Конспект урока по уроку охрана окружающей среды на тему ' Өсімдіктердің қысқы өзгерісі ' (2 класс)

Сабақтың тақырыбы: Өсімдіктердің қысқы өзгерісі.

Сабақтың мақсаты:

Білімділік: Оқушыларға өлі табиғаттың тірі табиғатқа әсер етуін дәлелдеу тәсілдерін қалыптастыру арқылы экологиялық білім беру.

Дамытушылық: Оқушыны ойланту, өздігінен ізденіске салу, қиялдату, ойын тұжырымдату, ой-өрістерін кеңейту, шығармашылығын дамыту.

Тәрбиелік: Табиғатқа деген сүйіспеншілігін арттыру.

Сабақтың көрнекілігі: Жыл мезгілдеріне байланысты суреттер, кестелер, жапырақ, ағаш бұтақтары, үлестірмелер, бейнетаспа.

Пәнаралық байланыс: Ана тілі мен бейнелеу пәндері.

Қолданылған әдіс-тәсілдер: Сұрақ-жауап, ойын тұжырымдау, дәлелдеу, бақылау, зерттеу, өзіндік жұмыс.

Сабақ барысы: І. Ұйымдастыру кезеңі:

Сәлемдесу. Сабаққа дайындықтарын тексеру. Оқушылардың бір-біріне жақсы тілектерін айтуы.

- Балалар, қазір сендер төрт топқа бөлініп отырасыңдар (көктем, жаз, күз, қыс).

- Сабағымызды өткенді қайталаудан бастаймыз.

ІІ. Өткенді қайталау.

1. Адамға тәуелсіз не?

2. Табиғат деген не?

3. Табиғатты неге әр түрлі дейміз?

4. өлі табиғат пен тірі табиғаттың айырмашылығы неде?

5. Олардың арасындағы байланыс қандай?

6. Тірі табиғат туралы не айтасыңдар?

Әр топтың пікірі тыңдалып, мынандай схема құрылды.

7. Тірі табиғатты өзара салыстырыңдар.

(Әр түрлі жұмыс тыңдалады).

Қорытынды.

Ойлау, Қоректенеді,

Сөйлеу, Өседі, көбейеді,

Еңбек ету, Тыныс алады.

ІІІ. Жаңа сабаққа кіріспе.

• Жақсы балалар, енді біз осы тірі табиғаттан тек өсімдікті ғана алып, соның тіршілігін, әр мезгілге байланысты тіршілік өзгерісін бақылап көрейік.

Өсімдік - тірі табиғат. Ол тіршілік ету үшін қандай жағдайлар қажет?

Кесте сызылады.

Проблемалық сұрақ.

- Ал енді балалар осы өсімдікке қажетті жағдайлардың бірі су болмай қалса өсімдік қандай жағдайда болады?

- Өсімдік қурап қалады.

- Дұрыс айтасыңдар. Су болмаса өсімдік солып, қурап қалады. Мысалы, Арал теңізін алатын болсақ, оның айналасы бұрын гүлденген, жап-жасыл аймақ болатын. Ал қазір ол адамның күнделікті өмірде, өндірісте, табиғатты өзгертіп су қоймаларын жасау, суды есеп-қисапсыз ауыл шаруашылығына біржақты пайдаланудың салдарынан Арал теңізінің суы тартылып, жері қуаңшылыққа айналды. Қазір ол жерде тек қуаң ашық дала. Адамның ойланбай істеген ісі, табиғатқа жасаған қиянаты осындай ауыр қайғы-қасіретке алып келеді. Сондықтан біз суды үнемді пайдаланып, табиғатты қорғауымыз керек.

ІV. Жаңа сабақ.

Өсімдіктердің қысқы өзгерісі.

- Қазір топ бойынша жұмыс істейміз. (Әр топ өз атына байланысты қалташықтарды толтырады, жыл мезгілдеріне байланысты өсімдік суреттерін теріп алу).

Көктем

Жаз

Күз

Қыс

Бүршік ата бастаған ағаштар, жаңа өсіп келе жатқан өсімдіктер

Жайқалған жасыл жапырақтары орман, ағаш, гүл т.б.

Сарғайған жапырақты ағаш, қурай бастаған өсімдік, гүл т.б.

Жапырақсыз орман, ағаш т.б.

Салыстыру (әр топ)

Неліктен әр мезгілде өсімдік тіршілігі өзгереді? Өз ойларын айту, болжам.

Оқулықпен жұмыс.

Оқи отырып өз ойларын оқығандарымен салыстырады. Зерттеу жұмысын жүргізеді.

Топ бойынша өз бетімен жұмыс.

(Алдын ала суға салып қойған, бүршік жара бастаған бұтақшалармен жұмыс).

Оқушылар бүршікті , оның ішіндегі көктеп келе жатқан жапырақты көреді.

Карточкамен жұмыс:

Әр топ әр жыл мезгіліне байланысты жапырақтағы өзгерістерді айтады (сұрақтар бойынша).

- Өсімдіктер тіршілігі жыл мезгіліне байланысты неліктен өзгеріске ұшырайды?

(Әр топ өз ойын дәлелдейді).

Көктем

Жаз

Күз

Қыс

Күн жылына бастайды, қорек алады, күн ұзарады, жер жібиді, сондықтан өсімдік өсе бастайды.

Жарық мол, күн жылы, қорек мол, су көп, топырақ жұмсақ, сондықтан жақсы өседі.

Жарық азаяды, жылу азаяды, корек те аз, топырақ тоңазиды, сондықтан сарғайып, қурайды.

Жылу жоқ, топырақ қатады, қорек ала алмайды, жарық аз, сондықтан өсе алмайды

Осыдан мынадай қорытынды шығарады:

Өсімдіктің тіршілік етуі үшін қажетті бес жағдай: жылу, жарық су, қорек, ауа жеткілікті болуы керек. Ал қыста олар мүлдем жетіспейді. Сондықтан өсімдіктер өсуін тоқтатады. Қысқы ұйқыға кетеді. Демалады. Яғни ескі жапырақтарын тастайды.

Жапырақтардың сарғайып түсуін бейнетаспадан көру.

Сабақты бекіту:

• Бүгінгі сабақ ұнады ма?

• Не үйрендіңдер?

• Неліктен өсімдік тіршілігі өзгеріске ұшырайды екен?

Бағалау.

Үйге тапсырма.

Су ішіп жайқалып тұрған өсімдік пен сусыз жерде өскен өсімдіктердің суретін салып, салыстыру.