Урок на тему: Тильки ве къашкъыр (халкъ масалы)

Мевзу: «Тильки ве къашкъыр» (халкъ масалы)

Дерснинъ макъсады:

1. Балаларны масалнынъ мундериджесинен таныш этмек.

2. Окъув техникасыны ве нутукъларыны инкишаф эттирмек.

3. Масалларгъа меракъны арттырмакъ.

Дерснинъ донатмасы: «Фиданчыкъ» окъув

китабы;ресимлер;джевап карточкалары.

Дерснинъ кетишаты:

I.Тешкилий дакъкъа.Селямлашув.

II.Текрарлав.Эвге берильген вазифени тешкерюв.

Эвге Н.Аметованынъ «Дагъдан байрам» масалы эсасында ресим чызмакъ вазифеси берильген эди.Балалар ресимге келишкен масалдан парчаны окъуйлар ве ресимни сыныф тахтасына илеп къоялар.Бойлеликнен,ресимлер серьгиси тертип этиле.

Раатлыкъ дакъкъасы.

Огюмизде дерсликлер,

Дефтерлер ве къалемлер,

Пек тырышып окъуйджамыз,

Яхшы адам оладжамыз!

III.Янъы мевзу.Бугуньки дерсимизде биз «Тильки ве къашкъыр» деген халкъ масалыны окъуйджакъмыз (дерсликнинъ 59-62 саифелеринде).

1.Лугъат иши

-къуртулмакъ-спастись

-акъмакъ-глупец

-тамшанмакъ-предвкушать

-яйгъара къопармакъ-поднять крик

-нефисхор озюни тюшюнген-эгоист

-эсаплашмакъ-рассчитаться

-якъаламакъ-поймать,схватить

2.Метиннен чалышув.Окъув усуллары.

Оджа окъуй: «зынджырчыкъ» усулы; «хорнен» окъув-оджа ве талебелер бераберликте окъуйлар; «роллер боюнджа» окъув; «сайлама» окъув.

3.Суальге келишкен джевапны тап.

Талебелерде учер карточка бар, оларнынъ устюнде а,б,в арифлери язылгъан.Балалар догъру джевапкъа келишкен карточканы косьтерелер.Бойлеликнен,оджа ким? насыл ?джевап бергенини бир кереден коре.Суаллер:

1.Тильки бир араба балыкъны корип не япа?

а)Дагъгъа чапа в)Олю киби ята

б)Арабагъа мине

2.Арабаджы тилькини корьгенинен не япа?

а)Балыкъларны ташлай в)Тилькини алып,балыкъларнынъ

б)Къачып кете устюне ята

3.Тильки арабада кеткенде не япа?

а)Балыкъларны арабадан бирер-бирер ерге ата

б)Ашай

в)Балыкъларны озенге йибере

4.Тильки арабадан тюшкен сонъ нени расткетире?

а)Тавшанны

б)Къашкъырны

в)Аювны

5.Къашкъыр тилькиден нени сорады?

а)Этни

б)Балыкъны

в)Тавукъны

IV.Пекитюв.

Аталар сёзлери.Талебелер эвде аталар сёзлери узеринде тюшюнип сыныфта оларнынъ маналары тариф этелер.

Чокъкъа чапкъан,аздан къуру къалыр.

Яланджылыкънен хырсызлыкъ-агъа-къардаштыр.

V.Дерснинъ нетиджеси.Балалар,биз бугунь дерсте не окъудыкъ?Не огрендик?Масал бизге нени огрете? Яшайышымызда табиатларынен бу айванларгъа ошагъанлар адамлар бармы?Талебелер джевапланалар.

VI.Баалав.Эвге вазифе берюв:Янъы сёзлерни огренмек;масалны роллерге болип окъумагъа азырланмакъ (59-62 саифелери).