірге айту ,қосылып жаттау.

Дәптермен жұмыс

Жазу үлгі дәптерлерінен ө әрпін көрсету ,бас әріп және кіші әріптерін, сөздерді үлгі бойынша әдемі, көркем етіп жазуын қадағалау.

ҮІ Сабақты қорытындылау

Балалар,әжеміз сабаққа жақсы қатысқан балаларға сыйлығын таратады.

-Сонымен ,балалар, бүгінгі сабақта нені білдік?

«Сиқырлы таяқша» арқылы балалардың ойын тыңдау,қорытындылау. Балаларды бағалау. ҮІІ Үйге тапсырма

Сөз тізбектерін оқу,өлеңді жаттау. Ө әрпін ,сөз,сөйлемдерді көркем етіп жазу.