Бастауышым шамшырақ – балғын бөбек балбұлақ! (4-сыныптардың бастауышпен қоштасу ертеңгілігі)

Бастауышпен қоштасу мерекесі

Сабақтың мақсаттары: Білімнің сара жолы мектептен басталатынын, білімнің кең дүниеде өмірге есік ашатынын сезіндіру. Білімге деген құштарлығын арттыру, оқуға, білімді болуға шақыру. Мектепті яғни, білім ордасын, ұстаздарын құрметтеп, еңбекті бағалай білуге тәрбиелеу.Ата-анасының, Отанының адал ұл-қызы болуға жетелеу, тәрбиелеу. Ақыл,ой өрісін дамыту. Бастауыш сыныбымен, білімнің алғаш есігін ашқан ұстаздарымен қоштастыра отырып, жоғарғы сынып мұғалімдеріне әр баланы өз ерекшелігімен таныта отырып, сәт сапар тілеп табыстау

Көрнекілігі: «Шуағын төккен 4 жыл» фотомонтажы. Слайдтар.

Қанатты сөздер мен тақырып.

Кіріспе сөз:

Мұғалім:

Қош келіпсіздер , құрметті ата - аналар, қымбатты әріптестер, оқушылар! Бүгінгі күн осында отырған бәріміз үшін ерекше күн. Оның ерекшелігі сол, осыдан 4 жыл бұрын мектеп табалдырығын жүрексіне аттаған балаларыңыз білімнің негізі болатын бастауышта оқып, білім алып, қанаттарын қатайтып бастауыш сыныппен қоштасқалы отыр.

Толқимыз , толқып тұрсыз баршаңыз да

Мұндай күй болған сірә қаншаңызда

Қол соғып, қошеметтеп шақырайық

4 «Б» сыныбын ортамызға!

Музыка әуенімен бастауыш сынып түлектері ортаға келеді.

Мұғалім: Сіздердің алдарыңызда тұрған 4- сынып оқушылары осыдан 4 жыл бұрын 6 жасар бала болса, бүгін міне , ес біліп, етек жиған шәкірт. Мектеп табалдырығын аттаған күннен бастап»Әліппемен қоштасу», дәстүрлі Наурыз тойлары , «Әдепті бала» , «Әнші , биші балапан», «Күз аруы», «Наурыз аруы», « Жігіт сұлтаны»,Мәнерлеп оқу сайыстары мен әртүрлі тақырыпта ұйымдастырылған көрмелер,сыныпаралық спорттық жарыстар, ашық сабақтар мен тәрбие сағаттары балалардың есінде ұзақ сақталары сөзсіз.

Міне , бүгін біздің бүлдіршіндер өміріне өшпес із қалдырған бастауыш сыныбымен қоштасып, бір жылға тағы да есейгелі отыр.Ендеше қызықты да ғаламат өзгерістер сыйлаған , білім нәрімен сусындатқан ,өмірде өз жолдарын табуға жол сілтеген ұстаздарына, ата- аналарына өз өнерлерін көрсетуге дайын.Олай болса жүргізушілерімізді ортаға шақырайық!

Азат : Армысыздар, мұғалімдер әз жандар!

Білім іздеп инемен құдық қазғандар,

Сан ұрпақты тәрбиелеп оқытқан,

Өмір деген үлкен жолда тарландар,

Аружан: Армысыздар әжелер мен аналар

Ұрпағыңыз күнде өзіңнен бата алар.

Ел дәстүрін мәңгі сыйлап оқы деп,

Үйреткен ғой Абай, Ыбырай бабалар

Ақылбек: Армысыздар өр тұлғалы әкелер!

Қыран құстай балапанын мәпелер.

Бүгін міне бастауышпен қоштасады,

Азамат боп , кешегі сәби- еркелер!

Айдана :Армысың сен , алтын ұя мектебім

Саған айтар жыр- алғысым көп менің

Жүректерге жаққан білім шырағын ,

Мектебіме арналады бұл әнім!

