Классный открытый урок Елімнің бақытын тербеткен - Тәуелсіздік!

ОҚО Төлеби ауданы Леңгер қаласы

№7 жалпы орта білім беретін мектебі

Бастауыш сынып мұғалімі:

Келтаева Тамара Юлчиевна

2 «Б» сыныбы

Тақырыбы: «Елімнің бақытын тербеткен Тәуелсіздік»

Мақсаты: Жылдар бойы бабаларымыздың армандаған егемендігіне қол жеткізгенімізді ,осы тәуелсіздікке жету жолында талай боздақтарымыздан айырылғанымызды, Желтоқсан көтерілісі туралы шындықты оқушыларға ұғындыру. Отанды сүюге, құрметтеуге, Желтоқсан құрбандарына әрдайым құрмет көрсетуге, адамгершілікке, ел мен жердің қадір-қасиетін ұғынуға тәрбиелеу

Ұйымдастыру кезеңі: Қазақстан Республикасының әнұраны орындалады Мұғалім:

Құрметті ұстаздар, оқушылар! Сіздерді еліміздің басты мерекесі Тәуелсіздік күнімен құттықтаймыз! Дендеріңізге саулық, отбастарыңыздың амандығын тілейміз!

Жыл артынан жылдар жүйткіп, уақыт шіркін толассыз зымырап өтіп жатыр. Енді міне дауыл тербеген теңіздей буырқанып, жолындағысының бәрін ырғалта шайқалтып, сол бір қастерлі де қасіретті күндерден бергі 25 жыл да тарих қойнауына тартып барады. Желтоқсан бастауы - ғасырлар қойнауынан жалғасып келе жатқан ұлы тарихтың бір елесі.

Сабақтың өту барысы 1-кезең "Таныстыру" өз топтары жайлы 5-жолды өлең құрау 2-кезең "Өлең-сөздің патшасы" мәнерлеп оқудан жарыс (туған ел, Отан жайлы өлеңдер) 3-кезең "Тіл-маржан" мақал-мәтел 4-кезең "Ән- көңілдің ажары" (әр топ өздерінің дайындап келген әнін орындайды) 5-кезең "Сен білесің бе?" сұрақтарға жауап беру 6-кезең "Қорытынды" Сабақтың барысы:

1-кезең "Таныстыру" топ басшы таныстырады, ұранын айтып шығады І топ «Қыран» ІІ топ «Айбын» ІІІ топ «Сұңқар» ІҮ топ «Ұлан» 2-кезең "Өлең-сөздің патшасы" мәнерлеп оқудан жарыс (туған ел, Отан жайлы өлеңдер) Әр топтаң оқушылар дайындап келген өлең шумақтарын оқиды

Дүниені дүр сілкіндірген тәуелсіздік туын алғаш көтерген 16 желтоқсан туралы айта кеткеніміз жөн. 1986 жылы 16 желтоқсанда Қазақстан компартиясы орталық комитетінің пленумы болды, онда Д. Қонаевты Қазақстан компартиясы орталық комитетінің бірінші хатшылығынан босатып, орнына Колбинді сайлады. Міне осы пленум шешіміне қазақ жастары бейбіт түрде наразылық білдіріп алаңға шықты. Бұл оқиға сол себепті де тарихта «Желтоқсан оқиғасы» деген атпен қалды. Бес жыл өтсе де, бес ғасыр өтсе де ұмытылмайтын оқиғалар болады. Ұмытылмайтыны - оның халық тағдырымен тікелей байланыстығында. 3-кезең "Тіл-маржан" оқушыларға слайдтан суреттер көрсетіледі, сол суреттерге байланысты мақал-мәтел жазады. Топ басшы оқып баяндайды

4-кезең "Ән- көңілдің ажары" (әр топ өздерінің дайындап келген әнін орындайды) Мұнда оқушылар Отан, Тәуелсіздік жайлы әндер орындайды 5-кезең "Сен білесің бе?" сұрақтарға жауап беру 1. Қазақстан мемлекетінің рәміздерін ата. 2.Қазақстан Республикасының әнұранның авторы кім? (Ж. Нажмеденов, Н. Назарбаев, Ш. Қалдаяқов) 3. Жер көлемі бойынша Қазақстан әлемде нешінші орында? (9 орын) 4. Тәуелсіз еліміздің тарихында тұңғыш рет Байқоңырдан ғарышқа ұшқан қазақ батыры кім? (Т.Әубәкіров) 5. Астана қаласы қай жылдан бері Қазақстан Республикасының астанасы? (1997ж. 10 шілде) 6. Желтоқсан құрбандарын ата? 7. Қай жылы Қазақстан Республикасы Тәуелсіз мемлекет болып жарияланды? (1991ж. 16 желтоқсан) 8. Қазіргі ҚР Конституциясы қашан қабылданды? (1995ж.) 9. Тәуелсіз Қазақстан Республикасының алғашқы президенті кім және қай жылы сайланды? 10. Қазақстан Тәуелсіздік монументі қашан ашылды? (1996ж.) 6-кезең "Қорытынды" Әділ қазылар алқасы топтарды бағалап қорытындылайды

Қазақстанның тәуелсіздік алуы ел өмірінде тарихи түбірлі өзгерістердің жүзеге аса бастауына негіз болды. Тәуелсіздіктің әр күні, әр айы тарихи мән - маңызы айрықша жауапты шешімдерге толы болды. Қазақстан Республикасының мемлекеттік рәміздері - туы, елтаңбасы және әнұраны бар.

Олардың сипаттамасы және ресми пайдалануы тәртібі конституциялық заңмен белгіленеді. Осы 25 жыл ішінде көптеген өзгерістер болды.

1991 жылы 16 - желтоқсанда «Қазақстан Республикасының мемлекеттік тәуелсіздігі туралы заң қабылданды.

1992 жылы 4 - маусымда Қазақстан Республикасының жоғарғы кеңесі мемлекеттік рәміздерді қабылданды.

1993 жылы 15 - қазанда ұлттық валюта төл теңгеміз дүниеге келді.

1998 жылы 20 - мамырда Қазақстан Республикасының астанасы - Астана (Ақмола) қаласы болып бекітілді.

2016 жылы 25 - жылдығын тойладық. Біздің бейбітшіліктің ақ көгершіндері сыйлаған Бақыт шаттық имандылық қуаныш әкелсін. Еліміз тыныш болсын! Халқымыз аман болсын!