Үздік презентация Отан қорғаушылар күні!

«7 мамыр - Отан қорғаушылар күніне» және «9 мамыр Жеңіс кұніне» арналған тәрбие сағаты.

Кабинет мерекеге сай әдемі,әсем безендірілген. Көңілді әуенмен қолдарына әдемі гүл шоқтарын,әсем шарларын ұстаған балалар көтеріңкі көңіл-күйде отырады.

Жүргізуші:

Құрметті асқар таудай әкелер, арқа сүйер аталар және де біздің ұландар!

Сіздерді келе жатқан Ұлы жеңістің 70 жылдық мерей тойымен және Отан қорғаушылар күнімен шын жүректен құттықтаймыз. Баршаңызға мықты денсаулық, ұзақ өмір, отбасытарыңызға бақыт, бірлік, береке тілейміз.

Сая:

Жеңіс күні, Жеңіс жыры

Асқақтата шырқалсын.

Ардагерлер қалауы

Мәңгі өшпесін алауы.

Желбіресін жеңімпаздар жалауы.

Мадина:

Жеңіс келді далама,

Жеңіс келді қалама.

Жеңіс келді әке боп,

Елдегі көп балаға.

Дильназ:Жеңіс келді ән болып,

Келді ауылға сән болып.

Жеңіс келді алақай!

Тоя жейтін нан болып.

Дина:

Әлияны бұл күнде,

Барлық бала біледі.

Әлия-аты көңілде,

Әкпеміз деп жүреді.

Аружан:

Даламыздың даңқысыз,

Балауса гүл,балғын қыз.

Жанын қиып,халқы үшін,

Жанып түскен ақ жұлдыз.

Диляра:

Мәншүк апай батырқыз,

Ардақтаймыз атын біз.

Ұқсап Мәншүк апайға,

Өсіп келе жатырмыз.

Айша:

Қазақстан - елім,

Ұлан - байтақ жерім.

Тәрбиелеп өсірер

Өр тұлғалы ерін.



Жүргізуші: Жеңіс күні адамзат аңсап күткен қастерлі күн. Бұл Жеңіс оңайлықпен келген жоқ.Қазақтың қос жұлдызы Әлия мен Мәншүк есімін, аты аңызға айналған батыр Бауыржан Момышұлын,осы соғыста ерлік көрсеткен ата-апаларымыздың, әкелеріміздің есімін қашанда мақтанышпен айтамыз. Олардың ерліктері ешқашанда ұмтылмайды. Ендеше осы батырларымыздың құрметіне ән орындаймыз.

Ән:«Жеңіс күнін тойлаймыз».

І-шумақ:

От жалыннан жаралған,

Отан - біздің анамыз.

Жауды жеңіп оралған,

Ортамызда - ағамыз.

Қайырмасы:

Ерлігіне бар адам

Таңдана қағар тамсана

Омырауға қадаған

Ордендері қаншама!!!

ІІ-шумақ:

Айтқан сайын жақсы аға,

Әңгімеге тоймаймыз.

Біздер бүгін бақшада,

Жеңіс күнін тойлаймыз!

Жүргізуші: Ертеңгі күнде әскери борыштарыңды өтеп келіп, бүгінде Отанымызды қорғайтын азамат болып қаласыңдар. Мейрамдарың құтты болсын Отан қорғаушылар!

Ұлдарды ортаға шақырамыз. (осы кезде сап түзеген ұлдар шығып тақпақтарын айтады)

Алан:

Арыстан батыр - атымыз,

Қыран құс құмай - затымыз.

Жауынгер жалын жасақтың,

Арқалы азаматымыз.

Тимур:

Асу бермес шын,құздармыз,

Жауларға қаһар,ызғармыз.

Қатер кеп төнсе халқыма,

Қалқаны болар біз бармыз.

Бекзат:

Отаным,кең далам орманды,

Болаттан соғылған қорғаны.

Бақыттың,шаттықтың мекені

Қолдаймын,қорғаймын ордамды.

Мансұр:

Нұр шашады алтын күн

Отанымда мереке!

Қона берсін еліме,

Бақыт,шаттық береке!

Ескендр:

Қызмет етіп Отанға

Бола білсең нағыз ер.

Мақтан тұтар ерлерді,

Туған елің,туған жер.

Тимур Е.:

Отаным анамдай көремін.

Озасың бәрінен сенемін

Желбіреп әрқашан көк туым

Гүлденіп көркейіп өсемін.

Аділет:

Отан -біздің үйіміз

Отан біздің жырымыз,

Отан біздің бақшамыз,

Құлпыртатын гүліміз.

Мансұр А.:

Отан - көкшіл туымыз.

Отан біздің еліміз,

Отанды қорғап жүреміз

Туып өскен жеріміз.

Барлығы:Біз Отанның ұланымыз, Біз Отанның қыранымыз.

Жүргізуші: Ұлдар сендермен күш сынасып көрейін.

«Күш сынаспақ»

Викториналық сұрақтар: (балаларға арналған)

1. Біздің әскер күшті ме? (Күшті)

2. Бейбітшілікті қорғай ма? (Қорғайды)

3. Ұлдар әскерге бара ма? (Барады)

4. Қыздарды өздерімен бірге ала ма? (Жоқ)

5. Матрос деп кімді айтады? (Теңізшіні)

6. Ұшқыш шекарада тұра ма? (Жоқ)

7. Ол құстан биік ұша ма? (Иә)

8. Бүгін қандай мереке? (Жеңіс күні және Отан қорғаушылыр)

9. Қыздар мен аналар мерекесі ме? (Жоқ)

10.Бейбітшілік - өмірде ең қымбат нәрсе ме? (Иә)

Қыздардың орындауында «Домбыра» биі

Ән «Жаса Қазақстан!» Жанарыс орындайды.

Бірнеше спорттық жаттығулар жасалынады.

Жүргізуші:

Бүгін біздің сынып сағатына келіп отырған қонақтарымызға сөз берейік.

Асқақ ән көңілді тербесін,

Тұтпасын күн қара пердесін.

Бақытпен көз ашқан балалар,

Бүлікшіл соғысты көрмесін,- деп Жеңіс күні және Отан қорғаушылар күніне арналған мерекелік тәрбие сағатын аяқтаймыз.