Ақылбек : Айдана, осыдан 4 жыл бұрын, бүгінгі түлектер, біреуі анасымен, біреуі әкесімен, енді біреуі ата-әжесімен қол ұстасып мектеп табалдырығын аттап еді.

Айдана: Олар алғашқы күннен бастап ұстаздарымен танысты, партаға қалай отыру керектігін, басқа да мектеп ережелерін үйренді.

Азат: Қолдарына қалам ұстап, А әрпінен бастап, 42 әріпті танып, 1-ден 100-ге дейінгі , 1000-ға, миллионға дейінгі сандарды санай алатын дәрежеге жетті.

Аружан: Содан бергі 4-жыл ішінде талай өнерді бойымызға сіңіріп үйрендік. Бүгін міне, соның айғағы ретінде бізді білім нәрімен сусындатқан аяулы ұстазымызбен, бастауыш мектеппен қоштасқалы отырмыз.

Аружан : Олай болса Ақылбек алтын ұя мектебімізге арнап

«Мектебім» әнін шырқайық!

Ән: «Мектебім» хор

Слайд: «Мектептегі мерекелер»

Азат : Иә мектебімізге қандай жыр арнасаң да жарасады. Ендеше сыныптастарымыздың мектепке арнаған жырларын тыңдайық

Ақбота : Мектеп деген білім кені , жыр кені,

Мектеп деген ғылымның ең үлкені.

Мектеп деген тәрбиеші адамға.

Мектеп деген даналардың мекені.

Дамир: Мектебім- білім берер алтын ұям.

Ер жетіп сенде сөзім, артты санам.

Баулыған 4жыл бойы ата- анамдай.

Әрқашан қасиетті атың маған.

Арада өтсе дағы дүркіреп жыл ,

Әр күні балалықтай бір жүрек бұл.

Өзіңе борыштармын өмір бойы

Есейген шәкіртіңнің серті деп біл.

Жандос:Армысың сен алтын ұя мектебім,

Саған айтар жыр алғысым көп менің.

Жүректерге жаққан білім шырағын,

Мақтан етем сені мәңгі мектебім.

Ерхан:Ұлылықты ардақ тұтар үнемі,

Алтын ұя, ақ босаға киелі.

Қанат қаққан білім алып өзіңнен,

Күллі шәкірт саған басын иеді.

Азат : «Мектеп вальсі»

Айдана: « Ұстаздық еткен жалықпас үйретуден балаға»,-деп Абай атамыз айтқандай , алғаш қолымызға қалам ұстатып, оңымыз бен солымызды танытқан, бізбен бірге қуанып, 42 әріпті танытып,білім нәрімен сусындатқан, мектептегі анамыз- ұстаз екені бәрімізге мәлім. Ал, осы ұстаз туралы не білеміз?

Аружан :Әр шәкіртін өз баласынан кем көрмей, оқуға , жазуға үйреткен мұғалім еңбегі шексіз. «Мұғалім - мектептің жүрегі» - деп Ыбырай атамыз бекер айтпаған.

Азат:Дұрыс айтасың Аружан, ғылым иесі ғалым да , ел қорғаған батыр да , тілінен бал тамған ақын да , тегеуріні темір балқытқан жұмысшы да, көкті шарлаған ғарышкер де, бәрі- бәрі ұстаздан білім мен тәрбие алған.

Ақылбек : Иә ,бұл туралы батыр Бауыржан атамыз: «Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді»деген екен. Олай болса келесі жырларымызды ұстаздарымызға арнаймыз!

Бағжан:Тек үйреттің әділдікті , адалдықты,

Жирендік , ажыраттық жамандықты.

Жалғастырар ақ жолың сенің салған,

Бар деп ұққын әрқашан балаң мықты.

Батырхан: Жарық күннен жылы жүзің елестер,

Құлағымда өзің берген кеңестер.

