Урок по әдебиет оқу 'Абай мен Әбіш (Ел аузынан) '

Мектебі: №16 Д.Жазықбаев атындағы мектеп

Сынып: 3

Пәні: Әдебиеттік оқу

Мұғалімі: М.Баймешова

Сабақтың тақырыбы: Абай мен Әбіш (Ел аузынан)

Мақсаты: Білімділігі: Абайдың заманындағы ұлы тұлға екендігі, ұлттық мәдениетіміздің, тарихымыздың өшпес мұрасы екендігін ұғындыру. Оқушыларға қазақтың ұлы ақыны А.Құнанбаевтың өмірі мен шығармашылығынан мәліметтер беру және әңгімені оқып, мазмұнын ашу.

Дамытушылығы: оқушылардың ізденгіштік қасиеттерін арттыра отырып, дәлелді пікір айтуға үйрету.Ойлау қабілеттерін дамыта отырып , шығармашылықпен жұмыс істей білуге, оқып білуге ынталандыру, ойлау қабілетін, сөйлеу мәдениетін жетілдіру. Өз пікіріне тұжырым жасай білуге, көркем сөйлеуге дағдыландыру. Өз бетімен оқу дағдысын қалыптастыру.

Тәрбиелілігі: оқушыларды адамгершілікке, ана тіліне деген сүйіспеншілігін арттыра отырып, ұлтжандылыққа, жауапкершілікке тәрбиелеу.Жамандықтан, арамдықтан аулақ болуға, істеген істерін әрқашан ойланып істеуге, ақылды болуға, жауапкершілік сезімі бар өнегелі тұлға тәрбиелеу.

Түрі: жаңа сабақты меңгерту.

Әдісі: СТО стратегиялары.

Көрнекілігі: суреттер, слайд, кесте, Абай қара сөздерін тыңдау.

Сабақтың жүру барысы:

І. Ұйымдастыру кезеңі.

Оқушыларға өзін-өзі бағалау парағы таратылады.Сабақ аяғында оқушылар сол парақ бойынша өздерін бағалайды.

ІІ. Үй тапсырмасын тексеру. « Ой қозғау» стратегиясы

«Нағыз адам» әңгімесі бойынша сұрақтар қою.

«Суреттеу» стратегиясы.

Осы тақырып бойынша қандай сурет салар едің ?

Ой толғаныс. «Екі түрлі түсініктеме күнделігі» стратегиясын пайдалану. Яғни бұл жай адам емес, бұл нағыз адамның өзі деген екі пікір бойынша өмірде кездесетін оқиғалардан берілген пікірлерге нақты мысалдар келтіріңдер?

Топтастыру стратегиясы.

Нағыз адам қандай болу керек деп ойлайсындар? Нағыз адам сөзін естігенде көз алдарыңа қандай адам елестейді? Нағыз адам болу үшін қандай болу керек? Мектептегі оқушылардан кімді үлгі тұтасыңдар?

ІІІ. Жаңа сабақ

1.Мағынаны тану кезеңі. « Сөзжұмбақ шешу»

2.Ой шақыру стратегиясы. « Дөңгелек үстел» әдісі бойынша.

Абай атамыз бен оның баласы Әбіш жайлы түсінік .(суреттер, слайд)

3.Болжай оқыту стратегиясы. Әңгімеде не туралы айтылады деп ойлайсындар?

4. «Кітаппен сөйлеу» стратегиясы.

Әбіштің әке сұрағына берген жауабын нақышына келтіріп оқу.

5. «Хат жазу» стратегиясы.

Абай атаға, Әбішке не деп хат жазар едіңдер?

6. Ой тұжырым

Осы әңгімеге сәйкес қандай мақал айтуға болады?

7.Бес жолды өлең жазу стратегиясы.

8.Абай атамыздың қандай өлеңдерін білесіңдер?

Ендеше Абай атаның әнімен сусындап, жырларынан нәр алып келеміз.

Ақын М.Кемел: «Мен қазақты үшке бөлер едім. Біріншісі -Абайды оқығандар, екіншісі- Абайды оқысам деп жүргендер, үшіншісі -Абайды оқымағандар».

Балалар, сендер осының қайсысына жатасындар?

9.Еркін жазу стратегиясы бойынша осы әңгімеден қандай ой түйдіңдер, әңгімеден қандай ғибрат, ақыл-өнеге алдындар?- деген сұрақтарға жауап алу.

Абай аталарың неліктен қара зат асыл деп жауап берді деп ойлайсындар ?

10. Шығу стратегиясы. Сонымен бүгінгі сабақ сендерге ұнады ма? Қандай әсер алдындар?

ІV.Үйге тапсырма беру. Абай мен Әбіш әңгімесін оқу.

Оқушылардың өзін-өзі бағалауы.

Сабақты қорытындылау.