Математика пәнінен Қайталау сабағы

Сынып: 3

Пәні: математика.

Сабақтың тақырыбы: Пысықтау.

Сабақтың мақсаты:

Білімділік: Көбейту және бөлуге берілген есептерді шығару дағдыларын жетілдіру.

Дамытушылық: Оқушылардың логикалық ойлау, танымдық қабілеттерін арттыру, шығармашылықпен жұмыс істей білу дағдысын қалыптастыру

Тәрбиелік: Оқушыларды ұйымшылдыққа, жылдамдыққа, өзбеттерімен жұмыстана білуге, шапшаң әрі қатесіз есептей білуге тәрбиелеу.

Сабақтың түрі: Саяхат сабақ.

Сабақ типі: Білімді бекіту.

Пәнаралық байланыс: дүниетану, музыка, денешынықтыру.

Көрнекі - құралдар: АҚТ, слайд, геометриялық материал, қима суреттер, жеке карточкалар.

Сабақ барысы :

I.Ұйымдастыру кезеңі.

Психологиялық дайындық.

Шырылдады қоңырау,

Біз сабақты бастаймыз

Партамазға отырып, табыс тілеп бәріміз.

Жаңа білім алуға, алға қадам басамыз.

- Бүгін бізде ерекше сабақ. Біз Білім теңізіне саяхатқа шығамыз.Бүгінгі тақырыбымыз Қайталау болғандықтан, бүгін алған білімдерімізді жүйелеп, пысықтаймыз..

- Саяхатқа немен баратынымызды, жұмбақтың жауабын табу арқылы білесіңдер.

Жазда айдында жүзедi,

Қыста үмiтiн үзедi. ( кеме)

-Міне, біздің кемеміз.. ( 5-слайд ,теңіздің дыбысы естіледі, кеме суреті шығады).

- Саяхатымыз сәтті өту үшін, келесі ережелерді сақтау керек:

- Тапсырмаларды дұрыс орындау керек;

- Сабаққа бар зейінді салу керек;

- Бірігіп жұмыс істеу қажет;

- Сендердің алдарында біздің саяхат картамыз.

Біз сендермен бүгінгі сабақта:

• Санап көр аралында;

• Есептер жағалауында;

• Сәттілік жағасында;

• Геометрия мекенінде;

• Көбейту бұғазы деген жағалауды аралаймыз. (6-слайд)

II. Көркем жазу минуты.

- Алдымен саяхат жасайтын дәптерімізді ашып, саяхат жасайтын күнімізді жазып алайық. (7- слайд).

-Балалар, ең үлкен бір таңбалы сан қандай? (9)

- Осы тоғыз санын қолданып, ең үлкен үш таңбалы санды жазып көріңдер. (999)

- Балалар, осы 999 санын сипаттап беріндерші.

(Бұл сан үштаңбалы, тақ сан, 9 жүздіктен, 9 ондықтан, 9 бірліктен тұрады.Оның көршілері 1000 саны және 998 саны)

III. Ауызша есептеу.

1. "Күннің көзі" дидактикалық ойын. (көбейту кестесіндегі жағдайларды бекіту).

- Бірақ, не көріп тұрмыз? Бұлттар аспанға түсіп, теңіз тулай бастады.Біз осындай ауа- райында саяхатқа шыға алмаймыз. Бұл өте қауіпті. Күннің көзінен бұлттарды кетіруге көмектесейік. (8-слайд).

- Өрнектерді келесі сөздерді қолданып оқыңыз.

• көбейту;

• 1-көбейткіш, 2-көбейткіш, көбейтіндінің мәні.

• ... есе арттыру;

• Көбейтіндінің мәні;

-Мәнін табыңдар. Қалған балалар амал дұрыс болса жасыл белгіні көтереді, дұрыс болмаса қызыл белгіні көтереді.

7 * 8 (Мысалы, 7 көбейту 8 тең болады 56)

5 * 4 (бірінші көбейткіш - 5, екінші көбейткіш - 4, көбейтіндінің мәні - 20)

6 * 8 (6-ны 8 есе арттырса 48 саны шығады.)

