Урок математики на крымскотатарском языке учькошеликлер

Мевзу: Учькошелик

Макъсат: геометрик шекиль ве онынъ хусусиетлеринен танышув.

Дерснинъ меселелери:

• Башлагъан ишнинъ сонъуна еткизмек;

• Математик терминли ибарелерни тизюв бильгилер ашлав;

• Чевремиздеки алемде учькошеликлерни тапув.

Дерснинъ кетишаты

1. Тешкиль дакъкъасы

2. Актуаллештирюв. Макъсат ве меселелерни къоюв

- (тахтада) Арткъач шекильни тапынъыз (квадрат, тюзкоше, учькошелик). Исбатла. Учькошеликнинъ хусусиетлерини билесизми? Бугуньки дерснинъ мевзусы: учькошеликлер. Учькошеликлернинъ хусусиетлерини анълатмагъа огрениджекмиз. Эки хусусиетни билемиз, учюнджисинен танышаджакъмыз

(тахтада 3 учькоше ве 1 коше)

- Арткъач шекильни тапынъыз.

- Исбатла (кошенинъ эки тарафы бар).

(кошени учькошеликке чевир)

3. Янъы мевзунен танышув

(тахтада учькошелик) Учькошеликнинъ 3 тарафы (АБ, БВ, ВА) ве 3 кошеси ( А, Б, В) бар. Даа бильмек керек, учькошеликнинъ 3 уджу да бар: А, Б,В. Учькошеликлер уджуна коре адландыра. Меселя: учькошелик АБВ, я да БВА,я да ВБА.

(тахтада арифлернен адлангъан учькошеликлер) Талебелер шу учькошеликлернинъ тарафыны, кошесини ве уджларыны косьтерип айталар.

4. Физкультдакъкъа

5. Янъы материалны пекитюв

1) Дерслик с. 60 №2 (сыраларнен)

(ралелерде ёлакълар, чифтли иш)

1. сыра- 1 узун ве 2 къыскъа ёлакъ алып учькошеликни топланъыз.

2. Сыра -1 къыскъа ве 2 узун ёлакъ алып учькошеликни топланъыз.

3. Сыра - 3 тюрлю ёлакънен учькошеликни топланъыз

(эр кеске вазифе) Комшунъа учькошелик олгъаныны исбатла.

2) Дерслик с. 60 №1.

-Дерсликте олгъаны киби дефтеринъизге нокъталар къоюнъыз. Нокъталарны кесиклернен багъланъыз ве адыны къоюнъыз. Насыл шекиль олды? Исбатланъыз.

6. Физкультдакъкъа (йыр)

7. Дерс мевзусынынъ девамы.

- Кечкен дерсте биз «3» акъкъында лаф эттик. Бугунь бу ракъамнен танышувны девам этеджекмиз. Шимди учь огълан акъкъында меселени чезеджекмиз. Бу меселенинъ джевабы бар, амма чезими ёкъ. Мени динълегенден сонъ, ресимге бакъып , ким къайда яшагъаныны айтынъыз. Учебник стр. 61 №6

(тахтада: Лёман - Л, Вели - В, Кемал - К)

(бирер джумле окъуйым)

- Кимде не олды?

- Догъру джевап: Кемал мавы эвде , Вели портакъал тюстеки, Лёман къызыл эвде яшайлар.

8. Рефлексия.

- Бизим дерсимиз сонъуна етти. Макъсат ве меселелерни чездикми? Ойле олса, чевремизге бакъып, учькошеликлерни тапынъыз ве оларнынъ хусусиетлерини айтынъыз.

Иш дефтери с. 48 №1 ( вариантларнен)

(тахтада 1. коше, 2. учькошелик, 3. квадрат)

• Берильген шекиллер арасындан учькошеликлерни тапынъыз ве дефтерге номерини язынъыз

• Пунктир сызыкълар ярдымынен учькошеликлерни сызынъыз

• Биринджи сырагъа уджларынынъ адларыны язынъыз

• Экинджи сырагъа тарафларынынъ адларыны язынъыз

• Къарандашнен учькошеликлернинъ уджларыны къавусларнен бельгиленъиз

• Къомшунъызнен дефтерлеринъизни авуштырынъыз ве тахтанен тенъештиринъиз. Ким догъру япты? Къолларынъызны котеринъиз.

Дефтерлерни манъа беринъиз

- Мен бакъып, хаталарны бельгилейим.