Ашық тәрбие сағаты 'Төрлет, құтты Жаңа жыл!'

Жаңа жыл!

Қадірменді қонақтар, ата - аналар , кіп- кішкентай бүлдіршіндер!

Бүгінгі Дайындық «Б» тобының «Төрлет құтты жаңа жыл » ертеңгілігіне қош келдіңіздер!

Жаңа жыл құтты болсын!

Жаңа жыл денсаулық пен қуаныш , бақыт пен байлық әкелсін,

татулықпен пен бірлік , мол ырысын , құтты қадамын ала келсін!

Жүргізуші:

Жаңа жыл мерекесі құтты болсын,

Әрқашан мерекелік көңіл болсын!

Кеудеміз күмбірлеген жырға толып,

Қане достар , күлкімен орта толсын.

Әлинұр

Жаңа жылды біз тойлап,

Шаттанамыз бәріміз.

Өлең де әзір, ән де әзір,

Ойын да әзір , бәрі әзір.

Кел Жаңа жыл біздерге,

Кел Жаңа жыл біздерге!

Ернар:

Тамаша, тамаша

Шыршамыз тұр жараса.

Басында әсем жұлдызы

Көз тоймайды қараса.

Хор : «Төлдер жыры»

Ерқасым

Әкелді жыл ырыс-құт,

Әлемде той , тыныштық.

Жарқын өмір жаңаша,

Жаңа жылым - тамаша.

Әділбек

Қонақтайды бақтарға,

Ақ көбелек, ақ мамық.

Аунап таза ақ қарға,

Балалар жүр мақтанып.

Гүлсая

Қош келдің, Жаңа жыл!

Қуант бізді, Жаңа жыл!

Төрлет, төрлет, Жаңа жыл!

Жаңа жыл - жаңа жыр,

Төрлет, құтты Жаңа жыл!

.

Жүргізуші: Балалар жаңа жылдық мерекемізді тойлауға кім келеді?

Балалар :Аяз ата , Ақшақар келеді.

Жүргізуші: Олай болса Аяз атаны шақырайық.

Балалар : Аяз ата Ақшақар , Аяз ата аауууу...

Ортаға мыстан кемпір кіріп келеді:

Мыстан: Пай - пай ! Мен қайда келдім. Мына жерде не боп жатыр! Мына шыршаның кереметін - ай !

Уйге алып кетсем бе екен ? /Осы кезде мыстан төменге еңкейіп , шыршаның түбімен жұлып алғысы келеді./

Жүргізуші: Мыстан шешей біз, сізді шақырған жоқпыз . Аяз атаны шақырдық, күтіп отырық .

Жүргізуші: Мыстан кемпір! Біз «Жаңа жыл» мерекесін тойлап жатырмыз, тимеңіз шыршамызға !

Мыстан: Мына шыршаның тамырының тереңін - ай , жұлынбайды ғой.

Жүргізуші :

Мыстан : Жоқ , жоқ Жаңа жылды тойламайсыңдар!

Мен Аяз атамен Ақшақардың жолын бөгеп тастадым ол сендерге келмейді!

Балалар : Мыстан шешей бізге Аяз ата керек біз жаңа жылды тойлағымыз келеді.

Мыстан : Ха - Ха болай болса менің бір шартым бар сендер соны орындауларың керек! Сендер мені жеңулерің керек!

Жеңбесеңдер мен Аяз атаның жолын ашпаймын!

Балалар: Мыстан шешей орындаймыз, орындаймыз!

Мыстан ойын ойнатады.

Ойын: «Кім пиманы тез киеді?»

Мыстан: Жарайсыңдар балалар сендер мені жеңдіңдер!

Мен Аяз атаның жолын ашайын!

Мыстан кетіп қалады.

Жүргізуші: Аяз ата келгенше тақпақтарға кезек берейік.

Ерсұлтан

Тілеймін мен бар әлемге,

Дос көп болсын Жаңа жыл.

Ата - әже, әке - шеше,

Құтты болсын Жаңа жыл!

Нұрсая

Жаңа жылым мол болсын,

Басқан қадам оң болсын!

Төрле, төрле Жаңа жыл,

Бізге құтты жыл болсын!

Б.Аружан

Аспан жерге төгеді,

Ақ күмісін уыстап.

Жаңа жылым келеді,

Бізге қарай жылыстап.

М.Аяулым

Жаңа жыл, жаңа жыр,

Көбейсін жаңа жыр.

Жасыл шырша жанында,

Билеп барлық бала жүр.

Сабина

Жасыл желен жамылған,

Асыл моншақ тағылған.

Міне сұлу шыршамыз,

Көптен күтіп сағынған.

Абылайхан

Алақай, қыс келді,

Көңілді балалар.

