Дүниетану сабақ жоспары 'Бақ пен жүзім шаруашылығы' (2 сынып

Пәні: Дүниетану

Сыныбы: 2 «ә»

Мерзімі: 11.04 .2011 ж

Сынып жетекшісі: Медеубаева Нұрсәуле Данабекқызы

Сабақтың тақырыбы: Бақ пен жүзім шаруашылығы

Сабақтың мақсаты:

А) Бақ пен жүзім шаруашылығы туралы түсінік беру.Олардың адамға пайдасы жайындағы білімдерін кеңейту.

Ә) Сөздік қорларын молайту.Суретпен жұмыс жасай отырып, ой-өрісін, дүниетанымын кеңейту.

Б) Табиғаттың сұлулығын көре білу, эмоциялық әсер ала білуге тәрбиелеу.Экологиялық тәрбие беру.

Сабақтың типі: Аралас сабақ.

Сабақтың түрі: Жаңа білім беру.

Сабақтың көрнекілігі: Мультимедиялық тақта , плакат, суреттер, қима қағаздар.

Сабақтың әдіс-тәсілдері: ойын, сұрақ-жауап,талдау,проблемалық,ой толғау.

Болжамдалған нәтиже :Жүзім шаруашылығы туралы мағлұмат алған тұлға

Сабақтың барысы:

І. Ұйымдастыру кезеңі:

• Сәлемдесу.

• Оқу құралдарын түгелдеу.

• Оқушылардың көңілдерін сабаққа аудару.

• Бүгін бізге сыныпқа қонақтар келгенін ескеру

Психологиялық дайындық:

Бүгінгі біздің дүниетану сабағымыз қандай болсын деп ойлайсыңдар? (көңілді өтсін, жақсы бағалар алайық, сәтті болсын, әдепті болайық)

Олай болса келісім шартқа отырайық. Сабағымыз сәтті өтсін десеңдер біз бір-бірімізді сыйлауымыз керек. Бір-бірлерімізді тыңдап отыруымыз керек. Тыныштық сақтайық. Келістік пе?

-Ал енді біз осы сабақта өз білімімізді көрсетеміз. Одан қалса ойнаймыз. Сондықтан бүгін біздің сабағымыз өте қызықты болады.

Үй тапсырмасын тексеру.

«Ақ алтынды аймақта» тақырыбының түсінігін айту, мақтаның суретін салу.

Қызығушылығын ояту.

Геометриялық фигураларды таңдай отырып үш топқа бөлінеді.

Балалар мына сандарды өсу ретімен қойсақ бір сөзтіркесі шығады.

19а

14і

15м

29ы

Жүзім шаруашылығы.

Оңтүстік Қазақстанда бақ пен жүзім шаруашылығымен айналысады.Бақта алма, алмұрт, алхоры, шие т.б жеміс ағаштары өседі.Балалар өсімдік топтарын атап кетейікші.

Өсімдік топтары: шөп, бұта, ағаш.

• Бұта мен ағаштың айырмашылығы бар ма? Балалардың жауабы.

Бақта жұмыс жасайтын адамды бағбан дейміз.Оның еңбегі орасан зор.

Бағбандар немен айналысады?

• Шіріген бұтаны кеседі

• Топырақты қопсытады.

• Діңін әктейді

• Тыңайтқыш себеді

• Дәрі шашады.

Күзде бунақденелелер қабық астына кіріп , ұялайды. Қыста қояндар ағаштың қабығын кеміріп тастайды. Мұны болдырмас үшін осындай шаралы

Үш топқа үш ағаш беріледі. Әр топ ағашты қалай қорғайтынын жылдам топтастырып жазады.

• Балалар енді не жетпей тұр?

• Жарық пен су жетпей тұр.

• Дұрыс айтасыңдар, Сусыз -тіршілік жоқ.

Сергіту сәті :

Тербеледі ағаштар

Алдымнан жел еседі.

Кіп-кішкентай ағаштар

Үп-үлкен боп өседі.

Кітаппен жұмыс.

1. Ішінара оқыту.

Ой толғау. Баяу әуен үнін шығарып қоямын.

1 топ. «Өсімдіктерге қажетті жағдайлар» тақырыбына эссе жазады.

2 топ. Түйіндеме. «Жүзім». Энциоклопедиядан қосымша мәлімет тауып жазады.

3 топ. Жұппен жұмыс. Жүзімнің суретін салу.

Жүзім тұқымдасына жататын өсімдік. Жүзімнің 70-ке жуық түрі бар.Жүзімді кептіріп мейіз жасайды.Ашытып шарап жасайды.Тараз қаласында Шайқорық деген жерде жүзім шаруашылығымен айналысады.

Жүзімнің пайдасы

Жүзім. Оның жас тамырын (30 г) 2 литр суға салып қайнатып, шашты жуса, қайызғақты кетіреді, құйқа терісі тазарады, шаш жақсы өседі.

Көктемде сабағын кесіп, шырынын бетке жағып, ондағы қара дақтар мен секпілді кетіреді. Шырынын мол етіп жинап, күніне 3 рет ішсе (бір шай қасықпен), бауырды жазады, оның күіп, сыздағанын басады.

Ұзынша келген ақ жүзім бауыр, көк бауырды жазып, қан қысымын төмендетеді.

Буынына суық тигенде қара жүзімді жиі жеген жөн. Жүзім қатерлі ісіктен қорғау қасиетіне ие. Онымен қан азаю сырқатын да емдейді. Қара жүзім шырыны қан бөгелуін болдырмауға шипалы.

Жүрек шаншып ауырғанда сары мейізді ет тартқыштан өткізіп, балға араластырып, күніне 3 рет шай қасықтан жейді. Жүзімнің шырынына алма сірке суын қосып ішу еркектің ұрық безінің жұмысын жақсартады. Жарты литр шырынға бір ас қасық сірке суы қосылады. Түстен кейін қос уыс жүзім жеу немесе жүзімнің бір кесе таза сығынды шырынын ішу денеге де, ми жасушаларына да жақсы әсер етеді.

Тест:

1. Жеміс түрлері:

А) шырынды ә) жаңғақ б)бақбақ

2. Өсімдік топтары.

А) 2 ә)3 б)4

3. Жүзімнің пайдасын жаз.

.................................................

4. Жүзім ағаш па, бұта ма?

А) бұта ә) шөп б) ағаш

5. Кептірілген жүзім қалай аталады?

А) құрма ә) мейіз б) шарап

Үйге тапсырма : Бақ пен жүзі шаруашылығы тақырыбының түсінігін айту. Жүзімнің суретін салу.

Бағалау: Оқушыларды 5- қызыл жүзіммен, 4- жасыл жүзіммен,3 -көк жүзіммен бағалаймын.