План дуниетану (4- сынып)

Сабақтың тақырыбы: Суды қорғау

Сабақтың мақсаты: Білімділік: оқушылардың су туралы алған білімдерінкеңейту.Судың маңызын ұғындыру, тарау бойынша алған білімдерін пысықтау.

Тәрбиелік: табиғатты қорғауға үйрету. Су тіршілік көзі екендігін білгізу. Экологиялық тәрбие беру.

Дамытушылық: оқушылардың дүниетанымын кеңейту. Есте сақтау, шығармашылық қабілетін дамыту.

Сабақтың түрі: саяхат сабақ

Сабақ әдістері: әңгімелеу, СТО элементтері, көрнекілік, бағалау.

Сабақтың көрнекілігі: табиғаттағы су айналымы, су тіршілік көзі, ҚР өзендері мен көлдер картасы, дидактикалық материалдар.

Пән аралық байланыс: ана тілі, математика, сурет, еңбек, халықтық педагогика, музыка.

Сабақтыі жүрісі:

І Ұйымдастыру:

а) Амандасу. Дүниетану сабағын хабарлау.

ә) Сыныпты үш топқа бөлу.

б) Ой қозғау. Сипаттау мәтіні.

-Ол ғажайып зат. Олсыз тіршілік иелері өмір сүре алмайды. Табиғатта ең көп тараған. Мөлдір, түссіз иіссіз зат. Оны табиғатта үш түрлі күйде кездестіреміз. Ол не?

-Су

-Оның түрлерін атаңдар.

-Су

-Бу

-Мұз

-Олай болса, бүгін біздің сыныбымызда І-топ су,ІІ-топ бу, ІІІ-топ мұз. Өткен су тарауын пысықтау үшін саяхатқа шығады.

-Қайда саяхатқа шығатынымызды білу үшінстол үстіндегі «Сөз жұмбақтарды» шешулерің керек.

-І-топ су-Каспий теңізіне

-ІІ-топ бу-Балхаш көліне

-ІІІ-топ мұз-Арал теңізіне

ІІ Үй тапсырмасын сұрау

а) Қоржын ойыны

1-ден 9-ға дейінгі бір таңбалы сандар қоржынға салынып, оқушылар (әр топ3 сұрақтан) таңдауы бойынша жүзеге асады.

Қоржыннан алған сан бойынша текше артындағы сұраққа жауап беруге тиіс. (көрнекілік және картадан пайдалану)

1 Өзен деген не?

2 Қазақстандағы қандай өзендерді білесің?

3 Каспий теңізіне қандай өзен құяды?

4 Көл деген не?

5 Қандай көлдерді білесің?

6 Астана қай өзеннің бойында орналасқан?

7 Арал теңізіне қай өзендер құяды?

8 Балхаш көліне қандай өзендер құяды?

9 Көл мен өзеннің айырмашылығы?

ә) Мәтінмен жұмыс

1.Каспий теңізі туралы айтылған тұсты оқу

2. Балхаш көлі

3. Арал теңізі

ІІІ Бағалау, бекіту

а)Тірек сызба

ә) Картамен жұмыс

№1 а) жұмбақты шеш

Қылыш пен шауып

Турай алмадым.

Бір шайқап қалып

Жинай алмадым.

ә)Тиым сөздер

№2 а) Жаңылтпаш

Суда сең келеді

Сегіз серке тең келеді.

ә)Үш көз

№3 Мақал-мәтел мәнін айт

а)Судыңда сұрауы бар

ә)жеті жұт

б)жеке оқушыларды бағалау

ІҮ. Ой шақыру. Мұғалім

Мақал: Жағадағы ел-су ішеді,

Аяқтағы ел-у ішеді.

(қалай түсіндіресіз)

Суды қорғау

а) оқулықпен жұмыс

ә) іштей оқу 3 минут

б) сурет бойынша жұмыс

(көзді жұмып, адам әрекетінен судың ластануын елестету)

І Су тобы: табиғаттағы судың ластануы

ІІ Бу тобы: суға зиянды қалдықтардың түсуі (сурет салу)

ІІІ Мұз тобы: Арал қасіреті

в) салған суреттері бойынша ауызша әңгімелеу

1. Каспий теңізіне байланысты

2. Балхаш көліне байланысты

3. Арал теңізіне байланысты

Мұғалімнің түсіндірмесі: адам ағзасында 5литр сұйықтық бар. Егер адам ауырса, онда оның көзінен, мұрнынан сұйықтық көп шығады, терлейді. (практикалық жұмыс)

Ү.Қорытынды

а)Шығармашылық жұмыс

Өмір, ластамау,тіршілік, керек, сүру, су, емес,суды, көзі, сусыз, қорғау, мүмкін, міндетіміз.

Берілген сөздерден 4 сөйлем құрау. Дауыстап оқу.

1) Су- тіршілік көзі.

2) Сусыз өмір сүру мүмкін емес.

3) Суды ластамау керек.

4) Суды қорғау міндетіміз.

ә)Көрнекілік әдіс

1) Мұғалімнің қорытынды пікірі

2) Ән: Арал құшағында туылдым

Сенің мөлдір суларыңа шомылдым

Қайдасың сен бір көрінші Аралым

Сені іздеп қай жерлерден табамын

3) топ топтардың жинаған баллы есептеледі

ҮІ Үйге тапсырма беру:

а) Суды қорғау. Мәтінді оқып, түсінгін айту.

ә) Су тіршілік көзі. Эссе жазу.