- Учителю
- 'Бамб цецгин частр' - утренник (3 класс)
'Бамб цецгин частр' - утренник (3 класс)
«Бамб цецгин частр»
Дѳңцлмүд: күүкд цаасар бамб цецгәс кеҗ белднә, «Бамб цецгәс теегт» - гид гик плакат,
күүкдин зурсн зургуд.
Кичәлин йовуд:
Багш: Тег мини теегм
Теңеән уга эңкр
Асрад ѳсксн чамаhан
Альд би мартхв
Хама холд йовв чигн
Хавртнь теегән саннав.
Иигҗ Калян Санҗ бичҗ. Хаврин сәәхн хальмг теегиг бууляд, магтад келҗ. Хальмг тег седкл байрлулна, энд ноhан кѳкрнә, сәәхн цецгәс урhна.
Күүндвр: - Ямаран сәәхн цецгәс теегт урhна?
- Цецгәс ямаран ѳңгтә?
- Эн цецгәсиг яhҗ хархмб?
Кезәнә хальмг теегт хаврин эклцәр бамб цецгәс дала болдмн, эн йовдл седкл байрлдулдг билә. Ода болхла цѳѳкн. Цуг әмтн энүг икәр таслад авад бәәҗ, теднә ормд кесгтән цецгәс hархш. Бамб цецг хавртнь шинәс экләд урhна, болв цецгәрлхин тѳлә 5-8 җил кергтә. Тегәд эн цецгә «Улан дегтрт» орла. Мана теегт бәәдг оон бас эн дегтрт орҗ эднә тонь баhрҗана. Эн аңгиг бас хархмн.
Шүлг: Бамб цецг теегтм урhна
Бичкн оон теегтм ѳснә
Би цугтаднь теднд дуртав
Менд йовхлань байрта бәәнәв
Сарул теегм, сәәхн үүрмүд,
Өлсл уга ѳстн, урhтн.
Мана Шаттд бас бамб цецг баhрв гиҗ келҗ болхмн. Хаалhар Кѳтчнр тал йовхларн тадн үздг болхмнт. Энд хаврин салькн биилсн болҗ медгднә. Мана күүкд би белдҗ. (Бамб цецгин би).
- Хальмг теегт олн зүсн бамб цецгәс урhна. (шар, улан, цаhан, оошг)
Шүлг: Хаврин түрүн сарднь
Хаhлад hазрас hарна
Нар тосч делнә
Бамб цецг - күрң, улан,
Бамб цецг - шар дам,
Бамб цецг - торhн хар.
Бамб цецгиг «теегин ке», «теегин зе», гиҗ келнә. Т.Санджиевна дуундан бичҗ.
« Хоңх цецг»
Өрүhәр теегт одд буна
Бамб цецг бийән хүврәнә
Бамб цецг байсад урhна
Салькна дуунд саатулгдад унтна
Теегин ке, теегин зе
Бамб цецг байрин темдг.
Шүлг: Хавр ирх болhнд
Харада җивр дахҗ
Бүләкн салькн ирх
Бамб цецгүдлә альвлҗ
Теегин серлт магтҗ
Тедн наадан эклҗ
Эргмдән цуг дүрклҗ
Эңкр теегм нәәрлх.
«Харада». (дун)
Шүлг «Эрвәкә»
Эрәтә цецгдгтә Эрвәкә - 2д
Эрвлзәд намаг дуудна
Цецгүд заагт бултна - 2д
Цервәд деегәрм ниснә.
Шүлг: Апрель сар каңкнҗ
Аhар җирhләрн дүүрв.
Шовуд теңгрт җирhҗ
Шуугад багарн нисв
Нарн, нарн, нарн
Намаг сәәнәр халул
Бамб цецг, урh
Намчрулад теегим кеерүл.
«Хаврт нерәдсн дун»
-
Хаврт цецгәрәд тѳрскн теегм мануртна - 2д
Бамб цецг улаhад олн әмтиг байрулна - 2д
Күүкд - кѳвүд гүүлдәд бамб цецг хурана.
Тѳрскн теегм уняртад урhад шавшад бәәнә.
-
Тиньгр кѳк теңгрәр харада шовуд ниснә
Теегин хотхр дундаhур хурин усн гүүнә
Хѳн мал гидгнь үвләс менд hарва
Унярта сәәхн теегм улм икәр байрулна.
-
Домбрин җивhсн җиңгнәд теегим түмн каңкнна
Дулан салькн үләhәд дууhин айс тарана
Дәнә даҗг гидгинә дәкч бичә үзгдтә
Даңгин хальмг теегт кишг җирhл бәәтхә.
Шүлг: Бембин Тимофей. «Хальмг теегим».
Өргән нисхд - җивртә
Дѳрәд шунхд - әвртә
Сергәд биилхд - тааста.
Өргн утдан суңhсн
Өнр хальмг теегм
Эврә үрдән ѳсксн
Эңкр, хальмг теегм.
(Күүкд «Элстин вальс» биилнә. )
«Бамб цецгин частр» нәр - наадна тѳр күцгдв. Бамб цецгәhән харх кергтә, таслхм биш. Т.Санджиевна эврәннь дуундан «Тасрха цецгә» - ийр гейүртәhәр бичҗ.
«Тасрха цецгә»
Тасрсн цецгә чамд келшго
Әмд бәәхә hазрт hарлав
Тасрсн цецгә чамд уульшго
Бичә,бичә намаг кѳндә
Тасрсн цецгә дәкҗ чичршго
Хол әңг тал чамас нисшго,
Тасрсн цецгә дәкҗ ѳсшго
Цевр аhарин ки авшго.
Тасрсн цецгә дәкҗ цецгәлшго
Хаврин хурин ус уушго
Тасрсн цецгә дәкҗ кѳндршго
Шар нарна герл үзшго.
(Хавр ирснднь байрлад күүкд би биилцхәнә «Чичрдг», кѳгшд йѳрәл тәвнә, күүкд би биилнә, ду дуулна).
Йѳрәл.
Бамб цецг тег бүркә,
Бальчур күүкд гер дүүргәд
Өрк - бүлнь ни - негтә
Әдл җhл батрх болтха
Тәрә - темсн шавшн урhг,
У тег дүрклтхә.
Эрүл менд , дән - даҗг уга
Олн әмтн