Тема Қыс айлары

Көркем әдебиет

Сабақтың тақырыбы: Қаңтар мен ақпан

Сабақтың мақсаты:

Қыс мезгілінің ерекшелігін балаларға түсіндіру.

Қыс мезгіліне деген қызығушылығын арттыру.

Табиғатты бақылауға, қорғауға тәрбиелеу.

Әдіс-тәсілдер: Сұрақ-жауап, әңгімелеу, көрсету.

Көрнекіліктері: Қыс мезгілінің суреттері.

Сабақтың барысы:

Ұйымдастыру кезеңі.

- Қазір жылдың қай мезгілі?

- Қыс мезгілі неше айдан тұрады?

- Қыста қар неге жауады?

- Қардан не жасауға болады?

Дәптермен жұмыс: Ә. Табылдының «Қыс» өлеңін жаттау.

Жас ұланмын шыныққан,

Жасқанбаймын суықтан.

Қардан жасап аққала,

Сырғанаймыз шаттана.

- Сендерге аққала соққан ұнай ма?

- Аққаланы неден соғады?

- Ендеше аққала соғып көрелік.

Сергіту сәті: Қарды жинаймыз, дөңгелектейміз, тағы да біреуін дөңгелектейміз. Дайын қарларды бірінің үстіне бірін қоямыз. Қолын жасаймыз, көздерін, мұрнын, аузын жасаймыз. Мінекей, аққаламыз да дайын болды. (Қимылмен көрсетеді).

Қимылды ойын: «Қар жинау».

Ойын шарты: Балалар екі топқа бөлінеді. Ортада екі топқа да бірдей етіп қар үйілген. Берілген белгі бойынша шелекке қарды толтыру керек.

Дәптермен жұмыс: Жұмбақтың шешуін тап.

Шанамен зырлап желетін,

Шаңғы, коньки тебетін,

Аққала жасап ойнайтын,

Қай мезгіл деп ойлайсың?

(Қыс мезгілі).

Дидактикалық ойын: «Аққаланы құрастыр».

Ойын шарты: Қиып дайындалған аққаланың денелерін тақтаға апарып ретімен орналастыру керек. Балалардың көздері байлаулы болады. Ойын осылайша жалғасады.

Қорытынды:

- Қыс мезгілінде қандай ерекшеліктері бар? - Қыс айында қандай мерекелер болады? - Қыс мезгілі несімен ұнайды? - Қардан тағы не жасауға болады?