И, и арифлерни язув. «ИНЕ» сёзюнинъ талили.

Мевзу: И, и арифлерни язув. «ИНЕ» сёзюнинъ талили. И,и арифлерини айры-айры ве башкъа арифлернен берабер язув. А, о, , и , у арифлернинъ язысыны пекитюв.

Макъсат:

• Талебелерни баш ве уфакъ И,и арифлерни язмагьа огретюв, башкъа арифлернен берабер язув.

• Сес- эджа талиль къабилиетлерини мукеммелештирмек.

• Дикъкъат, гъайрет, язувда джыйнакълыкъ тербиелемек.

Дерснинъ донатмасы: язы дефтери, ресимлер, джедвеллер, арифлернинъ нумюнеси, тахта.

Дерснинъ кетишаты.

1. Тешкилий дакъкъа.

2. Таянч бильгилерини актуаллештирюв.

1. Субет.

• Окьув дерсинде анги арифнен таныштыкъ?

• О насыл сес бильдире? Онынъ характеристикасыны беринъиз.

2. Сёзнинъ сес-эджа талили. Тапмаджаны тапынъыз.

Сизге тиктим кольмек, къалпакъ,

Озюм исе къалдым чыплакъ.

(ине)

• «ИНЕ» сёзюни талиль этинъиз ве схемасыны тизинъиз.

3. Дерснинъ мевзусыны ве макъсадыны еткизюв.

4. Янъы мальземени анълатув.

1. Уфакъ и арифнинъ язылувыны талиль этюв ве анълатув.

Уфакъ и ариф эки ашада тёгерекленген догьру таячыкълардан ибарет.

Иш сатырнынъ усттеки сызыгъындан ашагьа догъру авукъ таячыкъ язмагъа башлаймыз. Иш сатырнынъ ашадаки сызыгъы янында сагь тарафкъа тёгереклеймиз ве догьру авукъ таячыкъны иш сатырнынъ усттеки сызыгьына алып барамыз. Къалемни узьмейип, догъру авукъ таячыкъ ашагьа язамыз, биринджи элемент язылувы киби догъру авукъ таячыкъ ашагьа язамыз, оны сагь тарафкъа тёгереклеп, иш сатырнынъ орталарында битиремиз.

« Бир -ве -эки-ве» саювнен языла.

2. Пармакъ гимнастикасы.

Шарикни уфюремиз,

О балабан ола.

Бирден шарик патлады,

Ава чыкъты, кьалмады.

(Эки къолнынъ пармакълары чимлемге топланыла ве уджчыкъларынен бир-бирине токъуналар. Пармакъларгьа уфюремиз - олар шарикке «чевириле». Сонъ ава «чыкъа» ве пармакълар минель алына къайта.

3. Мустакъиль язув.

Эки уфакъ и и арифни берабер язув ве оны башкъа арифлернен язув.

5. Физдакъкъа.

6. Баш И арифнинъ язылувыны талиль этюв ве анъ- латув.

7. Баш И ариф эки элементтен ибарет. Биринджи элементни тёпедеки ара сатыр сызыгъындан ашаджа язмагъа башлаймыз, сагъ тарафкъа тёпеге котерип, тёгереклеймиз, сонъ догъру авукъ таячыкъны иш сатырнынъ ашадаки сызыгъынадже юрьсетемиз, анда оны сагъ тарафкъа тёгереклеп, иш сатырнынъ усттеки сызыгъынадже девам этемиз. Къалемни кягьыттан узин тёпедеки ара сатыр сызыгъындан экинджи эле-ментни - доп.ру авукъ таячыкъны язамыз. О иш сатырнынъ уст теки сызыгъында биринджи элементнен багьла- навеиш сатырнынъ ашадаки сызыгъынадже девам этиле, анда сагъ тарафкъа тёгереклеймиз ве иш сатырнынъ орта- ларында язмагьа битиремиз.

Бойле тактнен языла: «Ве-бир -ве-эки-ве».

7. Мустакъиль язув.

8. Д ефтердеки вазифелернен чалышув,

9. Баш И арифни уфакъ и арифнен ве башкъа арифлернен берабер язув.

V. Дерснинъ нетиджеси.

- Бугунь дерете насыл арифни язмагьа огрендик?

- О насыл сес бильдире?