Сабақ жоспары Отбасы, Сөйлем.

Сабақтың тақырыбы: Отбасы. Сөйлем

Сабақтың мақсаты: 1) Сөйлем туралы түсінік беру. Сөйлемді дұрыс құруға үйрету. Отбасы мүшелерінің міндеттерін және бір-біріне деген қарым-қатынастары туралы әңгімелесу.

2) Оқушылардың ауызекі тілдерін дамыту, толық жауап беру дағдысын қалыптастыру.

3)Еңбексүйгіштікке, қамқорлыққа, үлкенді сыйлауға, кішіге қамқор болуға тәрбиелеу.

Сабақтың типі: жаңа сабақ

Әдісі: сұрақ-жауап, әңгімелеу

Пәнаралық байланыс: дүниетану

Көрнекіліктер: отбасы бейнеленген суреттер

Сабақ барысы:Оқушыларды тыныштандыру.

Бір, екі, үш

Сынып іші тып-тыныш

Жалқаулықты тастаймыз

Сабақты біз бастаймыз.

• Оқуға қажетті оқу-құралдарының түгелдігін тексеру

ІІ. Өткенді еске түсіру

Көкеністерді атау (неше буын, неше дауысты дыбыс?)

Жемістерді атау (неше буын, неше дауысты дыбыс?)

• Жауптарын толықтыру.

ІІІ. Жаңа сабақ

• Сурет бойынша әңгімелеу

• Отбасы мүшелері кімдер? - сұрағына жауаптар алу

• Олардың отбасындағы міндеттерін ажыратып айту.

• Сурет бойынша сөйлемдер құрату. Сөйлемдерінде неше сөз бар екенін анықтау

• Сөйлемнің сөздерден құралғанын ашып айтып, түсіндіру.

Оқулықпен жұмыс. Әр сурет бойынша оқушылардың әңгімесін тыңдау, толықтыру.

• Отбасына қатысты мақал-мәтелдер айту

Әке көрген оқ жонар, ана көрген тон пішер.

Ана алдында-құрмет,

Ата алдында-қызмет.

Әке-асқар тау,

Ана-етегіндегі бұлақ,

Бала-жағасындағы құрақ.

Ана сүтін ақтамағанды,

Ешкім мақтамайды.

Ата-анаңның сөзін жерге тастама,

Байып алсаң-менмендікке бастама.

• Отбасындағы адамдарды сыйлауға, үлкенге көмекші болуға, кішілерге қамқорлық жасауға шақыру.

• Оқушылардың өз отбасылары туралы әңгімелерін тыңдау.

Сергіту сәті Оңға, оңға түзу тұр,

Солға, солға түзу тұр.

Алға қарай бір адым,

Артқа қарай бір адым.

Жоғары-төмен қарайық,

Орнымызды табайық.

Дәптермен жұмыс Дәптерімізді ашайық,

Қолға қалам алайық.

Салақтықтан қашайық,

Әдемі етіп жазайық. - деп дәптерлерін ашқызып, партада отыру, қаламды ұстау, дәптерді қою ережелерін еске түсіру.

Дәптерлеріне әріп элементтерін жазғызу.

• Әр жолды жазғаннан кейін қаламдарын қойғызып, қолдарын демалту

ІV.Қорытынды

- Сенің отбасыңдағы орның қандай?

- Нені үйрендіңдер? (сөйлемнің сөзден құралатынын)

V. Бағалау

Сабақта белседілік танытан оқушыларға тиісті бағаларын қою.

VІ. Үйге тапсырма беру.

«Менің - отбасым» тақырыбына әңгіме құрау