Открытый урок по математике. 2 класс. Тема: Проверка сложения.

Открытый урок по математике во 2 классе.

Тема: Проверка сложения.

Учитель: Ооржак Венера Шыырыповна

Темазы: Кадылганы хынаары.

Сорулгазы:

• кадылга кылдыныының хыналдазын күүседип өөредир;

• 1-100 чедир саннарны шын кадарын, казыырын, эптиг арганы ажыглап тургаш бодаарын, бодалгалар бодаар мергежилин сайзырадыр;

• Уругларны чараш аажы-чанга кижизидери,

Кичээлдиң чорудуу

I Организастыг кезээ.

- Кандыг чараш байырлал кел чыдар ийик? Соок-Ирей бисче Чаа чыл таварыштыр шивижигеш-биле дыка чараш ойнаарактарны белек кылдыр чорудупкан. Бөгүн кичээлде бис шивижигешти каастаар сорулгалыг бис. Ойнаарактар анаа эвес, а даалгаларлыг. Даалгаларны куусеткеш, оларны азар бис.

II Аас-биле санаашкын.

Бирги ойнаарактың даалгазы:

- Аас-биле кайы-хире сан санап билир силер деп турар-дыр.

Экранда (слайд)

«Санны чыг»

1

4

11

9

14

5

7

3

6

10

15

8

13

12

0

- 14 деп санны аңгы-аңгы аргалар-биле чыыптыңар.

- Аас-биле санаашкыннарны шын санадыңар, ынчангаш шивижигешке 1 ойнаарактан азыптаалыңар.

III Кичээлдиң темазын болгаш сорулгазын тодарадыры.

1. Дараазында ойнаарактың силерге белеткеп алган онаалгазы экранда көстүп тур.

Экранда (Слайд)

1. 67-y=60

2. 9+5=14

3. х-2=18

- Экранче кичээнгейлиг көргеш, бо бижээн чүүлде чүү артыгыл тыптыңарам.

9+5=14 артык. 2 дугаар чижек артык

- Чуге?

- Чуге дээрге 1 биле 3 дугаары деңнелгелер.

- Деңнелге деп чүл?

Деңнелге - ол болза, тывары негеттинип турар билдинмес санныг деңнел болур.

- Билдинмес санны тыптаалыңар.

y кашка дең? у=7

х=20

- Артык 9+5=14 деп чижекти көрээлиңер.

- Бо кылдыныгны чүү дээр бис?

- Кадылга.

- Кадып турда бо саннарны канчаар адаар бис?

Экран (слайд) Каттыныг+Каттыныг= туң

- Орус дыл кичээлинде дыка хөй сөстерни шын бижиирде, баштай хынап алыр, хыналда сөзүн тып алыр.

Чижээ: мороз деп сөстүң хыналда сөзүн тыптыңар. Морозы

9+5=14

- А математикада хыналда бар бе? Чуу деп бодаар силер, уруглар?

- Шын кадып кан бе азы шын эвес бе дээрзин албан хынаар.

- Кичээлдиң темазын кым билип каапты?

Экранда (слайд)

Тема: Кадылганың хынаары.

- Кичээлдин темазынга даянып алгаш, сорулгазын тодарадыптар бис бе? (Кадылганы хынап өөренип алыр бис.)

Экранда (слайд)

Сорулгазы: Кадылга кылдыныының хыналдазын күүседип өөренир бис.

- Кичээлдиң темазын, сорулгазын тодарадып алдывыс, шивижигешке 2 ойнаарак азар бис.

2. - А канчаар хынаар чувел?

Бөлүктерге үстүп алгаш, кадылганы канчаар хынаарының чаа аргаларын тып көөр силер бе?

- Силерниң тып алган аргаңарны хынаптар бис бе?

Дурум № 1 - Номчуур.

Бир эвес ийи каттыныгның түңүнден оларның кайы-бирээзин казыптар болза, өске каттыныг үнүп кээр.

- Дурумге даянып алгаш №1 дугаар чижекти аас-биле бодаптаалыңар.

Экранда (слайд)

Түң - каттыныг = каттыныг

- Кадылганы кандыг кылдыныг-биле хынаар-дыр? (казыыр демдекче айтып тургаш)

- Кадылганы кадылга-биле хынап болур.

Ар.84-те 2 дугаар дүрүмнү номчуптаалыңар.

IV Кыдыраашка ажыл.

- Кыдыраажыңар ажыткаш, ай-хүннү бижип алыңар.

- Чараштыр бижилгеге кыдыраажыңарда бичии шивижигештер чуруп белеткеп каан мен. Ол шивижигештерни штрихтептер силер.

Даразында ойнаарактың даалгазы.

- Самбырада 2 чижек бижип каан. Шын эвес кылдыр бодап каан чижекти тыпкаш, ооренип алган дүрүмүвүстү ажыглап тургаш шын бодаптаалынар.

10+9=19 8+3=12

12-8=3 эвес, а 4

12-3=8 эвес, а 9

- Ынчангаш, кадылганы кылганы шын эвес.

- Шын кылдыр бодаптаалыңар.

8+3=11

11-8=3

11-3=8

- Уруглар, шупту демнежип тургаш, чаа билигни өөренип алдывыс.

Шивижигешке бир ойнааракты азар.

V Физминутка (Ойнаарактың даалгазы)

4+3=? мынча катап шураптар

7-3=? мынча катап олурар

7-4=? мынча катап часкаар.

VI Быжыглаашкын

- Дараазында ойнаарактың даалгазы: бот-ажыл

Чижек 2 ар.84

I вариант

II вариант

Хыналдазы: Кыдырааштарыңарны солчуп алгаш, бот-боттарыңарны хынажыптыңар.

Экранда (слайд)

27+3=30 4+56=+0

30-27=3 60-4=56

30-3=27 60-56=4

20+68=88 35+40=75

88-20=68 75-35=40

88-68=20 75-40=35

- Шивижигешке база бир ойнааракты азар.

VII Бодалга. Дараазында ойнаарактың даалгазы: бодалганы бода.

- Бердинген схема ёзугаар, бодалгадан тургускаш бода.

Экранда (слайд) Бердинген бодалга схемазы

Байырлал таварыштыр 14 кызыл шариктер садып алган, а көк шариктерни кызыл шариктерге бодаарга 2 хөйнү садып алган. Шупту каш шариктер садып алганыл?

14+(14+2)=30 (ш)

Харыызы: 30 шарик садып алган.

Проверка. Самбырага бир кижи келгеш, бодалганы бодаптар.

VIII Рефлексия

- Бөгүн сан кичээлинде чаа чүнү билип алдывыс.

- Бөгүн сан кичээлинде кадылганы казылга-биле хынап болур деп өөренип алдывыс.

- Кым чаа теманы билип алды? Сфетофорнуң дузазы-биле бодуңарны үнелептиңер.

- Шивижигешти каастап алдывыс.

- Чүү четпес-тир?

- Шивижигеш хып кел! - деп шупту чугаалалыңар.

- Кордуңер бе, чаңгыс катап чугаалаптарывыска, шивижигештиң янзы-бүрү сайгылгааннары дораан хып келди.

- Ынчаарга, класс бөгүн эки ажылдаан бе?

- Ийе!

IX Онаалга

Ар.85, №5, 3, 4.

- Бо чижектерниң аразындан бир чижектен шилип алгаш, бодап алыр силер.