Тема: Туған - туысқандар

Сабақтың тақырыбы: Туған - туысқандар
Сабақтың мақсаты: 1. Қоғамдағы тума - туыстың атқаратын орнымен, олардың адам өміріндегі маңызын түсіндіру. Тума - туыс атауларымен таныстыру.
2. Ағайын - туысқа деген мейірімділіктерін арттыра отырып, оларды сыйлауға, құрметтеуге, үлкенге ізет, кішіге көмек көрсете білуге тәрбиелеу. Өз ойларын еркін жеткізе білуге баулу.
3 Тума - туыс атауларымен таныстыра отырып, оқушылардың сөздік қорын байыту. Адамдар арасындағы байланысты түсіндіре отырып, олардың дүниетанымын арттыру.
Сабақтың түрі: Конференция сабақ.
Сабақтың пән аралық байланысы: ана тілі, орыс тілі, математика.
Сабақтың әдісі: сұрақ жауап, жарыс сөз.
Сабақтың көрнекілігі: бейне таспа, тірек сызбалар, мақал - мәтелдер, киіз үйдің макеті, слайдтар.
Сабақтың барысы:
I Ұйымдастыру бөлімі.
1. Оқушылардың назарын сабаққа аудару.
2. Сынып оқушыларын 3 топқа бөлу. 1 - топ « Жібектің ауылы»
2 - топ «Төлегеннің ауылы»
3 - топ «Нағашымның ауылы»
3 Әр топ өз топ басшысын сайлап алады.
4. Топтар бір - біріне деген жылы лебіздерін мақал - мәтелдерді пайдалана отырып жеткізеді.
II Үй жұмысын тексеру.
1 Үй жұмысының тапсырмаларын топтардан бөліп сұрау:
А) Мәтінді мазмұндау.
Ә) Жазған шығармаларын оқыту.
Б) Талдау жасауға арналған сұрақтарға жауап беру.
2. Үй жұмысын венн диаграммасы арқылы бекіту.
көмекшілер асыраушылары
ата - ана
ІІІ - Жаңа сабақ.
1. Ой шақыру. Ауыл бейнесін көрсету арқылы туыстық атауларды сұрау
ата
аға
нағашы
жезде
2. Сабақтың мақсатын анықтау, түсіндіру.
Не білемін? Не білгім келеді? Үйренгенім
Кестені толтыру арқылы әр оқушының сабақтағы мақсатын анықтауға болады.
3. Кітаппен жұмыс.
А) Мәтіннің бірінші бөлімін мұғалім оқып береді.
Ә) Оқушылар мәтінді іштей жалғастырып оқиды.
1 - топ «Қайын жұрты» бөлімін оқып, сұрақтарға жауап жазады.
2 - топ «Өз жұрты»бөлімін оқып, сұрақтарына жауап жазады.
3 - топ «Нағашы жұрты»бөлімін оқып, сұрақтарға жауап жазады.
4. Түсіндіру жұмысы.
Сызба бойынша оқушылар түсініктерін жеткізуге тырысады.
1 - топ. Қайын жұрт
2 - топ. Өз жұрты
3 - топ. Нағашы жұрты
5. Дәптермен жұмыс. Мәтіндегі мақал - мәтелдерді теріп жазу.
Қосымша деректермен мұғалімнің толықтырулары жүргізіледі. Осы тұста қазіргі өмірде кездесетін туысқандар арасындағы қарым - қатынастардағы ырымдар мен тыйымдар айтылып өтіледі. («Жеті атаға дейін қыз алыспайды», «Әке тұрып бала сөйлегеннен без», «Абысын тату болса, ас көп» т. б)
6. Шығармашылық тапсырма.
1 - топ. «Бес жол өлең»тұжырымы.
2 - топ. «Нағашымның ауылында» тақырыбына әңгіме құрау.
3 - топ. «Қыз Жібек»фильміндегі кейіпкерлердің туыстық атауларын тауып жазу. (Фильмнен үзінді көрсетіледі.)
ІV - Қорытынды.
1 - топ Сызба арқылы әр сөздің орысша баламасын тауып қосады.
Әже Дедушка
Ата Бабушка
Дядя Аға
Отец Нағашы аға
Брат Әпке
сестра әке
2 - топ туған - туысқандар ұғымын талдайды.
Туған -туысқандар: .............
3 - топ арасында «Жорға»жарысы өткізіледі. Берілген сұраққа ойлануға уақыт берілмейді.
Бағалау. Әр топ басшысы өзінің тобындағы балаларды сабаққа қатысына қарай бағалайды.