7


  • Учителю
  • Сынып сағаты 'Менің елім - Қазақстан'

Сынып сағаты 'Менің елім - Қазақстан'

Автор публикации:
Дата публикации:
Краткое описание:
предварительный просмотр материала

Сынып сағатының тақырыбы: Қазақстан - менің елім.

Сынып сағатының мақсаты: Қазақстан Республикасы, Елорда туралы және Ата заңымыздың 20 жылдығы туралы түсінік беру.

Еліміздің рәміздерін қастерлеуге үйрету.Мәнерлеп оқу дағдысын жетілдіру.

Оқушыларды өз ана тілін, әдет - ғұрып, салт - дәстүрін сақтауды бойына дарыту. Отанын, елін, жерін сүюге, қорғауға тәрбиелеу.

Сынып сағатының көрнекігігі: ҚР-ның рәміздері, Қазақстан картасы, суреттер, мақал - мәтелдер:

Сынып сағатының әдісі: сұрақ - жауап, көрсету, түсіндіру.

Сынып сағатының барысы: Ұйымдастыру кезеңі.

Балалар келген қонақтармен амандасып, шеңбер жасап отырады.

Мұғалім: Балалар, қолымызға көгілдір лентаы алып шеңбер құрайық.Қолымызды жоғары көтеріп шеңбер ішіне кіреміз.Балалар, қараңдар дөңгелене тұрған тұрысымыз неге ұқсайды?

-Күнге ұқсайды. Күлімде күн күлімде

Күлсін барлық бала шат.

Берекесі бүгінгідей,

Бейбіт болсын болашақ.

Мұғалім: Жарайсыңдар балалар, біз бір шаңырақтың астында тату-тәтті өмір сүріп жатқан балалармыз.Ендеше,бір-біріңе қандай тілектерің бар?

-Аспандарың ашық болсын. -Соғыс болмасын. -Деніміз сау болсын. -Нан көп болсын. -Әдепті болайық. -Дос болайық. Мұғалім:Балалар, қалай ойлайсыңдар, адам үшін ең қымбат не?

-Адам үшін ең қымбат оның Отаны -Балалар, біз қай республикада тұрамыз? -Қазақстанда. -Қазақстан Республикасының Елордасы қай қала? -Астана қаласы. -Балалар,біздің елбасымыз кім? -Нұрсұлтан Әбішұлы Назарбаев. -Балалар, әрбір Республиканың өздерінің белгілері, яғни рәміздері бар, оны кім атап береді? -Ту,Елтаңба,Әнұран. ( ҚР-ның әнұраны орындалады).

Мұғалімнің кіріспе әңгімесі:

Бүгінде Қазақстан егеменді ел болып,дүние жүзіне танылып отыр.Қазақстанда әртүрлі ұлт өкілдері (120- дан) тату- тәтті өмір сүріп жатыр.Сіздер қазақ елінің ең жас ұланысыздар. Өз жерімізді, елімізді, Отанын қорғаған ағаларымыз, апаларымыз сияқты қадірлеуге, сүюге, қорғауға тиіспіз. -Қазақ батырларының суреттерін көрсету.

Қазақстан жері өте бай. Еліміздің жерінен мұнай, көмір, минералдар, алтын, түсті металдар және тағы басқа қазба байлықтар шығады.Қазақстан Республикасында 14 облыс бар.(ҚР картасынан көрсетіледі). 1оқушы: Абай туған,Сәкен туған Құрметте, достым, қазақтың жерін, Қамбаға жылда мол астық құйған, Қазақстан Республикам менің! -Балалар, бұл не? -Бәйтерек. Бәйтерек самұрық құстың алтын жұмыртқасын аспанға көтерген алып киелі ағаш.Бейбітшілік пен келісімді өмір сүруге ұмтылған ұлы мақсат көрінісі.

-Балалар бұл не? -Пирамида. Пирамида -әлем кереметінің бірі зорлық пен зомбылықтан бас тарту нышаны ретінде есептелінеді.

-Балалар бұл не? -Ханшатыры.Ханшатырдың аумағы 1 млн 700 шаршы метр биіктігі 150 метр 7 қабаттан тұрады.

-Балалар бұл не?-Ақорда. Ақорда ҚР Президенті Н.Ә.Назарбаевтың мәжлістьер өткізетін және Республикамыздың ең маңызды ғимараты.

Отан туған жер туралы кім тақпақ айтып береді.

