Кімнің мекені жақсы? 4 Cынып

Сабақтың тақырыбы: Кімнің мекені жақсы?

Сабақтың мақсаты:

1. Оқушыларға әңгіменің негізгі идеясы, туған жерді сүю, қадірлеу екенін түсіндіре отырып ұғындыру.

2. Жаңа сөздер мен мақал-мәтелдердің мағынасын ашу арқылы сөздік қорын, сөйлеу тілін дамыту.

3. Өз отанына деген сүйіспеншілікке және оны қорғау әр адамның парызы екенін түсіндіре отырып, дұрыс әрекет етуге тәрбиелеу.

Сабақтың көрнекілігі: Сабақ мазмұнына байланысты слайдтар, суреттер, туған жер туралы видеоролик.

Ұйымдастыру кезеңі: Шаттық шеңбері

Шеңбер болып тұрайық жылы жүзбен

Бізге келсін қуаныш нұр іздеген

Шуақ толған жанымыз, жүрегіміз

Үлгі алсын көрген жан мына бізден.

Сендердей ақылды, мейірімді, білімге құштар балаларды көргеніме мен өте қуаныштымын.

Сабағымызды бастамас бұрын 3 топқа бөлінеміз. Құрбақа, құмырсқа, тышқанның суреттерін алу арқылы топқа бөлінеді.

1-ші топ құрбақалар тобы

2-ші топ құмырсқалар тобы

3-ші топ тышқандар тобы

Өткен сабақты еске түсіру: Сұрақ-жауап әдісі.

1. Мәтіннің тақырыбы.

2. Авторы кім?

3. Негізгі кейіпкерлері кімдер?

4. Қандай жерге кез болды?

5. Көкқұтанның мекені неге ұнамады?

6. Сәске түсте қай жерге келді?

7. Құрбақа қандай күйде болды?

8. Бозторғайға өз жері ұнай ма?

9. Ауа райы қалай өзгерді?

10. Жауынқұртқа бұл жер ұнай ма?

Автор туралы қысқаша мәлімет: Сәкен Нұрмақұлы Жүнісов 1934 жылы 11 ақпанда Көкшетау облысы Қызылтау ауданы, Кішкене көл ауылында туған. Балаларға арнап «Сонарда», «Әжем мен емші дәрігер», «Кімнің мекені жақсы?», «Сақау бәтіңке» кітаптары жарық көрген .

Оқиғаның немен аяқталғанын білу үшін мәтінді ары қарай жалғастырайық.

Осы кезде есікті тоқылдатып 3 кейіпкер кіреді. Әр кейіпкер өзінің мекенінен артық мекен жоқ екенін айтады. (Көрініс көрсету)

Осыдан кейін мәтіннің негізгі ойын шығарамыз.

Сонымен дүниедегі ең бір жақсы мекен, жайлы қоныс әркімнің өз жері екен.

Дәптерге жазып алу.

Туған жер туралы мақал-мәтел сайысы.

Сергіту сәті.

Топпен жұмыс: Эйлер шеңберін толтыру. Өткен тақырып «Қартқожаның туған жері» салыстыру.

Авторы Шығарманың аты

Түйіндеп Түйінлддж

Кейіпкерлері

Нәтиже

Іс әрекеті

Кейіпкерлер туралы қосымша мәлімет айту.

Құрбақа-қосмекенді. Олар суда да, құрлықта да тіршілік етеді. Құрбақа ыстық күні кеуіп кетпеу үшін көлеңке жерде тығылып жатады. Қорегін түнде аулайды. Олар өрмекші, құрт, жауынқұрт, ұлумен қоректенеді. Күзде олар ұйқыға кетеді де көктемде оянады екен.

Құмырсқалар илеуде тіршілік етеді. Бір ғана илеуде 10 мыңнан-100 мыңға дейін құмырсқа тұрады. Олардың аталығы, аналығы, жұмысшысы, жауынгері болады. Илеуін қураған шөптер мен жапырақ қалдықтарынан жасайды.

Тышқандар- кеміргіш тұқымдас. Олар бүкіл дүние жүзіне тараған. Бидай, астық, жидектермен, жәндіктермен қоректенеді. Үйде тамаққа да түседі.

Балалар, енді осы кейіпкерлерімізге хат жазамыз.

Сабағымызды қорытындылай келе туған жеріміз туралы видеоролик көреміз.

Туған жер туралы сызба.

Бағалау.

Үйге тапсырма : 81-ші бет, 6-шы тапсырма. Өз туған жерің саған несімен ұнайды? Мәтін кейіпкерлеріне ұқсап, өз туған жерің туралы толғана әңгімелеуге тырыс.

Тыныштық сәті: (Музыка әуені жіберіледі оқушылар көздерін жұмып тыңдайды). Бүгінгі сабақтан алған әсерлеріңізді, туған жер туралы оқыған мақал-мәтелдеріңізді, даналық сөздеріңізді жүректеріміздің түбіне мәңгі сақтап қояйық...