Сабақ жоспары әліппе пәнінен

Күні: 18.11.2014 жыл

Мектеп: №8 мектеп

Сыныбы: 1"А" сынып

Мұғалім: Бакирова А.Ә.

Әдіскер: Жахметова Б.К.

Машықкер: Қуанышбекова Гүлсая

Сабақтың тақырыбы: Ү дыбысы мен әрпі

Сабақтың мақсаты:

Білімділік: Үү дыбысы мен әрпін таныту, сол арқылы берілген сөздерді оқу мен жазуға, буын және оның түрлерін ажырата білуге үйрету.

Дамытушылық: Үү дыбысына қатысты жаңа сөздерді оқыту арқылы оқушылардың білімі мен тілін, ой-өрісін дамыту.

Тәрбиелік: Сауаттылыққа, ұқыптылыққ, табиғатқа деген сүйіспеншілігін арттырып, құстарды қорғауға тәрбиелеу.

Көрнекілігі: тірек сызба, кеспе әріптер, суретті әліппе, суреттер.
Сабақтың түрі: жаңа сабақ

Сабақтың әдісі: түсіндіру, сұрақ - жауап.

Сабақтың барысы.

Ұйымдастыру кезеңі.

а) Амандасу.

-Сәлеметсіңдер ме, балалар?

-Отырыңдар!

ә) Танысу:

- Бүгінгі әліппе сабағынан сендерге мен беремін. Менің аты-жөнім - Қуанышбекова Гүлсая Жеңісқызы

-Қазір қай сабақ?

-Сабақ құралдарымызды дайынба?

-Олай болса оқушыға ұқсап отырамыз!

б) Психологиялық дайындық:

Ойнап, күліп аламыз,

Оқып, білім аламыз.

Әріптермен танысып,

Сауаттанып шыығамыз.

Үй тапсырмасын тексеру.
-Ал балалар бүгінгі сабағымызды бастамас бұрын өткен сабақта өткен Ө әріпін бір қайталап өтейік.

Жаңа сабақ.

-Ал, балалар, бүгін жаңа әріппен таныспас бұрын сендерге жұмбақ жасырайын. Егер сендер дұрыс шешсеңдер, бүгінгі өтетін дыбыс шығады: Үйрек десе - бірінші,
Бүйрек десе - екінші.
Бұл қай әріп екенін,
Біреу айтып берсінші. (Ү)
-Дұрыс балалар, ү дыбысы екен.Бүгінгі сабағымыздың тақырыбы: Ү дыбысы мен әрпі.

-Балалар енді сөзжұмбақ шешіп көрейік.

Енді мына суретке қараңдаршы (суретпен жұмыс)
- Мынау не? - Үкі
- Үкі - түн құсы. Үкі сөзін буынға бөле қойыңдар. Ү - кі. (екі буын).

- Үкі, үйрек, Үміт, үш, үйрек деген сөздер қандай дыбыстан басталып тұр?
- Ү - ү - ү (хормен айту)
- Ү - қандай дыбыс деп ойлайсыңдар?
- Ү - жіңішке дауысты дыбыс, созылып айтылады.
- Қандай түспен белгілейміз?
- Қызыл түспен белгілейміз.

Оқулықпен жұмыс

1. Мұғалімнің жаңа сөздерді оқушыларға оқып беруі, оқушылардың хормен қайталауы;

2. Мұғалімнің мәтінді оқушыларға мәнерлеп оқып беруі.

Кітаптағы үйрек пен үкінің суреттері бойынша балалардың құстар туралы ойларын сұрау.

-Балалар кітапты берілген жұмбақты шешейік.

Сергіту сәті:

Көжектерім тұршы,

Қолыңды жушы.

Айнаға қарашы,

Шашыңды тарашы.

Бойыңды жазшы,

Айналаңа қарашы.

Аяғыңды басшы,

Орыныңды тапшы.

Көркем жазу

- Енді, балалар, орынымызға дұрыстап жайғасып, «Ү» дыбысының әріптік таңбасын жазып үйренейік. «Ү» дыбысын әріптік таңбасын дәптерімізге жазбас бұрын, ауада жазып үйренейік. Әдемі, таза жазуларын қадағалау.Ү - дыбысын айтқан кезде ерін сүйірленіп, алға жылжиды, тіл артқа жылжиды, иек көтеріледі.

Үйрек сөзіне дыбыстық, буындық талдау жасау. Үйрек - үй - рек..-...

Тірек - сызба бойынша затты сипаттау:
Гүл (қандай?) - әдемі, хош иісті, қызыл
Түлкі (қандай?) - қу, қызыл, айлакер

Қорытынды:

- Балалар, біз бүгін қандай дыбысты өттік? (ү дыбысын)

- Ү дыбысы кездесетін қандай сөздерді білдік? (үйрек,үкі,үйшік,күріш,күміс,күшік,түлкі,күлкі,түйме,дүрек,жүзік,күрек т.б.)

- Ү дыбысы сөздің қандай буындарында кездеседі екен? (Ү дыбысы сөздің басында, ортасында кездеседі, соңында кездеспейді)

- Ү қандай дыбыс? (дауысты)

Ойлан тап ойынын ойнайық. Суретте не көрсетілгенін тауып тиісті дыбыстық талдауын табу қажет.

-Балалар осымен бүгінгі сабағымыз аяқталды.Сабаққа белсене қатысқандарыңа көп рақмет!Сау болыңдар!

Үйге тапсырма: 91-92 беттердегі сөздерді,мәтінды оқып келу.

Бағалау.

Әдіскер:

Мұғалім:

Баға: