Доклад по социологии Инфографика

Yеhээ Булуутээ5и Ю.Н.Прокопьев аатынан орто оскуола

Инфографика техникатынан оҥоһуллубут

«Тулалыыр эйгэни - харыстыаҕыҥ»

диэн халандаар проега.

Yлэни онордо Yеhээ Булуутээ5и

Ю.Н.Прокопьев аатынан орто оскуола

3 кылааьын уерэнээччитэ

Николаев Агит

2016с

Ис хоhооно:

1. Киириитэ..............................................................................................стр 1

2. Реклама сайдыыта ............................................................................. стр 2

3. Инфографика өйдөбүлэ.......................................................................стр 3

4. Ыйытык - анкеталар көрдөрүүлэрэ..................................................стр 3-5

5. Тумук....................................................................................................стр 6

6. Туттуллубут литература.....................................................................стр 7

7. Эбии матырыйаал................................................................................стр 8

Киирии

Саха киһитэ былыыр -былыргыттан айыл5аны кытта быстыспат сибээстээх буолан, айыл5аны олус үрдүктүк тутар, харыстыыр. Биһиги кыра эрдэхпититтэн тулалыыр эйгэни таптыахтаахпыт, харыстыахтаахпыт туһунан үөрэтэллэр. Тулалыыр эйгэ барыта дууһалаах, тыыннаах, хомойор, хоргутар, үөрэр-көтөр, ыалдьар курдук өйдөбүлү иҥэрэллэр.

Хас биирдии киһи, кыратыттан, улаханыттан тутулуга суох оҥорор дьыалатыгар - эппиэтинэстээх буолуохтаах дии саныыбын.

Манан сиэттэрэн, биһиги оҥорбут үлэбит, айылҕаны харыстааһыҥҥа ыытыллар үлэлэргэ, кыракый кылааппыт буолуо диэн эрэнэбит.

Айыл5аны харыстааһыҥҥа биир сүрүн үлэ ньыматынан - реклама буолара саарбаҕа суох.

Биһиги үлэбит актуальноһа - социальнай реклама көмөтүнэн тулалыыр эйгэҕэ харыстабыллаахтык сыһыаннаһыыга ыҥырыы.

Yлэбит сурун сыала: инфографика техникатын туһанан «Тулалыыр эйгэни харыстыаҕыҥ» диэн халандаар проегын оҥоруу.

Халандаарга киирбит үлэлэрбит дьону - сэргэни тулалыыр эйгэҕэ харыстабыллаахтык сыһыаннаһарга, хас биирдии киһи оҥорор дьыалатыгар эппиэтинэстээх буоларыгар ыҥыраллар.

Yлэбит сүрүн соруктара:

«Инфографика» диэн тугуй, инфографика техникатын үөрэтии.

Социальнай реклама туохха туттулларын, дьоҥҥо-сэргэҕэ туох сабыдыаллааҕын чинчийии.

Биир чопчу теманы талан, социальнай рекламаны инфографика техникатын көмөтүнэн оҥоруу.

Оҥоһуллубут үлэ түмүгүн сыанабылга таһаарыы.

«Тулалыыр эйгэни харыстыаҕыҥ» диэн халандаары күннээҕи олоххо туһаныы

Туруоруллубут соруктары быһаараары үлэбитин маннык былааннаатыбыт:

Инфографика туһунан иһитиннэриилэри үөрэтии, ырытыы, чинчийии.

Социальнай реклама күннээҕи олоххо төһө туһанылларын, туох сабыдыаллааҕын анкета көмөтүнэн ыйытык оҥоруу.

Ылыллыбыт түмүктэри ырытыы.

Инфографика тематын чопчулааһын.

Сөптөөх мытырыйааллары түмүү, ырытыы, сааһылааһын.

Оҥоһуллубут үлэни киэҥ эйгэҕэ таһааран көрдөрүү, дьон санаатын истии.

Волонтерскай акцияларга кыттыһан оҥоһуллубут үлэни тарҕатыы.

Реклама диэн Россияҕа 11 үйэҕэ кэлбитэ. Бастакы рекламаны атыынан дьарыктанар купецтар саҕалаабыттара. Онтон 19 үйэҕэ бэчээттэммит рекламалар тарҕаммыттара. Ол рекламалары уулуссаҕа турар төгүрүк туумбаларга ыйыыллара. Кэлин рекламнай анал хаһыаттар диэн баар буолтара. Дьэ мантан ыла билиҥҥи кэмҥэ дылы реклама диэн сытыытык тэнийэн барбыта.

Күннээҕи олох проблематын көрдөрөр иһитиннэриилэр - бу социальнай реклама биир көрүҥэ.Социальнай реклама сүрүн сыала -күннээҕи олоххо сытыытык турар проблеманы көннөрүүгэ общественность болҕомтотун тардыы буолар.