Жанарымда алыс тартқан қара жол,

Көз жұмсам да көре тұғын белестер.

Жанел:Қоңыр үнді даусың әсем таңдардай ,

Ұстазымның жүзіндегі нұр қандай?

Мейірлене қарап қойып біздерге,

Күн астынан сабақ беріп тұрғандай

Бақберген: Мұғалім ұстазысың балалардың,

Болашақ ғалымдардың , даналардың .

Өмірде сенің алар орыныңа ,

Бірі де жеткізе алмас бағалардың.

Айдана: Кәнекей балалар, барлығымыз бірге білім нәрімен сусындатқан бастауыш мектебіміздің ұстаздарына арнап

« Бастауыш мектеп » әнін шырқап берейік.

Ақылбек: Иә осыдан 4 жыл бұрын , біз 6 жастағы сәби -балалар сөмкемізді зорға көтеріп,мектеп табалдырығын жасқана аттаған едік.

Азат: Енді міне сауатымызды ашып, білім негізін қалаған бастауыш мектеппен қоштасып, орта буын қатарына қосылғалы тұрмыз.

Айдана: Ендеше бастауыш сыныбымыз туралы неге айтпасқа !

Рабиға : Жасқана кіріп жарық сыныпқа біз.

Әр бетін Әліппенің күле ашқанбыз.

Мұғалім сабақ өтіп жатқан кезде,

Қайталап атымызды сұрасқанбыз.

Серік: Әр үйдің ерке өскен тентегі едік,

Ақылға келе алмадық ерте көніп.

Бойымыз бірте- бірте үйренісіп.

Мектептің ережесін үйрендік кеп.

Олжас:Бастауышта шырқалмаған жыр бар ма?

Бастауышта айтылмаған сыр бар ма?

Бастауышта алған білім, жырларым,

Азық болар , мәңгі талай жылдарға.

Дана:Бастауышым- бал бұлағым ,

Алдым сеннен балдың дәмін.

Әріп танып, білім алып

Рахметімді жаудырамын.

Айдана: Біздің кешімізге арнап сонау Өзбек елінен бір топ бишілер өздерінің шашуларын алып келіпті. Олай болса, мың бұралған бишілеріміздің «Келинчек» биін қабыл алыңыздар!

Тілектес :Біздер бастауыш сыныпта жоғары сыныптарда өтілетін Әдебиет, тарих, биология, алгебра , физика, химия т б пәндерге негіз болатын ана тілі, математика,дүниетану, орыс тілі,пәндерін зер салып оқып үйрендік.

Жанел:Анашымдай сыр шерткен,

Ақыл- білім үйреткен.

Ана тілін оқыдық ,

Ерекше зор құрметпен.

Ана тілін сүйеміз,

Құрметпен бас иеміз.

Ана тілмен қоштасамыз,

Әдебиетпен достасамыз.

Раузана: Ойланып есеп шығартып,

Төрт таңбаны білдірген.

Ғылымдардың патшасы,

Математика данасы

Дариға: Қазақ тілі пәнінен,

Білім алды балалар.

Сөйлемді, сөз таптарын,

Етістіктің шақтарын,

Жалғаулар мен жұрнақтар.

Ережесін жаттадым.

5-шіге барған соң,

Айжан апай бағалар.

Дамир: Ой жіберсең бәріне ,

Дүниетану пәніне.

Өмір сырын үйретер,

Пәннің жақсы бірі де.

Жер байлығы көп екен,

Игеруді қалайды.

Осының бәрін білдірген ,

Дүниетану сабағы.

Ақбота:Үйренеміз жалықпай,

Ағылшын тілін шарықтай.

Тіл сындырып,ән айтып,

Шаттанамыз қалықтай,

Маржан апай тәлімі

Сәулелісін шашқан жарықтай.

Ақылбек: Айдана , менің саған қояр сауалым бар .

Айдана: Құлағым сенде.

