Көңілді тапқырлар сайысы

Көңілді тапқырлар сайысы.

Тақырыбы: Көңілді тапқырлар сайысы.

Мақсаты: Оқушылардың математика пәніне деген қызығушылығын арттыру, оқушылардың есте сақтау қабілетін, зейінін, байқағыштығын, ойлау қабілетін дамыту.

Барысы: 1. Ұйымдастыру

2. Таныстыру

1.Топпен таныстыру:

1. «Құлагер» тобы.

Құлагердей халық сүйген,

Шаршамастан шабамыз.

Қиналмай- ақ есептердің,

Жауаптарын табамыз.

1. «Тайбурыл» тобы.

Тайбурылды серік етсе,

Қобыланды сынды бабамыз.

Қиын есеп шешкен сайын,

Арта түспек бағамыз.

Есеп бізге не тәйірі?

Шемішкеше шағамыз.

2. «Байшұбар» тобы.

Сүйікті аты Алпамыстың,

Серік болған жасынан.

Сайыс десе жанып түскен,

Жер қаптырып талайды.

Байшұбар тобы өздерін,

Математикке балайды.

Ән: Кел, балалар, ойнайық,

Ойнайық та ойлайық!

Қандай есеп болса да,

Шешпей оны қоймайық

Ал, қанеки, тыңдаңдар

Асығыстық қылмаңдар.

Асықпайық дегенге,

Бөгеліп көп тұрмаңдар.

1. Сайыс «Ойтолғау»

1-ші топқа.

Бір топ үйрек ұшып келеді. Барлығы бесеу. Аңшы біреуін атып түсірді. Неше үйрек қалды? (1 үйрек қалды).

2-ші топқа.

Үстелде 3 майшам жанып тұр. Оның біреуін өшіріп тастады. Неше майшам қалды? (1майшам қалды).

3-ші топқа.

Түнгі сағат 10-да жауын жауып тұрса, 24 сағаттан кейін күннің жарқырап тұруы мүмкін бе? (жоқ, себебі ол кезде түнгі сағат 10 болады)

Әр дұрыс шешкен топқа 5 балл.

2. Сайыс «Кім шапшаң?»

10 орындықты бір бөлменің әр қабырғасында үштен болатындай етіп орналастыр.

Қай тез шешкен топқа 10 балл.

3 Сайыс «Тапқыр болсаң тауып көр», «Әзіл есептер»

1. 4 жұмыртқа 4 минутта піседі. 1 жұмыртқа неше минутта піседі. (4 минутта)

2. Айқасқан екі таяқ.

Тұрады жоқты сұрап (Х)

3. Ер баланың ағалары жоқ, ал оның қарындасының сіңілісі

қанша болса, сонша ағасы бар. Осы отбасыда қанша

ер бала, неше қыз бала бар? (Жауабы: 1 ұл, 2 қыз бар.)

4.Бір килограмм темір ауыр ма, әлде бір килограмм мақта ауыр

ма? (тең)

5.Жоқ өзінде бас та,

Қас та, мойын да

Ұзындығы жазулы тұр бойында (сызғыш)

6. Жүз төрт түйме, он бір ине. (шот)

7. Қарсы жатқан қабырғалары тең фигураны ата? (тіктөртбұрыш)

8. Үш кесіндіден тұратын фигураны ата? (үшбұрыш)

9. Оңынан оқығанда да сол сан,

Солынан оқығанда да сол сан. (қырық)

10. Бір ғасырда неше жыл бар? (100 жыл)

11. Бір мүшел неше жас? (12 жас)

4. Сайыс. «Үй тапсырмасы»

Құрамында сан сөздері бар, жұмбақтар мен мақал- мәтелдер жаттау.

(Соңына қарай ұпай беру)

1. Тышқаннан басқа батпаған,

Бір шланг, төрт баған. (піл)

2. Мың найзалы жалғыз батыр,

Жауларына алғызбай тұр. (кірпі)

3. 60 батыр

Үй сыртында сүйкеліп,

Өліп жатыр. (сіріңке)

4. Екі құлақты,

Он екі аяқты. (домбыра)

5. Екі айнасы бар,

Екі найзасы бар.

Төрт жалтырмағы бар,

Бір шыбыртқысы бар. (сиыр)

6. Басында екі таяғы бар,

Төрт аяғы бар.

Адам деуге болмайды,

Бірақ сақалы тағы бар. (ешкі)

4. Сайыс. «Қызықты квадрат»

Үш топқа квадрат беріледі.

Осы үш үшбұрыштан 1 топ шаршы, 2 топ тіктөртбұрыш, 3 топ үшбұрыш құрайды.

Дұрыс құраған әр топқа 10 балл.

6.Сайыс. «Көршісін тап»

1 топ. 2 топ 3 топ

78 80 60 70

50 57 59 43 45

48 100 59

56 58 40 42 80 82

7. Сайыс «Жүзден жүйрік», «Блиц турнир»

1 топқа.

1. 8 бен 4-тің қосындысы

2. 9 бен 3-тің қосындысы

3. 7 мен 4-тің қосындысы

4. 11 мен 4-тің қосындысы

5. 9 бен 5-тің қосындысы

6. 12 мен 6-ның айырмасы

2.топқа

1. 7 мен 5-тің қосындысы

2. 8 бен 3-тің қосындысы

3. 12 мен 3-тің қосындысы

4. 9 бен 6-ның қосындысы

5. 6 мен 6-ның қосындысы

6. 14 пен 7-нің айырмасы

3.топқа

1. 8 бен 4-тің қосындысы

2. 7 мен 5-тің қосындысы

3. 13 пен 5-тің қосындысы

4. 6 мен 5-тің қосындысы

5. 11 мен 4-тің қосындысы.

Аяққыға 1. 8 бен 6-ның қосындысы

2. 15 пен 10-ның айырмасы

Жеңген топқа 10 балл.

• Қорытынды: -Балдарын санау. Қорытынды жасау. Жеңімпаз топты мадақтау