Урок по крымскотатарскому языку Нузет Умеров.Меним достум Руслан

Дерснинъ мевзусы: Нузет Умеров «Меним достум Руслан»

Педагогик макъсатлар:

1. Талебелер окъугъан икяени яхшы анъламакъ кереклер.

2.Икяенинъ мевзусыны ве гъаесини къайд этмеге огретмек.

3.Группаларда чалышмагъа огретмек.

Бекленильген нетидже:

1.Талебелер икяени анълайышлы окъуйлар.

2.Талебелер дерсте актив чалышалар.

3.Талебелер группаларда чалышмагъа билелер.

4.Талебелер озь бильгилерни талиль этмеге билелер.

Педагогик технологиясы: продуктив окъув технологиясы.

Корьгезме: презентация, таркъатма материал , китап, ресимлер,аталар сезлер китабы, аудиодиск, видео.

Дерснинъ кетишаты:

1.Тешкилий къысым.

- Мерабанъыз, сайгъылы талебелер!

2.Талебелернинъ дерске эмоциональ къабилиетлерини арттырув.

-Берильген кягъытчыкъларгъа озюнъиз акъкъында тек яхшы сёзлер язынъыз.

Талебелер языларны окъуйлар.

3.. Дерснинъ мотивациясы

1).Черкез Алининъ шиири окъула

Достлукъ- Къадрине етсек,

Достлукъ север. Олмамыз мухтадж.

Достлукъ- Достлукътыр, достум,

Эр шейни енъер. Алтын тадж!

2). Субет

-Бу шиир не акъкъында?

-Онынъ серлевасыны насыл къоймакъ мумкюн?

-Бу шиир бизни неге огрете?

-Бугунь дерсте не акъкъында лаф этеджекмиз?

Талебелер деснинъ мевзусыны тайинлейлер, макъсадларыны айталар.

Оджа талебелернинъ айткъан мевзуны ве макъсатларыны къайд эте.

- Догъру ,балалар. Биз сизлернен бераберликте дерснинъ сонъунда

«Акъикъий дост олмаккъ ичюн не керек?» деген суальге джевап бермеге тырышаджакъмыз.

4. Янъы мевзу устюнде иш.

Дерснинъ шиары: Достуна урьмет эткен,

Озюне сайгъы къазаныр.

1). Шиар устюнде иш.

- Бу сёзлерни насыл анълайсыз?

2). Нузет Умеровнынъ«Чиберек» шиирининъ эсасында пластилин анимациясы техникасында чыкъарылгъан видеоны талебелер бакъалар.

Оджа:

- Бегендинъизми?

- Бу видеонынъ муэллифи 9 яшында огъланчыкъ - Ибраим Абдураманов.

- Бу гузель «Чиберек» шиирни балалар языджысы Нузет Умеров язды.

3). Оджанынъ сёзю презентация эсасында алып барыла.

Нузет Умеров белли балалар языджысыдыр. О, ноябрьнинъ 13 85-йыллы-гъыны къайд этти.Онынъ балалар ичюн язгъан шиир ве икяелерини эр кес биле. Бу «Акъ алтын масалы», «Амет ве кирамет», «Алтын урлукъ» киби эсерлердир.

Нузет Умеров озь эсерлерни къырымтатар ве рус тиллеринде яза, онынъ 20-ге якъын китабы нешир этильди.

Нузет Умеров Акъмесджит шеэринде яшай.

- Бугунь биз сизлернен балалар языджысы Нузет Умеровнынъ «Меним достум Руслан» икяесинен таныш оладжакъмыз.

4). Тахтада мевзу языла. Нузет Умеров «Меним достум Руслан»

5). Дерсликнен чалышув.

Талебелер 38 саифеде олгъан суаллернен танышалар.

Оджа. Дерснинъ девамында бу суаллерге джевап тапмагъа тырышаджакъмыз.

6).Талебелернинъ бильгилерни актуаллештирюв.

-Суаллерге джевап бермек ичюн икяени окъумакъ керек.

Суаллер экрангъа чыкъарыла.

1.Руслан Къырымгъа не ерден кочип кельди?

2.Къомшулар насыл ярдым эттилер?

3.Огъланчыкълар не япты?

4. Сизинъ фикириндже, Русланнынъ досту энъ зияде нени бегенди?

- с.36 Бир талебе биринджи абзацны окъуй.

- Талебелер биринджи суальге джевапны тапалар ве дефтерге язалар.

(Руслан Къырымгъа Озьбекистандан Самаркъанд шеэринден кочип кельди.)

