Қош келдің, Жап-жаңа жыл! 4-сынып

</ Қош келдің, Жап-жаңа жыл!

Хор: Келді, міне, Жаңа жыл!

1-жүргізуші: Қайырлы күн, аталар, әжелер, қонақтар!

2-жүргізуші: Қайырлы күн, әкелер, аналар

3-жүргізуші: Қайырлы күн, ұстаздар, балалар!

Бәрі: Келіп жеткен Жап-жаңа жылдарыңыз құтты болсын!

1-жүргізуші: Денсаулықтарыңыз зор болсын!

3- жүргізуші: Дастархандарыңыз мол болсын!

2- жүргізуші: бізден тілек сол болсын!

2-жүргізуші: -Олай болса, Жап - жаңа жылға арналған шырша тойын бастайық!

Екеуі: Оны, біз бастайық!

2-жүргізуші: Әрине, сендер бастайсыңдар.

Ән: Қош келдің,Жаңа жылым, қазағыма (Жания мен Ұлпан)

1-жүргізуші: Ендігі кезек тақпақта,

Балалар сірә, жаттап па?

Тақпаққа сөз берейік,

Тамашаны көрейік!

Оқушылар тақпақтар айтады!

3- жүргізуші: Тамаша тақпақтар тыңдадық,

Аяз Атадан сыйлық та алдық.

Ендігі кезек Аңсарда

Қолыңды соқ, тамсан да!

2-жүргізуші: - Сіздер білесіздер ме, Үндістанның сериалдарымен бірге біздің шырша тойына биші қыздар да келіпті. Енді үнді биімен бойымызды да, тойымызды да қыздырсақ қайтеді. Ал, кеттік.

Ортада: «Үнді биі»

1-жүргізуші: -Ұлпан, неге күліп тұрсың?

3- жүргізуші: -Бұл -бұл ма? Күлкінің көкесін енді көресің,

«Көңілді тапқырлар осында

Ортаға шығыңдар, тосылма.

« Көңлді тапқырлар «сайысынан көрініс.

2-жүргізуші: Біздерді көрген соң, сендерден қалыспаймыз деп, қыздар ортаға сұранып тұр. Тек қана қыздардан тұратын биді тамашалаңыздар.

Би «Лави-лави»

2-жүргізуші: Байқа,

Бұл қандай өнерпаз деп

Басыңды шайқа.

«Байқа» әнімен Сейілбек ұлдарыңызды қарсы алыңыздар.

1-жүргізуші: Құлақ құрышын қандырар халық әніне не жетсін, шіркін. Бұл әнді әжелерімізге арнаймыз. Жастық шақтарына бір саяхат жасап қайтсын.

Халық әні «Ақ дариға»

3-жүргізуші: -Көршіңмен татусың ба?

1-жүргізуші: -Татумын.

3-жүргізуші: Рас па?

1-жүргізуші: -Рас

3-жүргізуші: Дәлелде онда.

1-жүргізуші: -Міне, дәлел. Ортада «Өзбек биі» Асылжан мен Шұғыла.

3- жүргізуші: -Жания, осы Ернияз көрінбейді ғой, қайда кеткен?

1-жүргізуші: Ол, әне, қайда қайда деп ән айтқалы тұр.

Ендеше, Ерниязды орындауында «Қайда, қайда» әнін қарсы алыңыздар.

2-жүргізуші: Абай атам айтқандай, құлақтан кіріп, бойды алған та,ы бір әнді тыңдайық. Асылжан мен Гүлсезім қыздарыңыздын оырндауында халық әні: «Гүлдерайым»

1-жүргізуші: Жүзімізде күлкі ойнап,

Қанаттанды жанымыз.

2-жүргізуші: Жаңа жылды біз тойлап,

Ән шырқадық бәріміз.

3-жүргізуші:Келді тағы жаңа жыл.

Қуантуға біздерді.

Үшеуі бірге: Құтты болсын қуаныш

Құттықтаймыз сіздерді!

1-жүргізуші: Осымен жаңа жылдық кешімізді аяқтаймыз. Келесі Жап-жаңа жылда кездескенше!