«Мыңдар» тақырыбы бойынша тест тапсырмалары

Тест, 1

1. Сандарды цифрлармен жаз:

Тоғыз жүз, тоғыз жүз бір, тоғыз жүз он, тоғыз жүз он екі.

2.Мыналардан тұратын санды жаз:

Төрт жүздіктен

Төрт жүздік, үш ондық және бес бірліктен

Төрт жүздік және екі ондықтан

3 . 300 санының көршілерін жаз.

4. Жүздіктері бірдей сандарды қоршап көрсет:

245, 345, 298, 982, 267, 762.

5. Ондықтары бірдей сандарды қоршап көрсет:

349, 748, 639, 543, 444, 456.

6.Бірліктері бірдей сандарды қоршап көрсет:

756, 546, 359, 673, 836, 926.

7. Сандарды кему ретімен жаз:

949, 234, 368, 895, 467, 589, 916.

8. Сандарды өсу ретімен жаз:

192, 867, 216, 519, 748, 913, 875.

9. Санды жүздіктердің, ондықтардың және бірліктердің қосындысы түрінде жазып көрсет:

302

476

490

634

10. Салыстыр

Иманғали Білтабанов атындағы орта мектеп

Тақырып: « Алтын күз»

Дайындаған: Бастауыш сынып мұғалімі Трукстенова Гүлнар Құсайынқызы

2013 - 2014 оқу жылы

Иманғали Білтабанов атындағы орта мектеп

Тақырып: Кім болам?

Өткізген: Бастауыш сынып мұғалімі Трукстенова Гүлнар Құсайынқызы

2013 - 2014 оқу жылы

Алғырлар, тапқырлар сайысы

Гүлнар Трукстенова

Иманғали Білтабанов атындағы орта

мектебінің бастауыш сынып мұғалімі

Мақсаты: Оқушылардың меңгерген білім деңгейін анықтау, кестелік көбейту және бөлу амалдарымен байланысты берілген есептерді шешу және тиімді тәсілмен есептеуге дағдыландыру.

Оқушылардың пәнге деген қызығушылығын арттыру, логикалық ойлау қабілеттерін, шапшаң есептеу дағдыларын дамыту. Өз ойларын айтып, дәлелдей білуге үйрету.

Оқушыларды ұйымшылдыққа, ұқыптылыққа, бір-біріне көмек бере білуге, өз жұмысын және өзгенің жұмысын бағалай білуге тәрбиелеу.

Сабақтың түрі: сайыс сабақ.

Көрнекілік: кесте, слайд, жұлдызшалар, бағалау кестесі, үлестірмелі қима қағаздар.

Сабақтың барысы:

1.Ұйымдастыру кезеңі

2.Шаттық шеңбері

-Балалар, барлығымыз ұлдар мен қыздар араласып тұрайық та, бір-бірімізге жақсы тілектер айтайық.Балалар бір-біріне тілек тілейді.

-Балалар, қазір сендер мына сандықшадан текшелерді аласыңдар. Сол алған текшелеріңнің түсіне қарай екі топқа бөлінесіңдер. Әр топтың аты, ұраны және өздерің топ басшысын сайлайсыңдар.

Топтың өзін таныстыруы, амандасу рәсімі

1-топ - « Алғырлар» тобы.

Ұраны:Білімдіге дүние жарық,

Білімсіздің күні кәріп.

2-топ -« Тапқырлар» тобы.

Ұраны: Білекті бірді жығар,

Білімді мыңды жығар.

1 тур. Бәйге. Сұрақ-жауап. Әр дұрыс жауап бір ұпаймен бағаланады.

1.1дм неше см бар?

2.1м-де неше см бар?

3.1 кг-да неше гр бар?

4.Периметрді қалай табамыз?

5.Алманың жартысы неге ұқсас?

6.1кг мақта ауыр ма, 1 кг темір ауыр ма?

7.2 жүздікте неше бірлік бар?

8.Қосудың компоненттерін ата.

9.Көбейтудің компоненттерін ата.

10.3 сағатта неше минут бар?

11.81 қай санның квадраты?

12.Қосудың қандай қасиеттері бар?

13.Кез келген санды 0-ге көбейтсек не шығады?

14.36-ны 5-ке бөлгенде неше шығады, қалдық қанша қалады?

15. Өз ара кері амалдарды ата.

2 тур. «Көкпар» сайысы.

1.Ең үлкен үш таңбалы санға 1-ді қоссаң неше шығады?

2.3-ті 5 есе арттырып, оған 45-ті қос.

3.Ұзындығы 6 см, ені 3 см тік төртбұрыштың ауданы нешеге тең?

4.3 тәрелкенің әрқайсысында 8 алмадан бар. 3 тәрелкеде барлығы неше алма бар?

5.Бірінші қорапта 18 кг кәмпит бар, бұл екіншіге қарағанда 6 кг артық. Екі қорапта неше килограмм кәмпит бар?

6.Шаршының 1 қабырғасының ұзындығы 5 см, ауданы нешеге тең?

7.Асқабақтың массасы 3 кг, ал қарбыз одан 2 кг ауыр. Қарбыздың массасы неше килограмм?