Ақылбек:Қалай ойлайсың, армансыз адам бола ма? Арманның үлкен кішісі бола ма?

Айдана: Ақылбек , әрине армансыз адам болмайды. Арман - алға жетелейтін жарық жұлдыз емес пе? Адам еңбектеніп ,қиындыққа мойымай, қажырлық танытса, ол өз мұратына ,арманына міндетті түрде жетеді деп сенемін. Ал, арманның қаншалықты үлкен -кішілігін Мұхтар Шақанов ағамыздың «Арман» атты өлеңінен таба аларсың деп ойлаймын. « Арман »

Азат: Біздің жамандығымызды жасырып, жақсылығымызды асырып жүрген біздің ата- анамыз. Қатарымыздың теңі болып , тамағымыз тоқ, көйлегіміздің көк болып жүруі де сол кісілердің арқасы.

Аружан:Ыстық- ау кім- кімге де әке деген,

Суыққа шалындырмай, мәпелеген.

Өмірдің соқпағымен өрге тартып,

Алдымен адам бол деп жетелеген- дегендей әкенің орны бөлек ау.

Ақылбек:Әр ана өз баласын мейірімді болса екен, жақсы оқып,елге қалаулы азамат болса екен дейді. Халқымызда мынадай бір нақыл сөз бар: «Анаңды Меккеге үш рет арқалап барсаң да борышыңды өтей алмайсың» деген .Алайда ардақты анамыздың ақ сүтін ақтай білгенге не жетсін!

Айдана: Иә, дұрыс айтасың Ақылбек. Біз болашақта саналы да, ақылды бала болып өссек ананың арманы орындалды деген осы емес пе?

Ержан:Әкешім тілеуімді тілеп жүрген,

Аумайсың жарығы мол ашық күннен.

Шаршайсың жұмыс істеп біздер үшін.

Ақылды балаларың оны білген

Бақнұр:Дүниеге әкелген ,ол да сенің анашың,

Ақ сүт беріп өсірген , ол да сенің анашың.

Тіл алмасаң кешірген , ол да сенің анашың,

Мәпелеген баласын,аман болсын анашым!

Бақберген:Кеудемнен сезім селі ақтарылсын,

Болармын күні ертең- ақ мақтанышың.

Білім алып, тер төгем , еңбек етем,

Өзіңнің сеніміңді ақтау үшін!

Аружан : Олай болса, аналарымыздың құрметіне арнап вокалды топтың орындауында « Аналар » әнін қабыл алыңыздар.

Азат: Әр ұлт бір-бірімен туған ана тілінде сөйлеседі.Ал, қазақ халқының ана тілі -қазақ тілі. Қазақ тілі - әрі мемлекеттік тіл, әрі ана тіліміз болғандықтан оны бойымызға ана сүтімен дарыған туған тіліміз деп қастерлеп, құрметтейміз.

Аружан: Елбасымыздың ұстанып отырған салихалы саясаты-үш тұғырлы тіл. Әр білімді азамат осы үш тілді жетік меңгеруі тиіс. Ал, біздің балалар 4 жылда неше тілді меңгерген екен?

Айдана: Аружан , бұл сұрақтың жауабын алдағы көріністен таба аласың деп ойлаймын.

Көрініс. «Астанадағы оқиға»

Азат : Біздің балалар орыс тілін қазақ тілінен кем білмейді.Аружан , Ақылбек, Ақбота сіздерге өздерінің жүрек жарды тілектерін орыс тілінде жеткізбекші.

Айдана: Биылғы жылы еліміздің тәуелсіз мемлекет ретінде тұғырын тіктегеніне 20 жыл толады. Бұл - тәуелсіз еліміздің төл тарихындағы осы күнге дейінгі ең атаулы оқиға.

