Сыныптан тыс іс-шара 'Алтын асық'

С. Сатыбалдин атындағы орта мектебі.

Бастауыш сыныптар апталығында қазақ тілінен өтілген танымдық ойын.

Өткізген : А.Қ Иманова

Қызылқоғам 2015 жыл.

Бастауыш сынып апталығында қазақ тілінен 2-сыныпқа арналған

"Алтын асық" танымдық ойын.

Мақсаты: 1. Танымдық ойын шартымен таныстыру.

2. Ойындағы тапсырмалар арқылы оқушылардың ойлау, сөйлеу, танымдық қабілеттерін дамыту. Топтық жұмыстағы белсенділіктерін арттыру.

3. Шапшаңдыққа, жинақылыққа тәрбиелеу.

Түрі: ойын.

Көрнекіліктер: жұмбақтар, карточкалар, ойындарға қажетті құралдар.

Барысы: І. Ұйымдастыру кезеңі

ІІ. Жоспармен танысу

ІІІ. Топқа бөліну:

1. Түсті фигуралар қылы 2 топқа бөлу.

Ойын барысы:

1. "Доп қағу" айтылған сөздерге қарама-қарсы сөздер айту.

І топ: ақ-қара, жуан-жіңішке, таза-кір, мөлдір-лай, жомарт- сараң, ащы-тұщы

ІІ топ: жанады-сөнеді, көп-аз, ұшады-қонады, қуаныш-реніш, биік-аласа, кең-тар

2. "Тіл-өнер" айтылған жұмбақтың шешуін орысшаға, ағылшыншаға аудару.

- Күн мен түн теңелетін жыл мезгілі. ( көктем- весна)

- Мұрты бар иегінде сақалы жоқ,

Тоны бар киеріне шапаны жоқ.

Пайдасы үй ішінен табылған соң,

Далаға кіріп-шығар сапары жоқ.( мысық-кот)

- Жүз теңгең болғанша, жүз ....... болсын. ( дос-друг)

- Қабат-қабат қаттама, ақылың болса аттама. ( кітап-книга)

- Футболшының алаңдағы ойын заты ( доп-мяч)

3. "Моншақ" ойыны. берілген жуан, жіңішке сөздерді кезекпен тізіп шығу

Сөздер: 1. аурухана, дәрі, тамақ, орман, кезекші, үзіліс, оқушы, өшіргіш, қалам, күнделік.

2. көктем, қыс, балық,биші, домбыра, өнерлі, ұстаз, шебер, әдепті, ана

4. "Қалалар" ойыны. Берілген сөз қала атауының бір бөлігі

Мысалы: қар-Қарағанды, ас-Астана, алма-Алматы, Тау- Көкшетау, кент-Шымкент, жез-Жезқазған, ақ-Ақтау, су- Ақсу, тұз- Екібастұз, тар-Тараз

5. "Сұрақ-жауап" Топтарға керекті сөздерді таратамын, сұраққа кім тез жауап берсе, сол жеңімпаз.

Сұрақтар: - Сөмкеде не жатыр? ( қалам)

- Бір аптада неше күн бар? ( жеті)

- Асханада кім бар? ( аспаз)

- Сыныпта неше есік бар? ( бір)

- Қолда неше саусақ бар? ( бес)

- Жазда ауа райы қандай? ( ыстық)

- Бір тәулікте неше сағат бар? ( жиырма төрт)

- Мектеп неше қабатты? (екі)

-Күзде не сарғаяды? ( жапырақ)

6. "Сиқырлы қоржын" Қоржын ішінен мақалдың басы жазылған 1 карточка алған бала басын оқиды, жалғасын тапқан бала сыйлық алады.

Мақалдар:- Оқу- білім бұлағы, білім - өмір шырағы

- Қына тасқа бітеді, білім басқа бітеді

- Оқу инемен құдық қазғандай

-Туған жер- алтын бесік

-Батыр бір рет өледі, қорқақ мың рет өледі

- Ел елдің бәрі жақсы, өз елің бәрінен жақсы.

- Батыр туса ел ырысы, жаңбыр жауса жер ырысы

- Ерді намыс өлтіреді, қоянды қамыс өлтіреді

- Ата көрген оқ жонар, шеше көрген тон пішер

- Еңбек етсең ерінбей, тояды қарның тіленбей

- Әдепті бала арлы бала, әдепсіз бала сорлы бала

- Еріншектің ертеңі бітпес

- Өзге елде сұлтан болғанша, өз еліңде ұлтан бол

- Отан оттан да ыстық

Қорытынды. Ұпайларды санап, жеңімпаз топты анықтау.

Иманова Айжан Калиоллаевна

Бастауыш сынып мұғалімі, 1 санатты, өтілі 15 жыл

С.Сатыбалдин атындағы орта мектеп

Қызылқоғам ауылы, Лебяжі ауданы, Павлодар облысы