Әңгімелеу мәтіні ашық сабақ

Сабақтың тақырыбы: Әңгімелеу мәтіні.

Мақсаты: Мәтін түрлерін қайталау арқылы алған білімдерін кеңейту.

Байланыстырып сөйлеу дағдысын және сөздерді қолдану ерекшелігі арқылы сөйлеу мәдениетін дамыту.

Сабақтың түрі: аралас сабақ

Әдістері: сұрақ - жауап, түсіндіру, көрнекілік, талдау, шығармашылық - ізденушілік әдістері.

Көрнекілігі: суреттер, интерактивті тақта, тірек - сызба, оқулық.

Сабақ барысы:

1. Ұйымдастыру кезеңі. Амандасу, оқушылардың назарын сабаққа аудару.

2. Өткен сабақты бекіту. Сұрақ - жауап:

- Мәтін дегеніміз не?

- Мәтіннің қандай бөліктері болады?

- Мәтіндегі сөйлемдердің орындарын ауыстырып айтуға бола ма?

3. Интерактивтік тақтамен жұмыс.

- Мен сөз жасырдым. Бұл сөз екі сөзден құралып тұр.

Бір таңбалы сан + адамның дене мүшесі = суда тіршілік ететін жәндік.

Жауабы: сегізаяқ (интерактивті тақтадан сегізаяқтың суреті және мәтін

көрсетіледі.)

Ендеше мәтін «Сегізаяқ» деп аталады.

- Бұл мәтін не туралы? - Тақырыбы қалай аталады?

Мәтіндегі сөйлемдерге қандай сұрақтар қоюға болады.

(Оқушылар жауабы: - Сегізаяқ не істейді? - баяу қозғалады.- Жауын көргенде қайтеді?- құтылып кетеді. Аяқтарын төмен салбыратса не істейді?

Ұйқыға батады, ұйықтай береді

- Яғни осы аталған сөздер бұл мәтіндегі тірек сөздер. Осы тірек сөздер мәтіндегі сөйлемдер арасында байланыс жасап тұр. Бұл мәтіннің - әңгімелеу түріне жатады. Себебі, бір оқиғадан соң екінші оқиға айтылады. (Сөйлемдердің орындарын ауыстыруға болмайды. Егер құрылымы бұзылса мәтінде не туралы айтылғанын ұғу қиын болады.)

Әңгімелеу мәтінінің ерекшелігі:

1) Мәтін «не істейді, не істеді» деген сұрақтарға жауап береді.

2) Тірек сөздері - етістіктерден болады.

3) Сөйлемдер тізбектеле байланысады. Мәтін соңына қарай негізгі

ой айтылады. (тірек - сызбада көрсету) .

4. Жаңа сабақтың тақырыбын, мақсатын, хабарлау.

5. Көркем жазу.

6. Тақтамен жұмыс.

Қыздың көргені бойынша жазған әңгімесін ретке келтіріп жазу. Оқу.

4-жаттығу. (Сызбада көрсету).

7. Сергіту сәті.

8. Сөйлемдердің берілу ретінің сурет мазмұнына сәйкестігін анықтау. Сурет реті бойынша сөйлемдерді көшіріп жазу. 5-жаттығу.(Слайд)

9. «Түлкі мен ешкі» ертегісін айту. 6-жаттығу.

1) суреттер мен сөйлемдер арқылы;

2) суреттердің көмегімен;

3) есіңде қалғаны бойынша;

10. Сабақты қорытындылау.

- Бүгін сабақта не үйрендіңдер?

11. Үй тапсырмасы. 7-жаттығу.

12. Бағалау.