7 * 3 (7-ні 3 -ке көбейтсек 21 шығады)

9 * 7 (9 -ды 7-ге көбейтсек, 63 шығады.)

- Жарайсындар! Тапсырманы жеңіл орындадындар! Күн жарқырап шықты, теңіз тынышталды. Әрі қарай жүре беруге болады. Біз санап көр аралына келіп жеттік.

2.Қызықты есептер. (10-слайд).

а) Семсер балық 6 жыл, ал дельфин - 26 жыл өмір сүреді. Дельфин семсер балыққа қарағанда қанша жылға ұзақ өмір сүреді? 26 - 6 = 20 (ж.)

Балалар үйге осы семсер балық пен дельфин туралы қосымша мәлімет дайындауға тапсырма берілген болатын. (Тапсырманы дайындаған оқушылар тақтаға шығады, 11-слайд).

Семсер балық - ең үлкен және жылдам балықтың бірі. Оның салмағы 100-200 килограмм, ал денесінің ұзындығы 4-5 метрдге дейін жетеді. Семсер балық сағатына 130 шақырым жылдамдықпен жүзе алады. Оның тұмсығы семсерге ұқсас, алға шығып тұрады, аты да содан шыққан.

Дельфин - сүтқоректілер класының кит тәрізділер отрядына жатады. Олардың денелері - жұмыр, ұзындығы - 10 мертдей. Дельфиндер еске аяқтарымен суда өте жеңіл және жылдам жүзеді. Қолға тез үйренеді, адам үйреткен жаттығуларды шебер қайталайды.

б) Атланттық бекіре балығының массасы 320 кг, ал шортанның массасы одан 8 есе кем. Шортанның салмағы қанша? 320 : 8 = 40 (кг)

(Қосымша мәлімет дайындаған оқушылар тақтаға шығады, 12 -слайд).

Атланттық бекіренің ұзындығы 3-метрге, ал салмағы 300 килограммға дейін жете алады. Бұл балықтың түрі Қызыл кітапқа енгізілген. Өйткені саны азайып, сиреп бара жатыр.

Шортан балығының салмағы 47 килограмм, ал ұзындығы 180 сантиметрге дейін жетеді. Шортан - жыртқыш балық. Олардың өмір сүру ұзақтығы 30-35 жылдай. Дене пішіні жебе тәрізді, ұсақ қабыршақтар жапқан, басы жалпақ, Аузы үлкен, оның өткір тістері , сондықтан оның аузына түскен жемтігі аузынан кері шыға алмайды.

5. Жазуды анықтандар. Сол арқылы ары қарай қайда жүзетінімізді білеміз. (17-слайд).К

700 + 50 -> Ө

20 * 4 -> Т

0 * 28 -> Е

5 * 7 -> У

30 * 3 -> Б

400: 8 -> Й

- Сөзді оқыңыз. КӨБЕЙТУ. Көбейту жағасына бағыт аламыз.

V.Оқулықпен жұмыс.

- Саяхатымызды жалғастырамыз. Біздің кемеміз көбейту жағасына келді.

- Оқулығымыздың 47 бетін ашамыз №.4.... есебіне назар аударамыз.

- Өрнектің мәнін тап: (19-слайд).

(400+60): 2= 400: 2 + 60: 2 = 230

(600+90): 3 =600:3+90:3 =230

20* (60+2) = 60 * 20 + 20*2 = 1240

(5+3) * 40 = 5 * 40 + 3 * 40 =320

(800 + 40) : 4 = 800: 4 + 40 : 4 = 220

(500+50) : 5 = 500: 5 + 50: 5 = 110

• Бұл көбейтудің қандай қасиеті?

-Келесі тапсырма № 7, 48 бет

18 * 5 = 50 + 40 = 90 90 : 5 = 10+ 8 = 18

28 * 5 = 100 + 40 = 140 140 : 5 = 20 + 8 = 28

38 * 5 = 150 + 40 = 190 190 : 5 = 30 + 8 = 38

VI. Сергіту сәті.

- Судың ағысы кемемізді Өзгерістер жағалауына алып келді. Осында біз біраз демаламыз. (21-слайд).

