7


  • Учителю
  • Обобщающий урок по калмыцкому языку 'Простое предложение' (5 класс)

Обобщающий урок по калмыцкому языку 'Простое предложение' (5 класс)

Автор публикации:
Дата публикации:
Краткое описание: Урок разработан на калмыцком языке. Автор-составитель учитель калмыцкого языка и литературы МОБУ "Троицкая гимназия им.Б.Б.Городовикова" Хечиева Дельгир Леонидовна.Цели: повторить изученное по теме "Простое предложение. Члены Предложения"; развитие речи по теме "Зима".Эт
предварительный просмотр материала

Учитель калмыцкого языка и литературы:

Хечиева Дельгир Леонидовна



Кичәлин төр: Амрзәӊг. Зәӊгин мөчмүд.(Товчлвр кичәл).

Кичәлин күсл: «Амр зәӊг. Зәӊгин мөчмүд» гидг төрәр дассан давтлһн. «Үвл» гидг төрәр келлһ өргҗүллһн. Авсн медрләрн хамдан, ниицӊгү ашлвр һарһҗ чадлһн.

Кичәлин дөӊцл: Компьютерн презентац

Кичәлин йовуд

I. Кичәлин бүрдәц. Мендллһн.

Багш: Мендвт, күүкд. Ямаран бәәнәт? (Сән, гем уга). Йир сән. Сууцхатн.

- Күүкд, ода һаза ямаран җилин цаг? (Ода һаза үвл)

- Эндр ямаран өдр? (Эндр бүркг, хурта, киитн, салькта өдр)

- Күүкд, ода оньган өгәд экранур хәләтн.Энд шүлгин нег бадг бичәтә.Эн шүлгиг чаӊгур, айслулҗ умшхмн. (Нег сурһульч умшна)

- Эн шүлг юунас тогтна? (Зәӊгсәс)

- Кедү зәӊгсәс? (4 зәӊгсәс)

- Зәӊг юунас тогтна? (Зәӊгин мөчмүдәс)

- Күүкд, яһҗ санҗанат, эндр кичәлдән бидн юуна тускар күүндхмн? (Зәӊгин, зәӊгин мөчмүдин тускар).

II. Чик. Эндрк кичәлин төр «Амр зәӊг. Зәӊгин мөчмүд». Ода девтрмүдән секәд,эндрк то бичҗ автн. Эн кичәлдән бидн цуг эн төрәр дассан, медсән батлҗ авхмн.

- Күүкд, зәӊгс айлтарн ямаран болна? (Тууҗлгч, сургч, хәәкргч)

- Чик. Тууҗлгч зәӊгин хөөн юн тәвгднә? (Цег) Сургч зәӊгин хөөн? (Сургч темдг). Хәәкргч зәӊгин хөөн? (Хәәкргч темдг)

- Сән. Кен түүжлгч, сургч, хәәкргч зәӊгс тогтана? (Сурһульчнр зәӊгс келнә)

- Зәӊг ямаран мөчмүдәс тогтна? (Һол болн нөкцл мөчмүдәс тогтна)

- Ямаран һол мөчмүд меднәт? (Нерлгч, келгч)

- Нерлгч ямаран сурврмудт хәрү өгнә? (кен? юн?)

- Келгч ямаран? (ю кеҗәнә? яһҗана?)

- Нөкцл мөчмүд ямаран меднәт?(Немлт, цәәлһлт, уршг)

- Немлт ямаран сурврмудт хәрү өгнә? (Киизӊ киискврмүдин сурврмудт)

- Цәәлһлт ямаран сурврмудт хәрү өгнә? (Ямаран? Кенә? Юуна?)

- Уршг ямаран сурврмудт хәрү өгнә? (Альд? (хама?), альдаран (хамаран?), альдас? (хамаһас?), яһҗ?, кезә?)

- Күүкд, зуг һол мөчмүдтә зәӊгс яһҗ нерәдгднә? (Делгрӊгү биш)

- Һол болн нөкцл мөчмүдәс тогтсн зәӊгс яһҗ нерәдгднә?(Делгрӊгү)

III. Батллһна көдлмш.

1-гч даалһвр. Девтртән эн шүлгин бадгиг буулһҗ бичхмн. Эн зәӊгсиг мөчмүдәрнь йилһхмн. (Сурһульчнр буулһҗ бичәд, мөчмүдәрнь йилһҗәнә)

Цаһан цасн орна.
Цагин бәәдл хүврнә.
Шин җил ирнә.
Шуугата байр эклнә.


Физминутк.

Байрта бәәхлә, иигәд ке,

Байрта бәәхлә, иигәд ке,

Байрта бәәхлә, нег-негән хәләһәд,

Инәһәд, эргәд дуһрыя!

- Йир сән. Цааранднь көдлмшән давулхмн.


2-гч даалһвр. Деформированн зәӊгсиг чиктнь бичтн.

  1. Нислднә, шовуд, теӊгрт, көк. (Көк теӊгрт шовуд нислднә).

  2. Соньн, би, зәӊг, соӊслав, радиоһар. (Би радиоһар соньн зәӊг соӊслав.)

  3. Манаһур, ирх, ээҗ, маӊһдур, мана. (Мана ээҗ маӊһдур манаһур ирх.)



3-гч даалһвр. Дуту үгмүд немҗ бичтн, зәӊгс тогтатн. Текст нер өгтн.

Намрин хөөн киитн ______ ирв. Көвкр цаһан цасн ________ бүркв. Һолын, нуурин усн _______. Әмтн_________ хувц өмснә. Көвүд-күүкд ______ деер дошлдна, ______ кү кенә. Эдн йир _________. Үвл- ___________ цаг!

( үвл, һазриг, көрнә, дулан, мөсн, цасар, байрлна, соньн)

4-гч даалһвр. Синтаксическ йилһлт кетн.

  1. Үвлд цаһан цасн һазриг бүркнә. (Амр, тууҗлгч, делгрӊгү)

  2. Бичкдүд цаснд байрлну? (Амр, сургч, делгрӊгү)

  3. Би үвлд йир дуртав! (Амр, хәәкргч, делгрӊгү)

IV. Ашлвр.

- Күүкд, эндр кичәлд бидн ямаран төр давтчквидн?

- Ямаран мөчмүд меднәт? Келтн.

- Таднд кичәл таасгдв?

- Тадн үвлд дуртавт?

V. Герин даалһвр. Зәӊгин, зәӊгин мөчмүдин туск медрлән батлх. Бичҗ авсн шүлгиг чееҗәр дасх.

VI. Темдг тәвлһн.Мана кичәл төгсв. Тадн йир сәәнәр көдлцхәләт.

Хальмг сәәхн келән

Хәәрхн, бичә марттн.

Хамдан батар бәрлдҗ,

Хальмг Таӊһчан дуудултн.





 
 
X

Чтобы скачать данный файл, порекомендуйте его своим друзьям в любой соц. сети.

После этого кнопка ЗАГРУЗКИ станет активной!

Кнопки рекомендации:

загрузить материал