Аныгы үйэҕэ реклама аһара элбэх буолан, дьон рекламаны ааҕа да, истэ да барбат. Ол иһин рекламщиктар инфографика диэн саҥа көрүҥү айбыттар. Инфографика уратыта - иһитиннэриилэри графика быһыытынан көрдөрүү.инфографика ситиһиилээх буоларын туһугар маннык быраабылалар тутуһуллаллар эбит:

1. Иһитиннэрии туттуллар кэмигэр сөптөөх буолуохтаах.

2. Көрдөрүллэр тема дьоҥҥо -сэргэҕэ өйдөнүмтүө буолара ирдэниллэр.

3. Инфогарфика тус анал аудиторияҕа анаммыт буоллаҕына, өйдөнүмтүө буолар.

4. Инфографикаҕа туттуллар сыыппаралар чахчы буолаллара ирдэниллэр.

Үлэбит саҕаланыытыгар ыйытык ыыппыппыт,барыта100 киһи кытынна.

1. Ыйытыллыбыт дьоннор ахсааннара:

Ыйытыллыбыт дьоннор саастара

Рекламаҕа сыһыаннара

Социальнай реклама туһунан төһө билэллэрий?

Социальнай реклама сабыдыала

Аныгы олоххо баар проблемалар

Анкета түмүгэ көрдөрүүтүнэн маннык түмүгү оҥоруохха сөп. Ыйытыллыбыт 40% социальнай реклама диэн тугун билэллэр, ол эрэн 20% эрэ бырыһыана - биһирииллэр.

Ол гынан баран социальнай реклама толкуйдатар суолталааҕын ыйытыллыбыт 60% этэр.

Саамай тирээн турар проблемаларынан буолаллар эбит: доруобуйа уонна мэнээк сылдьар ыттар. Мантан сиэттэрэн биһиги инфографиканы туһанан социальнай рекламаны оҥорорго соруннубут. Инфографиканы оҥоһуллар тиэмэтин талан, проблемаларын арыйарга араас матырыйааллары ырытан үлэлээтибит.. Хомуллубут матырыйааллары эбии сыһыарыыга көрүөххэ сөп. (Эбии сыһыарыы: 1-6)

Тус чахчыларга олоҕуран инфографикабыт Power Point программаҕа оҥордубут. Оҕолор оҥорбут проектара маннык социальнай рекламалаах - халандаар буолан таҕыста. (уруһуйдар №1-6)

Биһиги оҥорбут үлэбит туох санааны дьоҥҥо тиэрдибитин билээри төрөппүттэрбитигэр, оскуола үөрэнээччилэригэр, учууталларыгар, оскуола, кылаас сайтыгар көрдөрөн- маннык боппуруоска эппиэттииллэригэр көрдөстүбүт: «Инфографика техникатынан оҥоһуллубут хайа реклама ордук табыллыбытый, интэриэһинэйий, толкуйдатарый?» Бу ыйытык түмүгэ маннык буолла: социальнай рекламабытын бары интэриэһиргээбиттэр. Барыта 120 киһи куоластаабыт. Саамай элбэх биһирэбили ылбыт рекламаннан буолла - ууну киртитии, мэнээк сылдьар харамайдар проблемаларын көрдөрөр инфографика.

Биһиги үлэбит түмүгэ таһаарыылаах буолбутуттан олус үөрэбит. Бу үлэбитинэн - «Тулалыыр эйгэни харыстыаҕыҥ» диэн акцияны тэрийэн алын сүһүөх үөрэнээччилэригэр кылаас чаастарга, тулалыыр эйгэ уруоктарыгар кэпсээтибит. Түмүккэ халандаардарбытын бэчээттээн таһааран түҥэттибит. (халандаар уруһуйа)

Түмүк:

Биһиги үлэбит сыалын - соругун ситтэ диэн сыаналыахха сөп. Инфографика техникатын туттан социальнай рекламалаах халандаар оҥоһулунна. Хас биирдиибит тулалыыр айылҕаҕа харыстабыллаахтык сыһыаннаһыаҕыҥ диэн биһиги эһигитини ыҥырабыт.

Бу үлэбитинэн улууска ыытыллар араас волонтерскай акцияларга кыттыахпыт диэн былааннанабыт.

Туттуллубут литература:

1. « Большой энциклопедический словарь; 1997г.

2. Энциклопедии для детей. Том: 18; 19, изд «Аванта»; М; 2001г

3. Учебник по окружающему миру; 1-2-3-4 классы. М.,2012г

4. «Хатан» ыччат сайдам сурунаала., 2012, сэтинньи 11 (38) №.

5. «Хатан» ыччат сайдам сурунаала., 2012, ахсынньы 12 (39) №.

6. Интернет ситимин иһитиннэриилэрэ: zeleneet.com/ekologiya- okruzhayushhej-sredy /14829/.

7. Материалы с официального сайта Министерства охраны природы Республики Саха (Якутия ) www.nature.ykt.ru</