Воспитательный урок на тему «Алтун күз»

Мавзуси: «Алтун күз»

Вақти: 14.10.2016ж

Синип: 4 «б»

Мәхсити: Күз пәсли тоғрисида толуқ чүшәнчә берип олтуруп, оқуғучиларниң ипадилик оқушини ,сәһнидә өзини әркин тутушқа адәтләндүрүш арқилиқ тәбиәтни қорғашқа тәрбийиләш.

Қоллинидиған усул: соал- жавап, көрситиш

Қоллинидиған көрнәкликләр: мавзуға лайиқ сүрәтләр, карточкилар, кроссворд

Тәрбийә саатиниң бериши:

І Уюштуруш қисми

-синипни уюштуруш

Психологиялиқ тәйярлиқ

-Балилар һазир бизгә қайси пәсил?

-Күз айлирини ким ейтип бериду?

-Бүгүн һава райи қандақ?

-Күздә тәбиәт қандақ болиду?

-Бүгүнки тәрбийә саатимизниң мавзуси « Алтун күз». Күздә тәбиәт 3 түргә бөлиниду.

1 тәбиити-Күзниң башлиниши

2 тәбиити- Алтун күз

3 тәбиити- Күзниң аяқлишиши мошундақ болуп 3кә бөлиниду

А) күзниң башлинишида һава райи өзгириду. Дәрәқтики йопурмақлар әнди- әнди сарғийишқа башлайду. Бирақ дәл-дәрәқләрниң көпинчиси өз петичә туриду.

Б) Алтун күздә дәл-дәрәқтики йопурмақларниң һәммиси сарғийип кетиду. Йопурмақлар йәргә чүшүшкә башлайду.

В) күзниң аяқлишиши сәл кәчәрәк башлиниду. Йопурмақлар чүшүп болғандин кейин башлиниду.

- Келәси тапшурмида мән силәргә карточка тарқитип беримән. Соалларға жавап беришиңлар керәк болиду. 1) күз айлири 2) күздә қандақ өзгиришләр йүз бериду? 3) күздә кимләрниң ишлири башлиниду?

- Карточкиниң соаллириға жавап бәргән оқуғучиларға рәхмәт!

-Әнди балилар биз кроссвордни йешип көрәйли.

Соаллири :

1. Қәвәт-қәвәт кийми бар, өзичә бир модикәш (капуста)

2. Бараңда саңгилайду қурутса кишмиш болиду (үзүм)

3. Теши қаттиқ һәм йешил, ичи татлиқ һәм қизил (тавуз)

4. Теши жуңлуқ ичи татлиқ? (шаптулла)

5. Ахлиғичә жиғлайсән, тамаққа қошмай қоймайсән (пияз)

6. Көктатларниң аччиғи чишқа охшаш қариму-қарши (самсақ)

7. Өзи мөкүп туриду, сақили чиқип туриду (сәвзә)

8. Дәрәқләрдә өсиду, қизил,сериқ,һәм йешил (алма)

9. Рәңги йешил тени тиккән,

Муздәк судин чиққандәк

Бовам һәр жили терийду

Баһарда тартип чөнәк (тәрхәмәк)

10. Май ейида баһарда, қизил жия болғандәк

Худди дәрәқ бешиға мажан есип қойғандәк (алича)

11. Көрүнүши зәп чирайлиқ қизил, йешил болиду,

Әгәр тутсаң қолуң билән ечишиду көйиду. (лаза)

-Балилар адәмләр күзниң күни немә қилишқа башлайду?

Адәмләр ашлиқларни қәйәрдә вә қандақ сақлайду?

-Дурус мана шуниң үчүн күзни әң бай пәсил дәйду. Сәвәви һәммә ашлиқ күздә пишиду.

-Қени балилар « Сехирлиқ халта» дегән оюнни ойнап көрәйли. Мошу яққа бир-бирдин 10 бала чиқсаңлар. Тиңшаңлар мән шәртини ейтип чүшәндүримән ; силәр бир-бирдин халтиға қолуңларни селип ичидин бир нәрсә елип халтидин қолуңларни чиқармай шу нәрсини ейтип берисиләр. Шуниңдин кейин шу нәрсини көрситип, шуниң тоғрисида чүшәндүрүп берисиләр.

-Дурус балилар. Шаирларму өз шеирлирида күз пәслини ейтип кәткән. Күздә һава-райи күндин-күнгә салқинлинишқа башлайду. Адәмләр күзниң күни отун, яғач вә кқмүрләрни қишқа тәйярлайду.

-Балилар қишқа адәмләрла әмәс һайванатларму тәйярлинишқа башлайду. -Балилар мошу һайванатлар қишқа қандақ тәйярлиқ қилиду? Һайванатлар қишқа өзлири озуқлинидиған озуқ жиғиду.

Тийин

Тийинниң өйи дәрәқниң ичидә болиду. Тийин қишниң күни яңақ,шышка,дуб вә могу билән озуқлиниду. Һәммә һайванатлар өз алдиға тәйярлиқ қилиду. Тийин жүгрәп-жүгрәп, яңақ,шышка,дуб,могуларни күздә жиғип жүриду. Тийин хошнисиға қарап һәйран болди, немишкә кирпә алдирмай орнидин туруп немиду дәп һәйран болди. Кирпә қуруп кәткән йопурмақлар арисида көп ухлап ятиду.

-Кирпидин сорапту: «немишкә сән алдирмай жүрисән, қишқа тәйярлиқ қилмамсән»-дәпту тийин.

Кирпә аста күлүп тийинниң қулуғиға бир нәрсә дәпту,һеч ким аңлимапту. Кирпә тийинға немә деди? Немишкә күлди?

-Дурус балилар! Кирпә қишниң күни ухлайду, шуниң үчүн кирпә озуқ керәк әмәс, кирпә язниң күни яхши озуқлиниду, майлирини тенисигә жиғиду,қишниң күни йопурмақларниң астида ухлайду.

Бүгүнки « Алтун күз» намлиқ тәрбийә саатимиз тамам! Диққитиңларға рәхмәт!