Жасыл шырша жанында,

Би билеп жүр қараңдар.

Күлдіргіштер жүгіріп келеді.

Күлдіргіштер: Аяз ата келе жатыр алақай, алақай!

Жүргізуші : Олай болса балалар бәріміз бірге Аяз атаны шақырайық.

Балалар : Ауу- ауу Аяз ата , Ақша қар!

Аяз ата келеді.

Балалар : Сәлеметсізбе, Аяз ата Ақшақар!

Аяз ата: Құтты болсын балалар ,

Келген жаңа жылдарың!

Алаңдамай өсіңдер,

Еркелеп қыз - ұлдарың!

Жүргізуші: Сәлеметсізбе Аяз ата, Ақшақар!

Балалар : Сәлеметсіз бе Аяз ата , Ақшақар!

Ақшақар : Сәлеметсіңдер ме Балалар?

Жүргізуші: Жолдан шаршап келген шығарсыз, отырыңыз, балалардың сізге арналған жыр шашуын қарсы алыңыз.

Би: Вальс .Ернар- Аружан, Нұрберген - Нұрсая, Әлинұр - А. Аяулым

Мерекелік тақпақтар:

Арайлым

Ақ қырауға малынған,

Сақалы да мұртыда.

Аяз ата сағынған,

Сәлем берді жұртына.

Нұрберген

Аяз ата ақ сақалды,

Ақ таяқты паң ата.

Асып өтіп асқар тауды,

Жеттің бізге таң ата.

Т.Аружан

Жаңа жыл баршаңды,

Кенелтсін зор бақытқа.

Білмеңдер бір шаршауды,

Бөленіңдер шаттыққа.

Есқали

Аппақ тонға оранып,

Базарлақты мол алып.

Келді алыс сапардан,

Аяз ата оралып.

Ақберен

Қалып едік сағынып,

Күтіп алдық жабылып.

Жолын қойдық жарық қып,

Шыршаларға шам іліп.

Жүргізуші:Ойын Ата - аналар шаршап қалдықпа. Бойымызды сергітіп алайық. Ата - аналармен ойын.

Би: Клоун : Санжар, Алаш, Әділбек, Абылай.

Хор : «Жаңа жыл »

Жүргізуші: Балалар Ақшақардың бізге әкелген өнері бар шығар тамашалайық.

Ақшақар: Сүйсіндірер маңайды,

Ақшақармын арайлы.

Жалт - жұлт еткен жүзімнен ,

Күміс сәуле тарайды.

Ақшақармын , аппақпын,

Қалай тыныш жатпақпын.

Менсіз қыстың сәні жоқ ,

Әнмін , жырмын, тақпақпын.

Би : «Ақшақарлар» Аяжан, Б.Аружан, Сабина, Арайлым, Гүлсая, М.Аяулым.

Тақпақтар :

Аллаберген

Аяз ата ойды қырды,

Аралап жүр түгел шолып.

Қарсы алады Жаңа жылды,

Ол да көптің бірі болып.

Аяжан

Жаңа жылды қарсы алдық,

Мініп алап күймеге.

Мен де бүгін ән салдым,

Араластым биге де.

А.Аяулым

О, халайық, халайық!

Қош айтысып қалайық,

Ескі жылмен қоштасып,

Келер жылмен достасып,

Жаңа жылды тойлайық!

Санжар

Би биледік, жыр жырладық,

Қызығына тоймадық.

Достарымен ойнадық,

Жаңа жылды тойладық.

Аслан

Қуанышты ортамыз, сазға ұласқан,

Тілегім: болсын мәңгі ашық аспан!

Жаңа жылға қадам басқан,

Гүлденіп , көркейе бер, Қазақстан!

Би : «Буратино» Есқали, Алаш, Санжар, Әлинұр , Ерсұлтан, Ерқасым.

Би Флешмоп : топтық би

Ойын Аяз атамен бірге .Күн -түн

Аяз ата: Жарайсыңдар балаларым!

Ал енді біз жолға шығайық, басқа да балалардың өнерін тамашалаймын.

Ал балаларым сендер өсе беріңдер, өркендей беріңдер.Қош сау болыңдар!

Балалар ; Сау болыңыз Аяз ата!

Ата - аналарға сөз кезегін береміз

Жүргізуші: Құрметті қонақтар, балалар , 2016 жылға арналған мерекелігіміз аяқталды . Көріп тамашалағандарыңызға, рахмет!

Жаңа жыл құтты болсын!

«Бейнеу ауданы Ы.Алтынсарин атындағы орта мектебі» ММ-сі

Тақырыбы:

Дайындаған : Раушанова Гүлшат

2014 - 2015 оқу жылы