2-оқушы:

Алтыншы шілде - Астана күні.

Жадыдан ,шырақ, тастама мұны.

Жаңа шаңырақ көтеріп биік.

Жаңа дәуірге бастама күні.

3-оқушы :

Астанадан тарайды елге бақыт шуағы,

Астана бейбітшілік пен достық қаласы

Өркенде өрлей бер , төрлей бер ,

Арайлы ақорда -Астана.

4- оқушы:

Елбасы арқасында ел жаңарып,

Арқаға Астанадай қала тұрды.

Сергіту сәті: «Кім жылдам ?» ойыны. Сұрақ -жауап.

5 - оқушы:

Аялап ару ананы,

Өсірген еркін баланы.

Бесігім болып тербеткен,

Отаным-менің Қазақстаным.

6- оқушы:

Толтырған гүл даланы,

Жайнатқан ауыл, қаланы.

Ардақты атамекенім,

Отаным-Қазақстан.

7-оқушы:

Отан дейміз-от жаққан жерімізді,

Отан дейміз- өсірген елімізді.

Отан дейміз- туған жер атамекен,

Биік тау, орман- тоғай көлімізді.

8- оқушы:

Отанды жас- кәріміз,

Туған жер деп сүйеміз.

Өйткені онда бәріміз,

Туып өмір сүреміз.

-Балалар, сендер Отан туралы өте әдемі өлең жолдарын оқыдыңдар.

-Ал Отан деген не?

1-бала: Отан деген - туған жер.

2-бала: Отан деген - менің қалам.

3-бала: Отан деген - балабақшам.

4-бала: Отан деген - отбасым.

5-бала: Отан деген - атам, әжем, әкем, анам.

Ән: «Отан - ортақ үйіміз».

Мұғалім: Өте жақсы айттыңдар, балалар.

Сонымен бірге Отан дегеніміз біздің ана тіліміз.Біз Қазақстанда тұрамыз, ұлттық тіліміз - қазақ тілі.

Тіл туралы кім тақпақ біледі?

1-бала:

Ана тілің-арың бұл,

Ұятың боп тұр бетте.

Өзге тілдің бәрін біл,

Өз тіліңді құрметте.

2-бала:

Ана тілін ақтаңдар,

Ана тілін сақтаңдар.

Ана тілімен безеніп,

Ата берсін ақ таңдар.

Мұгалім: Жарайсыңдар балалар, қазір ойын ойнаймыз.

«Кім тапқыр» ойыны. Ойын шарты:

Мен «Отан» сөзін айтамын, сендер сөз тіркестерін құрайсыңдар.

Мысалы: Отаным бай. Отаным көп ұлтты. Отаным әдемі. Отаным тәуелсіз.

-Балалар, сендер Отан жайлы әдемі ойларыңды айттыңдар.Біздің Отаныз

бай үлкен, табиғатымыз әдемі.

Қазақстан жерінде нелер бар?

-Қазақстанда таулар, ормандар бар.

-Қазақстанда өзендер, көлдер бар.

-Қазақстанда әртүрлі шөптер, гүлдер бар.

-Олар сары, жасыл, көк, қоңыр түске боялған.

«Жалғасын тап» ойыны арқылы мақалдарды аяқтау.

Отансыз адам -.......................(ормансыз бұлбұл

Ердің көркі - ерімен - .......... (Отан көркі - жерімен).

Отан елдің анасы - ................(Ел ердің анасы).

Отан .......................................(оттан да ыстық).

Арың үшін алыссаң - өлмейсің .....(Отан үшін отқа түс - күймейсің).

Мұғалім: Жарайсыңдар балалар! Ал, батыр деген кім?

Батыр деген Отанын қорғайды.(Батырлардың атын атау).

Отан арналған тілектерін айтқызамын.

-Мен Отанымды сүйемін.

-Мен үшін Отанымнан ыстық еш нәрсе жоқ.

-Мен Отанымды көзімнің қарашығындай қорғаймын.

-Мен Отанымның гүлденуіне өз үлесімді қосамын.

-Мен Отанымды әлемге танытамын.

Сынып сағатын қорыту: Сұрақтарға жауап алу.

«Атамекен» әнін хормен орындау.




 
 
X

Чтобы скачать данный файл, порекомендуйте его своим друзьям в любой соц. сети.

После этого кнопка ЗАГРУЗКИ станет активной!

Кнопки рекомендации:

загрузить материал