Математика кичээли Улеттинниг болгаш улекчи

А.Ч.Базыр-Сады,

Эге класс башкызы

Чал-Кежиг ортумак школазы

Чеди-Хөл кожуун

Үлеттиниг биле үлекчи

2 класска математика кичээли

Космиктиг аян-чорук.

Кичээлдиң сорулгалары:

- личностуг:

1) өөреникчилерниң боттарының чажыды-биле база улуг улус-биле кады ажылдаар чаңчылды сайзырадыр;

2) өөредиглиг ажыл-чорудулга чылдагаанын сайзырадыр.

- метапредметтиг:

1) өөредиглиг ажыл-чорудулганың сорулгаларын салып билирин сайзырадыр;

2) билип алыр рефлекстерниң эге хевирин шиңгээдип алыр;

3) кады ажыл-чорудулганың хүлээлгезин дугуржуп билирин сайзырадыр, бот-боттарын хынаарын сайзырадыр;

- предметтиг:

1) бодалганы бодаар янзы-бүрү аргаларының уг-шиин тып билир;

2) демдектиг арганы база бодалгалар бодаарда модель, схеманы ажыглап билир.

Дериг-херексели:

- ракета чуруу;

- ужуп бар чоруур ракета чуруу;

- сигналдыг карточкалар «светофор»;

- карточкалар.

Кичээлдиң чорудуу

1. Организастыг кезээ (1мин.)

Башкы: Экии, уруглар! Бо кичээлде ырак планеталарже космиктиг аян-чорук кылыр бис. Аян-чоруувус чедиишкинниг болур кылдыр дараазында негелделерни күүседири эргежок чугула:

1) кичээнгейлиг болур;

2) ылап шын даалгаларны күүседир.

Белен бе?

Өөреникчилер: Ийе!

2. Графиктиг диктант:

Башкы: Эң бир дугаар ужар аппарадывыс чуруп алыр бис. Холуңарга карандаштарыңар тудуңар. Белеткенир. Дөрт клетканы куду санааш, дөрт дугаар клетканың оң талазында азыынга точкадан салыңар. Оң талазынче 2 клетка, куду 6 клетка, оң талазынче 1 клетка, куду 2 клетка, солагай талаже 2 клетка, өрү 1 клетка, солагай талазынче 2 клетка, куду 1 клетка, солагай талазынче 2 клетка, өрү 2 клетка, оң талазынче 1 клетка, өрү 6 клетка, оң талазынче 2 клетка.Үнүп келген фигурага кырынга немей үш-булуңчук чуруп алыңар. Ракета туттунган.

Ракетавыс ужа бээр кылдыр ам илбилиг сөстерден чугаалаптаалыңар.

Санаан үезинде Черден үнгеш

Тывызыксыг сылдыстарже корабльдар ужар.

Даап бодап:

Сагыштаалап күзээш - шупту космонавтылар апарган бис.!

Бис ам шупту - космиктиг корабльдың экипажы бис!

2. Билиглерин онзалаары.

Башкы: Ужуп үнер мурнунда ракетавыска бензин кудуп алыр бис. Кайы хире бензин херегин санаптаалыңар. Чазыг кылбазы-биле сактып көрээлиңер.

«Артык» саны тыпкаш, шый. (5)

(Слайд №)

3. Математиктиг диктант.

Башкы: 2*9 4*3

7*3 5*2

3*5 3*2

10*2 10*1

7*0 50*2

Харыызын хына!

18, 21, 15, 20, 7, 12, 10, 6, 10, 100

Башкы: Чүвениң массазын кандыг хемчег-биле хемчээр бис?

Өөреникчилер: Грамм, килограмм.

Башкы: 100 кг бензин херек. Бензин кудуп алган бис. Ракета белен.

Сула-шимчээшкин.

Башкы: Кичээнгейлиг! Ракета ужуп үнеринге белен! Экипаж шупту олудун эжелээр.

10 сан тургузунда холдары-биле аңгы- аңгы шимчээшкиннер кылыр. Салып үндүрүпкен! Олуруп алыр. Космосче ужудуп чорупкан бис.

4.

Башкы: Уруглар! Бистиң ужудуушкунувус башкарар пультувус авария болур байдалда. Ону эдери-биле база бо кичээлде кандыг тема өөрениривисти билип алырда дараазында саннарны улгаткан аайы-биле бижи:.

6, 2, 12, 4, 8, 10

Е Ү Е Л Л Г

Өөреникчилер: Үлелге.

Башкы: кадылга үезинде компонентилерниң аттарын адаңар. Казылга үезинде компонентилерниң аттарын адаңар. Көвүдедилге үезинде компонентилерниң аттарын адаңар. Бистер чүнү катаптадывыс? Ам өөренгир темавысты тургузыңар. Чүнү өөренген база чүнү өөрениривисти кайыын көөр бис? Номуңарның 62 ар. ажыткаш көрүңер. Кандыг тема өөренир бис? Кандыг сорулгалар салып алыр силер?

Өөреникчилер: Үлелге үезинде компонентилерниң аттарын билип алыр бис. Үлелге үезинде компонентилерниң аттарын канчаар адаарын билип алыр бис.

Башкы: Үлеттинип турар саны чүү деп адаар бис? Үлеп турар саны? Болу берген саны?

5. Оюн «Светофор»

Башкы: Космонавтылар көвүдедилге таблицазын кончуг эки билир ужурлуг. Төгериктерни тудуп алыр бис. Ногаан - шын харыы, кызыл - шын эвес..

2х6 12 14

9х2 16 18

4х4 16 18

5х6 25 30

3х4 12 9

7х10 70 17

Башкы: Эр-хейлер! Космонавтылар таблицаны эки билир-дир.

7. Илередиг тургузуп ооң значениезин тывар ажыл.

Башкы. Бистиң мурнувуста планета көрүп тур мен. Бистиң мурнувуста чүү чүвел?

Өөреникчилер. Ужар тавак!

Башкы. Инопланетяннар бистиң ракетавысты чок кылыр деп турар-дыр. Математиктиг тулчуушкунга шупту белеткенип алыр!

(Уруглар олудундан компонентилерниң аттарын база катап адаар)

Башкы. Тулчуушкунну эгелээлиңер! Угаан болгаш дидим-чорук бистиң боо-чепсээвис болур. Кым дидим.! Самбырага келгеш онаашкынын тывар:

9:3

10:5

15:3

4:2

Башкы. Эр-хей! Тулчуушкунну тиилеп алган сен. Тиилелгевис быжыглап шупту кыдыраашка бодаар:

(2+4)*2=12

Башкы: Эр-хейлер! Бис тиилеп алган бис! Инопланетяннарның корабили ужуп чорупкан.

7. Темага бодалгалар.

Башкы. Бистиң ракетавыс чавызап келген. Черже ээпкен бис. Бисти бажыңда ада-иевис манап турар. Ракетавыс хондурары чымчак кылдыр аас-биле бодалгалардан бодаптаалыңар..

1) Юля 18 согунаны 3 одуругга дең кылдыр олурткан (тараан). Бир одуругда каш согуна барыл?

2) Вера 18 согунаны одуругга 3-теп таран. Шупту каш одуруг согуна болганыл?

Башкы. Эр-хейлер!

Кичээлдиң түңнели.

Башкы. Үлелге үезинде компонентилериниң аттарын база катап чугаалаптыңарам?

Онаалга. №3,7, номнуң арыны 62.

Эр-хейлер! Кичээл төнген. Идепкейлиг ажылдааныңар дээш четтирдим! Боттарыңарның кичээлде ажылыңарны үнелеңер.