8.1000 саны шығу үшін 250 -ді нешеге көбейтеміз?

9.56 - ның 7-ге бөліндісі нешеге тең?

10.81 қандай санның квадраты?

11.3 есе арттырғанда 24 шығатын санды ата.

3 тур. « Сиқырлы шаршы» сайысы. Слайдтан қараймыз.

10, 20, 30, 40 ұяшықтарын таңдап, сол ұяшықтардың сұрақтарына жауап береміз. Жауап бере алмасақ, басқа топтағы дайын оқушы жауап береді. Ұпай сол топқа кетеді.

10

20

30

40

20

30

40

10

30

40

20

30

10 ұпайдың тапсырмалары.

1.Азайтудың компоненттерін ата.

2. Қосудың компоненттерін ата.

3.Көбейтудің компоненттерін ата.

20 ұпайдың тапсырмалары.

1.(26+4) ∙2

100-90 ÷10

36 - 6∙1

30 ұпайдың тапсырмалары.

1.Ағасы 16 жаста, ал қарындасы 8 жаста. Қарындасының жасы ағасынан неше есе кем?

2.Әр жейдеге 2 м матадан жұмсағанда, 11 м матадан неше жейде тігуге болады? Неше метр мата артық қалады?

3.8 есе арттырғанда 72 шығатын санды тап.

40 ұпайдың тапсырмалары.

1.Шаршының бір қабырғасының ұзындығы 7 см. Ауданы нешеге тең?

2.Тік төртбұрыштың ауданы 16 см, ені 2 см. Ұзындығы неше см?

3.Бөлменің 4 бұрышында 4 мысықтан отыр. Әр мысықтың алдында 3 мысықтан отыр. Бөлмеде барлығы неше мысық бар?

4 тур. Ой қозғау. « Тапқырлар сайысы». Киелі сандар.

5дәм күн қару арыс

қазына асыл

Шелпек жеті ата баға дұшпан

5 тур. « Ойымды жалғастыр»

Мақал - мәтелдерді толықтырып айту.

1.Білекті бірді жығады,( білімді мыңды жығады)

2.Төртеу түгел болса төбедегі келеді, ( алтау ала болса, ауыздағы кетеді)

3.Отыз тістен шыққан сөз,( отыз рулы елге тарайды)

4.Жүз сомың болғанша, ( жүз досың болсын)

5.Білгенің бір тоғыз, (білмегенің тоқсан тоғыз)

6.Екі жақсы қас болмас, (екі жаман дос болмас)

7.Жаздың бір күні, ( қыстың мың күнін асырар)

8.Ер бір рет өледі,( қорқақ мың рет өледі)

9. Жеті рет өлшеп,( бір рет кес)

10.Жігіт адамға ( жетпіс өнер де аз).

Қорытынды бөлім.

Ұпайларды есептеп, жеңімпаз топты анықтау. Марапаттау.

Қобда ауданы

Күзгі қарбалыс

Гүлнар Трукстенова Иманғали Білтабанов атындағы орта мектебінің бастауыш сынып мұғалімі

Мақсаты: Оқушылар Балтабай Тәжімбетовтің « Күзгі қарбалас» өлеңінің тақырыбының мәнін ашады, топпен жұмыс арқылы көркем сөзді, көркем ойды өз сөздік қорына пайдалануға дағдыланады, білімдерін арттырады. Оқу мен жазу арқылы оқушылардың ойлау қабілеттерін, сөйлеу, жазу мәдениетін, шығармашылық қабілеттерін жетілдіру. Табиғат құбылыстарын, ондағы өзгерістерді бақылауға, зерттеуге дағдыландыру. Көркем әдебиетке деген құштарлықтарын ояту, өз беттерімен ізденіп, оқуға баулу. Оқушыларды табиғатты қорғауға, аялауға тәрбиелеу.

Сабақтың әдісі: сұрақ-жауап, түсіндіру, топтастыру, пікір ағашы, мақал-мәтелдер, шығармашылық жұмыс, өз-өздерін бағалау, текшелер

Сабақтың түрі: сайыс сабақ

Қолданылатын көрнекілік: суреттер, текшелер, кесте, Бауыржан Момышұлының «Ұшқан ұя» кітабы

Пәнаралық байланыс: Дүниетану, Бейнелеу өнері

Сабақтың барысы:

Ұйымдастыру кезеңі.

Психологиялық дайындық.

Қазақ тілім-өз тілім, ана тілім,

Абай, Мұхтар сөйлеген дана тілім.

Қастерлейді ұл-қызың мәңгі сені,

Болашағым, бақытым, дара тілім.

-Балалар, бүгінгі сабағымыз сайыс түрінде өтеді, қазір сендер мына түсті текшелерді ала отырып , топқа бөлінесіңдер. Әр топтың аты, топ басшысы болады. Сол топ басшысы сендердің білімдеріңді бағалайды.

1. «Алғырлар» тобы

2. «Тапқырлар» тобы

Үй тапсырмасын тексеру, бекіту.

Бауыржан Момышұлының « Ұшқан ұя» әңгімесі бойынша сұрау.

