Открытый урок на тему 'Кітап ескірмейді' (2 сынып)

Сабақтың тақырыбы: Кітап

Сабақтың мақсаты:

1. Білімділік:Оқушыларға білімнің кітап арқылы берілетінін ұғындыру, ғылым мен білімнің пайдасы жайлй түсіндіру,мәнерлеп оқу мен сауатты жазуға үйрету.

2. Дамытушылық: Кітаптың шығу тарихынан мағлұмат бере отырып, оның тарихы жайлы ой-өрісін дамыту.

3. Тәрбиелік: Кітапты күтіп ұстауға, қолда бар алтынды қадірлей білуге, маңдай тер еңбекті бағалай білуге тәрбиелеу.

Сабақтың көрнекілігі: суреттер, портреттер.мақал-мәтелдер т.б.

Стратегия: топтастыру, ой қозғау жолды өлең.

Сабақтың барысы:

І. Сабақты ұйымдастыру кезеңі.

а) сәлемдесу

ә) оқушыларды түгендеу

б) топқа бөлу.

Психологиялық дайындық.

Білім деген алма ағашы

Жемісін біздер теретін.

Тәтті алмаға балашы

Сабағыңның әр сәтін.

І - топ ІІ - топ ІІІ - топ ІҮ - топ

Ақыл білім ғылым талап

ІІ. Қызығушылығын ояту.

а) Үйге тапсырманы сұрау.

«Тиін» әңгіменің мазмұнын айту.

ә) Сұрақ- жауап алу.

1- топ Тиін қандай аң?

Тиін - әрі епті, әрі жеңіл қимылдайтын, әрі жақсы өрмелейтін және талдан-талға оңай секіретін омыртқалы жануар.

2 -топ . Олар қыста қалай тіршілік етеді?

Қақаған суық түндерде бес-алтыдан бірігіп,бір ұяда жатады да шөп-шаламмен ұяның аузын бекітіп тастайды.Сөйтіп аязды түндерін қамсыз өткізеді.Олар орманды ағаштарда мекендейді Орташа өмірі 10 жылға дейін.

3 - топ. Тиіннің түсі қандай?

Тиіннің түсінің үстіңгі бөлігі ақшыл сұр не жирен, қоңыр ал астыңғы бөлігі толығымен ақ болып, үлпілдек, қалың жүнді, құйрығы ұзын болып келеді.

4. - топ. Тиін немен қоректенеді?

Тиін емен жаңғағы, саңырауқұлақ. Жаңа ағаш қабықтары, жәндік, ұлулар болып табылады

ІІІ. Жаңа сабақ.

Сабақ оқушыларға өткен тақырып бойынша білімдерін еске түсіруден басталады.

Ол үшін бірнеше сұрақтар қойылып , жауап алынады.

1. Білімді біз қайдан аламыз?

2. Білім дегеніміз не?

3. Білім өлеңін жатқа айту.

4. Білім туралы мақал-мәтел айту.

Білімді біз кітаптан, ұстаздан, мектептен аламыз.

ІҮ. « Ой шақыру.»

ғылым

оқулық ақылдың кені

Кітап

білімнің бұлағы қазына

байлық

Ендеше бүгінгі сабағымыздың тақырыбы «Кітап ескірмейді»

Кітаптың шығу тарихы , жасалу жолдары жайлы әңгіме өткізіледі.

Адамзат баласының қол жеткізген ұлы игіліктерінің бірі - білім қазынасы. Ол ұрпақтан - ұрпаққа ауызша , жазбаша түрде немесе әдебиет арқылы да жеткен. Кітап адам баласының сан ғасырлық ақыл-ойының жемісі, тарихы мен тағлымының алтын сандығы. «Кітап дегеніміз - алдынғы ұрпақтың артқы ұрпаққа қалдырған рухани өсиеті. Кітап оқулан тыйылсақ, ой ойлаудан да тыйылар едік», - деген еді Ғабит Мүсірепов. Кітап таңдап, талғап оқи білу, оны түсіну мен түйсіну, алған әсерді өмір қажетіне жарата білу - әрбір адамның білігі мен білімін, пайымы мен парасатын айқындайтын алғы шарттардың бірі.

«Кітап маған тақтан да қымбат»,- деп көрсеткен Шекспир. Бұл сөзден түйер ойымыз , адамға жан азығы, рухани байлығы бола білген - кітап . Сол себепті оның орны тақтан да жоғары. «Наданмен қас болғанша , кітаппен дос бол»,- дейді Баус.

Кітап - сенің асып таспайтын асыл досың. Себебі кітаппен дос болған адамның ой-өрісі кең, сөз мәдениеті жоғары , саналы , жан-жақты болып тәрбиеленері сөзсіз.Білімнің көзін ашып ,ең алғаш ғылым саласын танытқан , оқытып үйреткен - кітап:

Әр ұлттың , елдің келешегі мен болашағын баян еткен , тарихы мен өткенін жыр еткен де -кітап болатын. Сондықтан да, «кітап әлемдегі құпиялы ұлы ғажайыптардың бірі», - дейді М.Горкий.

Достар, «Артық білім кітапта, ерінбей оқып көруге» - деп ұлы ақынымыэ Абай жырлағандай ерінбей білім алуға асығайық. Бар білімнің патшасын тек кітаптан ғана таба алатынымызды ұмытпайық.

Ү. Мағынаны тану.

1. Мәтінді мәнерлеп оқу

2. Әр топтың өздерінің оқуы.

3. Әңгіменің мазмұнын ашуға байланысты тапсырмалар.

І - топ. Мәтінді рөлге бөліп оқу.

ІІ - топ. Мәтіннің мазмұнын бір-бір сөйлеммен әңгімелеу.

ІІІ - топ. Мәтінді рөлдеп ойнау

ІҮ - топ. Кітап неліктен ескірмейді, өз сөздерімен айту.

Сергіту сәті. Жаттығу жасау.

«Кубизм әдісі.»

І-топ. Кітапты суреттеу.

Кітаптың көлемі төртбұрыш, қалың әрі жұқа болады,түстері

әртүрлі.

ІІ-топ. Талдау

. Қағаздан жасалған суреттер сызылған, баспаханада жазула

ры жазылады, сыртын қатты кардонмен қаптап,түптеген,

көп адамның еңбегі қажет.

ІІІ-топ. Таңдау.

Білім, ақыл,тәрбие алуға жетелейді.

ІҮ -топ. Қорыту.

Кітаптан қызықты әңгімелер, мақал-мәтелдерді оқып

үйренеміз.

«Сергіту сәті.» Дәптерімізді ашайық

Қолға қалам алайық

Салақтықтан қашайық

Әдемі етіп жазайық.

ҮІ. Дәптермен жұмыс. 49 - жаттығу.

Дәріхана, мұғалім, таңертең, түйеқұс, қадірлі.

ҮІІ. Ой толғаныс:

1. топ. Кітап неліктен ескірмейді? Өз ойларын айту.

2 - топ. Кітап туралы мақал мәтелдер айту.

3 - топ. Кітап туралы жұмбақтар айту.

4 - топ. 5 жолды өлең құрастыру.

Кітап

қызықты, әдемі

қызықтырады, қаруландырады, білдіреді

кітап ақылдың кені

оқулық

ҮІІІ. Қорытынды бөлім.

1. Оқушыларды бағалау.

ІХ Үйге тапсырма беру.

1. Кітап ескірмейді.Оқу. 50-жаттығу.

2. Қожанасырға хат жазып келу.