Методический проект 'Использование компьютерных технологий в изучении калмыцкого языка' (4 класс)

Муниципальн шаңһа олна сурһулин бүрдәц

"Бембин Тимофейин нертә Җалһа дундын олн сурһулин школ"

Муниципальн багшнрин

проектин фестиваль - марһан

"Проектин калейдоскоп"

Проект

"Хальмг кел даслһнд

компьютер олзлҗ көдлһн"

Проект тогтасн:

Нарна С. И., эклц келн - улсин классин сурһмҗлач, стаж- 27 җил

Увшан В. В., эклц келн - улсин классин багш, стаж- 32 җил

Эрднь-Һәрән Л. С., эклц келн - улсин классин багш, стаж-11җил

30.01.2015 җил

Реценз бичсн:

Лиҗ-Һәрән И. В., муниципальн шаңһа олна сурһулин бүрдәц "Бембин Тимофейин нертә Җалһа дундын олн сурһулин школын" һардач.

Проект "Хальмг кел даслһнд компьютер олзлҗ көдлһн" муниципальн шаңһа олна сурһулин бүрдәц "Бембин Тимофейин нертә Җалһа дундын олн сурһулин школын" болн багшнрин сайтд барлгдсмн.

АННОТАЦ

Муниципальн шаңһа олна сурһулин бүрдәц "Бембин Тимофейин нертә Җалһа дундын олн сурһулин школын" багшнр тогтасн проект эклц келн-улсин классин багшнрт болн сурһульчнр хальмг кел даслһнд тусан күргхнь лавта. Өдгә цагин сурһульчнр компьютерар дамҗад медрлән өөдлүлх.

НҮР ҮГ

Цуг Әрәсән школмуд 2011 җиләс авн ФГОСар эклҗ көдлсн учрар, эклц классмуд компьютерар тетклдв. Эсв, орс келн, эргндк бәәдлин даслһна кичәлмүдтән багшнр компьютер олзлад сурһульчнрт номинь дасхна. Хальмг кел даслһнд бас эв-арһс кергтә болна. Тер учрар көдлмштән компьютер олзлҗ кичәлән давултха гиһәд багшнрт дөңцл белдвидн.

Күцл:

- шин соньн кевәр күүкдлә көдлһә эв-арһ хәәлһн,

-этнокультурн эрдм - сурһулин авъясар дамшллта багшнр көдлҗ йовхиг дөңнһн, хадһлһн болн теднә дамшлтыг делгрүллһн.

Кех керг:

• багшнр көдлмштән сурһуль-эрдм даслһнд инновационн эв-арһс олзлҗ шунҗ көдлх;

• һардлһна багшнр ни-негн болҗ көдлҗ, дамшлтарн хувалцх.

Мана тогтасн эв-арһ школ болһнд олзлҗ болхмн. Энүнә төлә программиг компьютер болһнд тәвҗ көдлх кергтә.

ҺОЛ ӘҢГ

Өдгә цагин кичәл ямаран болх зөвтә?

Багш болһн эврәннь кичәлдән бибчкдүдиг соньмслҗ дасхна. Сурһульчнртан шин уха заалһн информационн технологта ирлцнә.

Эклц классин багшнр хальмг келнә электронн дегтр авчкад, яһҗ көдлхән ухалв. Сурһульч болһнд дегтр болн көдлмшин девтр барлҗ һарһх керг - үүлдвр һарв. Эклц классин хургт электронн тест тогтах шиидвр һарһвидн. Цааранднь үүдәлтин баг тогтавидн. Эн багт орлцсн багшнр: Нарна С. И., Увшан В. В., Эрднь-Һәрән Л. С., эклц келн-улсин классин хальмг келнә багшнр.

Хамгин түрүләд хальмг келнә дегтрин материалла таньлдвидн. Әңг болһна төрмүдиг шинҗлвидн. Олзлҗах компьютерн программд яһҗ дегтрин даалһврмудиг орулҗ электронн тест тогтахин тускар ухалвидн. "Бәәлһнә нер" гидг төрин даалһврмудар электронн тест тогтавидн.Тестин программас "сопоставление", "одиночный выбор" гидг вариантар даалһвр тогтавидн.

Давтсн төрмүд: "Кен, юн гидг сурврмудт хәрү өгчәх үгмүд", "Зәңгд дутҗах үгмүд немҗ бичлһн".

Дөрвдгч классин сурһульчнр тестар даалһвр күцәв. Күүкд даалһвран күцәсн хөөн тоолврарн хувалцв. Электронн тест сурһульчнрт йир соньн, тааста болҗ медгдв. Цааранднь иим кевәр көдлх сана медүлв.

АШЛВР

Эклц келн-улсин классин хальмг келнә багшнр цааранднь электронн тест олзлад әңг болһниг сурһульчнрин төлә бүклднь күцәх шиидвр һарһв. Мана кесн көдлмш школын багшнрт ик дөңг болх гиҗ ицҗәнәвидн.

ОЛЗЛСН ЛИТЕРАТУР

1. Интернетин эв-арһ.

2. "Хальмг келн" 4-гч классин дегтр. Баклана Г. Б.

3. Хальмг келнә 4-гч классин девтр.

ҺАРГ

1. Авторин үг .................................................... 2

2. Аннотац .................................................... 3

3. Нүр үг .....................................................4

4. Һол әңг .................................................... 4

5. Ашлвр .................................................... 5

6. Олзлсн литератур ......................................... 6

7. Һарг .................................................... 7

8. Дөңцлмүд ..................................................... 8

ОЛЗЛСН ЭВ-АРҺС

1. Компьютерн презентац «Хальмг кел даслһнд компьютер олзлҗ көдлһн".

2. Тест тогталһна программ.