1-тапсырма. Тақырыпқа сай мақалды табу.

Батыр туса-ел ырысы,

Жаңбыр жауса-жер ырысы.

2-тапсырма. Әңгімені оқу, мазмұнын айту.

Әр топ әңгіме бойынша бір-біріне сұрақ қояды.

3-тапсырма. Топтастыру

Бауыржан Момышұлы Момышұлы

4-тапсырма. Пікір ағашы « Не білдім?»

5-тапсырма. Мағынаны ашу.

Балапан ұяда не көрсе,

Ұшқанда соны ілер.

Әр топ өз ойларын ортаға салады.

Жаңа сабақ.

1.Ой толғаныс

Күз

2.Поэзия минуты.

Оқушылар « Күз» туралы білетін өлеңдерін оқиды.

3.Мағынаны ашу.

а) Өлеңді оқу.

б) Мазмұнын талдау.

4.Сөздік жұмыс

«Қарбалас» сөзін талдау.

5. Шығармашылық жұмыс.

Әр топ «Күз» тақырыбына өлең құрастырады. Құраған өлеңдерін оқиды.

Қорытындылау.

Мен жаңа не білдім?

Маған не бәрінен де қатты ұнады?

Не ұнаған жоқ?

Үйге тапсырма беру.

Әр топтың топ басшылары өз топ мүшелерін бағалайды, не себептен ондай баға қойғандығын айтады. Қай топта «4» және «5» деген бағалар көп болса, сол топ жеңімпаз болады.

Қобда ауданы

Қысқаша қашықтықта эстафета таяқшасын беру

Нұрлан Тасмағамбетов

Иманғали Білтабанов атындағы

орта мектебінің дене шынықтыру

пәнінің мұғалімі

Сабақтың мақсаты: Оқушылардың жүгіру тәсілдерін эстафета таяқшасын беру арқылы арттыру,тірек-қимыл қозғалыстарын жетілдіру.

Жеңіл атлетикаға деген ынта-ықыластарын арттыру, өздіктерінен шұғылдануға баулу. Оқушылар арасында өзара достық қарым-қатынасты нығайту, салауатты өмір салтына тәрбиелеу.

Қолданылатын көрнекі құралдар: Эстафета таяқшасы, ысқырғыш, секундамер

Сабақтың барысы:

Кіріспе.

Сапқа тұру. Кезекшінің рапорт беруі; сәлемдесу; сабақ тақырыбын хабарлау.

Дайындық бөлімі.

Денені қыздыру жаттығуларын жасату.

1.Жай жүріспен жүру.

2.Қолды жоғары көтеріп жай жүріспен жүру.

3.Қолды белге қойып өкшемен жүру, қолды жанға созып жүру.

4.Жеңіл жүгіріспен жүгіру.

5.Қолды белге қойып оң жақпен және сол жақпен жүгіру.

6.Қолыңызды желкеге қойып аяқты алға, артқа тік ұстап жүгіру.

7.Жылдамдыққа жүгіру.

8.Жай жүріп тынысты қалыпқа келтіру.

Орнында тұрып жасалатын жаттығулар.

1.Қол белде, мойынды төрт рет оң жаққа, төрт рет сол жаққа айналдыру.

2.Бір дегенде артқа шалқайамыз, екі қолдың ұшын аяққа жеткізу тізені бүкпей, үш отырамыз, төрт қалыпты жағдайға келеміз.

3.Аяқты иық деңгейіне қоямыз, бір дегенде қолымызды оң аяқтың басына жеткіземіз, екі ортаға, үш сол аяқтың басына, төрт қалыпты жағдайға келеміз. Жаттығулардың дұрыс жасалуын көрсетеміз және қадағалаймыз.

Негізгі бөлім.

Оқушыларды бір қатарға тұрғызу. Бір қатармен алға адымдап жүгіреміз, қайтарда жай жүріспен қайтамыз. Тізені жоғары көтеріп жүгіреміз, аттап жүгіреміз, қайтарда жай жүріс.

Сыныпты сапқа тұрғызу. Қысқа қашықтықта эстафета таяқшасын сөреден шығып мәреге дейін екінші жұбына беруді түсіндіру, көрсету.

Екі топқа бөліп, бірінші топты мәреден шығу әдістерін жасату.

Екінші топ сөреден таяқшаны қабылдау. Келесі ретте екінші топ сөреден шығып, бірінші топқа мәреден беру. Осы ретпен қайталау.

Негізгі біріншіден көңіл бөлетіні мәреден күш алып, шыққанда 4-5 метрге дейін дене еңкейіп барып көтерілуі. Екіншіден таяқшаны қабылдағанда сөреден 4-5 метрге шығып барып, таяқшаны қабылдау. Дұрыс жасауын қадағалау және аяқ, кеуде, иық, мойын бұлшық еттерін бекіту. Дененің табан, бел, тізе бөліктерін қадағалау. Сабақты аяқтай отырып, үй тапсырмасын оқушылардың қабілеттілігіне қарай беру.

Қорытынды:

1.Сапқа тұрғызу.

2.Жіберген қателерді түзету.

3.Үйге тапсырма.

4.Бағалау.

Қобда ауданы