- Мен мысалдарды слайдта көрсетемін, ал сендер жауабын қимылмен көрсетесіндер

- 12 : 3, неше рет аяқпенен басамыз.

- 20 : 4 неше рет қолмен шапалақтаймыз.

- 21 : 7 неше рет отырып тұрамыз.

- 12 : 6 сонша рет айналамыз.

-Демалдық, қайта жолға шығамыз!

VII. Есептер аралына келіп қалдық.

1. Есепті шығар. Сөз есеп. (24-слайд).

- Есептер жағасына жақындадық.

-Есепті оқыңыз.

Аралда 150 жануар болды. Олардың 45-піл, 65 тотықұс, қалғаны маймылдар. Қанша маймылдар болды?

-Есепте не туралы айтылған?

- Қысқаша жазуға қандай сөздеді аламыз.(Слайд 25)- Есепте не берілген?

- Нені табу керек?

- Есептің сұрағына бірден жауап беруге бола ма?

- Тексеру..

- Дәптерге өздерін шешуін екі тәсілмен жазып аламыз.

Тексеру:

I тәсіл. 150 - (45 + 65)=40 (маймыл.)

II тәсіл. 150 - 45 - 65= 40 (м.)

Жауабы: Аралда 40 маймыл болды.

2. Геометриялық материал.

- Біз Геометрия жағалауына келдік. Бұл жағалауда түрлі геометриялық фигуралар тұрады. Ал қандай фигура туралы айтылғанын жұмбақты шешу арқылы табасыңдар. (27-слайд).

Ол бұрыннан бізге таныс,

Әр бұрышы оның тік,

Барлық 4 қабырғасының

Ұзындықтары бірдей. Қандай фигура? (Шаршы)

Жұппен орындайтын практикалық тапсырма.

- Геометриялық фигуралардан шаршы құрастырамыз. Оның ұзындығын, енін өлшеп, периметрі мен ауданын табыңыз. ( 1-парта ұзындығы 5 см қызыл түсті шаршы құрастырады.2 -парта ұзындығы 6 см болатын көк шаршы құрастырады, 3-парта - ұзындығы жасыл болатын 7 см шаршы құрастырады.

Тексеру.:

- Шаршының периметрін қалай таптыңдар? (Р = а * 4, а - шаршының ұзындығы)

- Шаршының периметрі нешеге тең? Санды көрсетіңіз. (I парта- 20 см, II парта -24 см, III парта - 28 см)

- Шаршының ауданын қалай таптыңдар? (S = a * a)

- Құрастырылған шаршының ауданы нешеге тең ? Санды көрсетіңіз.

(I қатар - 25 см², II қатар -36 см², III қатар - 28 см²)

IX.Қорытынды. Рефлексия.

- Біздің саяхатымыз өз мәресіне жетті.Бізге үйге оралу керек. Біздің бірлесіп топпен жақсы жұмыс жасағынымыздың арқасында біз қайтып туған жеріміздеміз. (31- слайд)

- Бүгінгі Білім теңізіне жасаған саяхатымызда жаңа не білдіңдер?

- Сендерге не ұнады?

- Бүгінгі сабақта өздерінді бағалап көрейік.

• Бүгінгі сабақ сендерге ұнаса, сабақта бәрін түсініп, ұғындық десеңдер,сары балықты көтеріңіздер.

• Егер сабақта жақсы жұмыс істедім, бірақ одан да жылдам жұмыс істей аламын десендер, көк түсті балықты көтереміз.

• Егер ешнәрсе түсінген жоқпын, мұғалімнің көмегі керек десендер жасыл түсті балықты көрсетіңдер.

-Жақсы балалар, барлығын түсінген екенсіңдер. Ендеше үй тапрсымасын жазып алайық.

X. Үйге тапсырма:. #5. 48 бет.

Бағалау. Бүгінгі сабағымызға белсенді қатысақан барлық баланы бағалау.

Қостанай облысы, Таран ауданы, Тобыл орта мектебі.

Бастауыш сынып мұғалімі: Каскадамова Қарлығаш Шарапиқызы