Сабақ жоспары 9 саны мен цифры

Сабақтың тақырыбы: 9 саны және цифры.

Сабақтың мақсаты: 1) Оқушыларды 9 саны және цифрымен таныстыру.

2) Танымдылық тапсырмалар, ребустар арқылы, ойлау қабілеттерін жетілдіру. Есептеу дағдылары арқылы, білімділік дағдыларын қалыптастыру.

3) Пәнге деген қызығушылықтарын арттыру. Ұқыптылыққа, сауаттылыққа тәрбиелеу.

Сабақтың түрі: Жаңа сабақ.

Сабақтың әдісі: дамытпалы, түсіндіру, сұрақ - жауап, салыстыру, көрнекілік, дәлелдеу, жинақтау.

Көрнекілігі: Электрондық оқулық, компьютер, интерактивті тақта, слайдтар, оқулық.

Сабақтың барысы: 1. Ұйымдастыру кезеңі.

1. Психологиялық дайындық.

2. Ой қозғау.

Өрнекпен санды салыстыруды,

Азайту, қосу амалдарды,

Үйренеміз қай сабақта?

- Математика

3. Қызығушылықтарын ояту.

Өрік, алма, шие, алша

Жидек, жүзім піседі.

Қауын, қарбыз, қияр, сәбіз

Дүкендерге түседі

Бөбектерім айтыңдаршы

Бұл қай кезде болады

- Күз мезгілі.

- Күзде тағы қандай өзгерістер болады? (Балалардың ойларын тыңдау).

4. Өткенді қайталау.

Модуль: Геометриялық фигуралар. Бұрыштар. (Электрондық оқулықты пайдалану).

Модуль: Теңдік, теңсіздік. Теңдік және теңсіздік (Электрондық оқулықты пайдалану).

Алма бағы жайнаған

Қызыл алма жайнаған

Алдым үзіп 6-уын

Тағы алдым 2-еуін

Алдым сонда нешеуін? (Шешуі: 6 + 2 = 8 2 + 6 = 8)

Қосудың ауыстырымдылық қасиетінің ережесін сұрау.

- Қандай сандарды бір-біріне қосқанда 8 болады?

0+8 3+5 4+4 2+6 6+2

1+7 8+0 7+1 5+3 (Слайдпен жұмыс).

(

8Слайдпен көрсету). Сандардың құрамын жаз.

7

- Өрнек дегеніміз не? (қосынды, айырма)

Жұмбақ: (Логикалық есеп)

Төрт қаз ұшып барады,

Биіктен төмен қарады,

Аяқ нешеу, бас нешеу?

Жауабын кім табады? (8 аяқ, 4 бас)

- Қай сан артық, қай сан кем? 8>4 4<8

Слайдпен жұмыс. Ребустар.

+ + = 7

+ + = 8

+ + = 9

5. Жаңа сабақ. 9 саны және цифры. (Электрондық оқулықпен жұмыс)

Модуль: Сандар мен цифрлар. Тоғыз - 9

Слайдпен жұмыс. Доминоның жартысын дөңгелектегі санға сәйкес келетіндей етіп толықтыр.

Сергіту сәті: Дала сары киінді

Самал соқты салқындау.

Қырмандар үйілді,

Алтын астық, алтын тау.

6. Оқулықпен жұмыс.

- Сандардың көршілерін ата. Слайдпен жұмыс.

- Оқушыларға оқулықтағы суреттер бойынша 9 саны жайында түсініктерін кеңейту.

7. Дәптермен жұмыс

- 9 саны қалай жазылатынын түсіндіру. Берілген үлгі бойынша цифрларды әдемі жазуды талап ету.

- Өрнектерді құрастыр:

1 + = 9 2 + = 9

+ 1 = 9 + 2 = 9

9 - = 9 - =

9 - = 9 - =

3 + = 9 4 + = 9

+ 3 = 9 + 4 = 9

9 - = 9 - =

9 - = 9 - =

Сергіту сәті: Тербелейді ағаштар,

Алдымнан жел еседі.

Кіп-кішкентай ағаштар,

Біп-биік боп өседі. (Сәйкес қимылдар орындау)

Модуль: Геометриялық фигуралар. Жай фигуралар. (2 тапсырма)

Кесінділерді өлше, сыз, салыстыр. 8 см * 9 см 9 см * 8 см

8. Сабақты бекіту.

Жауаптары бірдей карточкаларды көрсет:

Слайдпен жұмыс

- Сандарды орындарымен ауыстырғаннан нәтижесі өзгермейді. (Қосудың ауыстырымдылық қасиеті)

Санамақ.

Бір дегенім - Бірлік,

Екі дегенім - Ерлік.

Үш дегенім - Үміт,

Төрт дегенім - Түлік.

Бес дегенім - Бесік,

Алты дегенім - Асық.

Жеті дегенім - Желім,

Сегіз дегенім - Сенім.

Тоғыз дегенім - Төзім,

Он дегенім - Өзім.

9. Бағалау. Әр оқушының сабаққа белсене қатысуын белгілей отырып, жақсы нәтижеге жеткенін айту.

10. Мадақтау.