Проектная работа 'Моя школа' (на татарском языке)

Чүпрәле районы Яңа Ишле башлангыч мәктәбенең 1нче сыйныф укучысы Нигманова Айгөлнең проект эше

Тема:"Минем классым, минем мәктәбем"

Һәркемнең туган йорты, гаиләсе була. Гаилә ул сине яклый, саклый торган бер оя . Бу ояда кеше үзен тыныч, усаллыклардан сакланган итеп тоя. Һәркемнең тормышы туган йорттан, гаиләдән башлана. Ләкин әле укучы гаиләдән башка күп вакытын мәктәптә үткәрә, менә шуңа күрә мәктәп аның икенче гаиләсе булып санала.

Безнең сыйныфыбызда 4 кеше..Без ике сыйныф бергәләшеп укыйбыз. Күптән түгел безнең Алинәбез күчеп китте. Без аны бик сагынабыз.

Безнең укытучыбыз Халидә апа Нигманова. Ул 20 елдан бирле балалар укыта. Безне ул үз балаларыдай якын күрә.

Безнең мәктәптә укудан тыш бик күп чаралар уза. Без аларда бик теләп катнашабыз. Чөнки без җырларга да, биергә дә бик яратабыз.

Без татарча биегәндә бар да сокланып карап торалар…

Мәктәптә үтә торган бөтен чараларга да әти- әниләребез бик теләп катнаша. Алар хәлләреннән килгән кадәр безнең укытучы апабызга ярдәм итәләр.

Күптән түгел генә мәктәптә яраткан бәйрәмебез Яңа ел булып узды.. Без ул бәйрәмдә бик актив катнаштык. Шигырьләр сөйләдек, җырлар җырладык. Кыш бабай безгә бүләкләр бирде.

Без мәктәбебездә күңелле яшибез!