- Экинджи талебе экинджи абзацны окъуй.

- Талебелер экинджи суальге джевапны тапалар ве дефтерге язалар.

(Эвчиклер къурып башладылар.)

- Учюнджи талебе учюнджи абзацны окъуй.

- Талебелер учюнджи суальге джевапны тапалар ве дефтерге язалар.

(Къарышма азырлайлар, арабачыкъларгъа толдуралар.)

- Дёртюнджи талебе дёртюнджи абзацны окъуй.

- Талебелер дёртюнджи суальге джевапны тапалар ве дефтерге язалар.

(Пек лезетли пиляв.)

7.Раатлыкъ дакъкъасы

Биз солгъа бакътыкъ - анда сыгъырны корьдикми?

Биз онъгъа бакътыкъ - анда мышыкъны корьдикми?

Козьлеримизни тепеге котердик - анда кобелек учамы?

Ёкъ, чюнки биз тышарыда дегиль - сыныфтамыз.

- Машалла балаларгъа! Суаллерге пек яхшы джеваплар таптынъыз.

Энди айтынъыз, Руслан насыл дост?

8. Группаларда иш.

1).«Кунешчик» усулынен достнынъ табиат чизгилерни бельгелейик.(Кокчиклер устюнде балалар табиат чизгилерини язалар ве кунешчик нурларына япыштыралар)

Садыкъ Ишкир Мераметли Темиз юрек

Аджайып Меракълы Ишанчлы Ярдымджы

2).Ресим устюнде иш.(с.37.)

Суаль-джевап оюны.

-Ресимде кимни коресинъиз?

-Огъланчыкълар не япалар?

-Къолларында не бар?

- Даа ресимде кимни коресинъиз?

- Ана не япа?

- Насыл йыл мевсими корьсетильген?

3). Аталар сезлернен чалышув.

«Девам эт»оюны

Достуна урьмет эткен,…(озюне сайгъы къазаныр).

Достнынъ кельгени-…(байрам)

Къуш къанатына ишана,..( инсан-достуна)

Дост къара куньде…(белли олур)

Урбанынъ янъысы яхшы, …(достнынъ исе эскиси).

7. Машалла, балаларгъа.

Энди дерснинъ башында берильген суальге джевап бермеге азырмыз.

Акъикъий дост олмакъ ичюн не керек?

8. Дерснинъ нетиджеси

Куб усулы

Акъикъий дост (юксек басамакъларгъа котериле)

3.Энъ къыйын вакъытта

ким ярдым эте?

Къыйын олгъанда Иш япкъанда Къуванчнен пайлашкъанда

2. Дост не вакъыт

керек ола?ккъуваеепрппппппппппп керек ола?

Мераметли Ишкир Аджайып Ишанчлы

1. 1. Дост насыл

олмакъ керек?

Яман дост(ашагъа тюше)

1.

Кулер Ярдым этмез Ялан айтар

2.

Яланджы Макътанчакъ Пахыл Тенбель

3.

Демек: «Достсуз адам - къанатсыз къуш».

8.Рефлексив.

Талебелер икяени бакъып чыкъалар ве дефтернинъ кенарында бельгилер къоялар.

«+» - билем

«V» - бильмеге истейим

«-» - бильмейим

Мий уджюми.

Оджа:

- Не акъкъында окъудынъыз?

- Достлукъ акъкъында не бильдинъиз?

- Метинни окъугъан сонъ, насыл янъылыкълар бильдинъиз?

9. Музыкалы тенеффюс

Къырымтатар йыры -видео.

Регина «Достум»

10.Эв вазифеси: Якъын достунъыз акъкъында икяе тизмек;

Руслан образына синквейн тизмек.

Синквейн

1.Руслан.

2.Аджайип, мераметли.

3.Ярдым эте, азырлай, толдура.

4.Руслан - мераметли,ишкир бала.

5. Дост.

11.Ёкюнлев. Баалав.

Дерсимиз сонъуна етти. Эпинъиз фааль чалыштынъыз, ана тилимизни огренмеге истегенинъизни анъладым. Сагъ олунъыз, сагълыкънен барынъыз!

МДУМ «Русаковка орта мектеби»

Къарасувбазар районы Къырым Джемхуриети

Дерснинъ мевзусы:

Нузет Умеров

«Меним достум Руслан»

Дерсни азырлагъан

МДУМ «Русаковка орта мектеби»

къырымтатар тили ве эдебияты

оджасы Абибиуллаева

Эльмира Энверовна

Русаковка кою

2016с.