Ашық сабақ 'Реттік санау. Нешінші?'

Сабақтың тақырыбы: Реттік санау. Нешінші?

Сабақтың мақсаты:

1.Оқушыларды реттік қатынастармен таныстыру.

2. Ұқыптылыққа баулу, адамгершілік тәрбие беру.

3.Санның реттік мәнімен таныстыру. Нәрселердің қандай ретпен саналғанын анықтауға болатынын көрсету.

Сабақтың көрнекілігі: Суреттер, таяқшалар, плакат, дидактикалық материалдар.

Оқыту әдісі: Әңгімелеу, сұрақ-жауап.

Сабақтың мазмұны.

І. Ұйымдастыру.1 Оқушылардың зейінін сабаққа аудару.

ІІ. Өткен сабақты еске түсіру: Бұрын-кейін математикалық терминінің уақыт аралық мәнін мағынасын айту.

ІІІ. Мақсат қою: тақырыбын, мақсатын хабарлау.

ІҮ. Жаңа сабақ:

а) Балаларды қатарға тұрғызып, 1-ші болып келе жатқан кім?2-ші болып келе жатқан кім? Одан кейінгі кім?3-ші, 4-ші кім? Барлығы қанша бала?

Оқулықпен жұмыс:

2-тапсырма бойынша

• «Өрт қай қабаттан шықты?

• Қай машина алда келді?

• Реті бойынша велоипедші нешінші келеді?

3-тапсырма бойынша «Ит, қораз, тасбақа» қай қабаттарда тұратынын айтып, көрсету. Бос торкөздерді толтыру.

Сергіту сәті:

Ұзын мұртты құмырсқа,

Келе жатыр жұмысқа.

Допты алды қолына,

Допты қойды жолына.

Оңға қарады, солға қарады,

Допты тау деп ойлады.

Дәптермен жұмыс.

1-тапсырма өткен материалды бекіту мақсатында орындалады.

2-тапсырма заттардың екі тобын салыстыруға арналған.

3-тапсырма оқушылардың логикалық ойлау қабілеттерін дамытады.

ІҮ. Жаңа білімді бекіту.

1. Санауға жаттығу.

2. Қанша? нешінші? деген сұрақтарды салыстыру.

ҮІ. Сабақты қорытындылау: Бүгін біз сендермен реттік қатынас туралы білдік.