Ата-бабаларымыздың аманаты - азаттығымызға қол жеткізіп, егеменді ел болғанымызға, етек-жеңімізді жинап, әлемнің азулы елдерімен терезесі тең мемлекет құрғанымызға мақтанамыз! Осы мерейлі тойға тарту ретінде «Егеменді елім» әнін қабыл алыңыздар!

Ән: «Егеменді елім»

Ақылбек: Сыныбымыздың бұлбұл әншісі Әбди Дамирдің орындауында « » әнін қабыл алыңыздар!

Ақылбек:Бүгінгі мерекеде білім нәрімен сусындатқан ұстаздарымызға шын жүректен алғысымызды айтамыз.

Айдана: Біздермен ойнап, күлетін,

Сырымызды білетін

Қасымызда қашанда

Ән салып бірге жүретін

Хор: Бақыт апайға мың алғыс!

Азат : Дәріптеп орыс тілін үйрететін,

Аударып қазақшасын сөйлесетін

Гүлсім апай, Зияда апай тіл маманы,

Қатені түсіндіріп ,жөндететін.

Хор: Сіздерге көп рахмет!

Аружан: Шынықсын деп бұл денем,

Жаттығамын күнде мен.

Жалықпастан сабақтан

Мен ағайдан соны ұққам.

Хор: Жанмұрат ағайға мың алғыс!

Ақылбек:Бастауыш оқу ісін меңгерген.

Балғындарды алаламай тең көрген.

Роза апай бейнелеу өнерінен,

Береді қызықтырып, тереңінен.

Хор: Роза апайға мың алғыс!

Айдана: Алғашқы ұстаз, ерекше тұлға дара шың,

Ұмытылмастай көңілде мәңгі қалатын.

Сағына әркез суреттерді парақтап.

Шәкірттерін жиі еске алатын.

Жарқынай апайға мың алғыс!

Азат : Айтқан кеңес ақылын,

Қалт жібермей ұғамыз.

Анамыздай жақыным

Салтанат апайға мың алғыс!

Хор: Ұсынғаны адалдық.

Үйреткені адамдық.

Бар ұстазға тілейміз,

Бақыт, табыс, амандық!

Азат: Барша ұстаздар қауымына арнап бір топ бишілердің

«Тиктоник » биін қабыл алыңыздар!

Аружан: Алдарыңызда «Біздің жігіттер» КВН командасы өз өнерін көрсетеді. Қабыл алыңыздар!

Айдана: Бүгінгі тойымызға көрші Ресей елінен бір топ бишілер өздерінің шашуларын алып келіпті. Ортада орыс биі «Смуглянка»

Ақылбек: Өтті сенде қызық шағым,

Бастауышым - бал бұлағым.

Қоштасар күн жетті міне,

Қимастықпен қол бұлғаймын - дей келе сөз кезегін директордың бастауыш ісі жөніндегі орынбасары Роза Кенішпай

кызына береміз.

Айдана: Жер бетінің ғұмыры

Күн нұрымен арайлы

Біздің үйдің жылуы

Анамыздан тарайды.-деп аналарымызға сөз кезегін береміз.

Азат: Сөз кезегін алғашқы ұстазымыз Жарқынай апайға

берейік.

Ақылбек: Бітіруші түлектерге өзінің жүрек жарды тілектерін

білдіру үшін ұстазымыз Салтанат апай сөз кезегін

берейік.

Айдана:Ұмытпаймын жаныма

Білім нәрін еккенін.

Қош қымбатты ұстазым,

Қош бастауыш мектебім.

Аружан:Кітап оқып, хат танып, есепті де шығардым.

Өлең айтып шаттанып, би де билеп бұралдым.

Соның бәрін үйреткен, бабын тауып баланың

Төрт жылымды сенде өткен, қимай кетіп барамын.-дей келе «Бастауышым - балбұлағым» атты ертеңгілігімізді аяқтаймыз. Көріп тамашалағандарыңызға көп-көп рахмет.

Хор: Қош бол, бастауыш!

Қош бол, бастауыш!