Открытый урок на тему: 9 санының құрамы

Тақырыбы: 9 санының құрамы.

Мақсаты: 1) Оқушылармен 9 санының құрамы туралы білімдерін қалыптастыру, білімдерін кеңейте түсу, арифметикалық амалдардың мән - мағынасын ашу, есепті шығару барысында амалдарды дұрыс таңдай алу білігін қалыптастыру.

2) Ауызша есептеу арқылы белсенділігін, ойлау, есте сақтау, танымдық қызығушылығын дамыту.

3) Оқушыларды өз бетімен жұмыс істеуге баулу, іздемпаздыққа, өзіне сенімді болуға ұмтылдыру. Жауапкершілікке, адамгершілікке тәрбиелеу.

Сабақтың түрі: Ойын сабақ.

Сабақтың әдісі: түсіндіру, салыстыру, сұрақ-жауап, талдау, дәлелдеу.

Сабақтың көрнекілігі: суреттер, кесте, карточка.

Сабақтың барысы:

1. Бағдарлау- мотивациялық кезең.

1) Психологиялық дайындық жасау..

Менің ойым -мейірімді,

Менің жүрегім -мейірімді,

Мен - мейірімді адаммын!

Бар зейінімізді сабаққа аударамыз. Сонымен қатар бүгінгі сабақтың ашық сабақ екендігін, бізге қонақтар келіп отырғанын ескертемін.

2) Ойын «Санды ретімен орналастыр»

Мақсатымен таныстыру: Біз сабақ барысында Дымбілместің тапсырмаларын орындап, 9 санының құрамын қайталаймыз, есептер құрастырып, шығарамыз 3

«Математикалық диктант».

1. І қосылғыш -3, ІІ қосылғыш-1,қосындының мәні ( 4 )

2. 4 пен 2-нің қосындысы ( 6 )

3. Заттарды біріктіргенде, қандай амал қолданамыз? (+ )

4. Заттарды бөліп алғанда қандай амал қолданамыз? (-)

5. Гауһарда 6 сәбіз.

Айжанда 3 сәбіз.

Барлығын қосқанда

болады неше сәбіз? ( 9 сәбіз )

6. 9 сәбіздің екеуін

Досың сұрап алады.

Айтшы сонда нешеуі

Өз қолында қалады? ( 7 сәбіз )

7. Азайғыш -7, азайтқыш-2, айырманың мәні (5)

4)Тақтамен жұмыс

9 санының құрамын қайталау.

Теңдіктер құрастыру, тексеру.

Ал енді балалар,алдарында тұрған сандар мен таңбаларды құрастырып,теңдік құрайық.

1 +8 = 9 2 + 7 = 9

8+1=9 7+2=9

9-1=8 9-2=7

9-8=1 9-7=2

Сергіту сәті:

Оң қолымда бес алма

Сол қолымда 5 алма

Барлығын біз қосқанда

Болып шықты неше алма?

9алма

5) 1. Ой қозғау стратегиясы

Өтілген сандар қатарын қайталау.

1 дегенім - бүркіт

2 дегенім - ешкі

3 дегенім - үкі

4 дегенім - түлкі

5 дегенім - бұлбұл

6 дегенім - арғымақ

7 дегенім - жылқы

8 дегенім - серке

9 дегенім - тырна.

2. Ауызша есептеу

Тал басында

Тізіліп,

9 жапырақ тұр еді.

Жел соқты да

Үзіліп,

Ұшып кетті 5- еуі

9-5

Тоғыздан бірді алайық

Қанша қуыршақ қарайық

Қарайық та санайық

Санайық та табайық

9-1

Көлде жүзді 9 қаз

Ұшып кетті 2 қаз

Қалды оның нешеуі?

Кәне, кім тез шешеді?

9-2

Бесеуі аз деп ботақан,

Қосты тағы 4 -уін.

Табыңдаршы ойланып,

Қанша болды ботақан

5+4

ІІ. Орындаушылық- операционалдық кезең.

1. Дәптермен жұмыс. 17 бет

А) Қосындының мәні 9 болатын қосындылар құр. Мәндерін тап.

9+0=9 0+9=9 1+8=9 8+1=9

Б) Азайғышы 9 болатын айырмаларды жаз. Мәндерін тап.

9-8=1 9-9=0

Балалар, біздің сабағымызға бүгін Дымбілмес қонаққа келді. Ол бізге көмек сұрай келіпті.

Біз оған үйіне баруға көмектесейік,оның тапсырмаларын орындайық.

Дымбілместің тапсырмалары:

1-тапсырма

ІІ. Оқулықпен жұмыс №4 (79 бет).

2-тапсырма

Алгоритм құрау.

1. Жасыл кесіндінің ұзындығын өлшеймін. 9 см

2. Көк кесіндінің ұзындығын өлшеймін. 3 см

3. Екі кесіндінің ұзындықтарының айырмасын есептеймін 9см- 3 см

4. Қызыл кесіндінің ұзындығын өлшеймін. 5 см

5. 9 сантиметр кесінді сызу.Жолақша тарату

3-тапсырма

Рефлексия:

- Балалар бүгінгі сабақта не өттік?

- Бізге қонаққа кім келді

-Бүгінгі сабақ сендерге ұнады ма?

Мадақтау