Сауат ашу және жазу негіздері

Күні: 15.03.2016 ж

Білім беру саласы: «Қатынас»

Бөлімі: Сауат ашу және жазу негіздері.

Сабақтың тақырыбы: Я я дыбысы мен әрпі

Сабақтың мақсаты:

Білімділік: Я я дыбысы мен әрпін меңгерту, сөзге дыбыстық талдау жасату, сөздерді буынға бөлгізу, ол арқылы берілген сөздерді оқу мен жазуға үйрету.

Дамытушылық: Я дыбысы қатысты сөздерді білдіру арқылы оқушының ой - өрісін сөздік қорын, тілін дамыту.

Тәрбиелік: Я дыбысына қатысты сөздерді сауатты оқуға, жазуға, адамгершілікке тәрбиелеу.

Сабақтың әдіс - тәсілдері: ой қозғау,сұрақ - жауап,тыңдау,дидактикалық ойындар,жұмбақтар

Сабақтың көрнекілігі: кеспе әріптер,текшелер,суреттер.

Сабақтың барысы:

I.Ұйымдастыру кезеңі.

Психологиялық дайындық:

Қуан,шаттан!

Қуан,шаттан!

Қуанатын күн бүгін.

Қайырлы күн!

Күліп шықты күн бүгін!

II.Өткен материалдарды пысықтау.

- Дыбыс дегеніміз не?

- Әріп дегеніміз не?

- Дыбыстар нешеге бөлінеді?

-Дауысты дыбыстар қалай аталды?

-Дауыссыз дыбыстар қалай аталады?

-Г дыбысы қанадй дыбыс?

-Гүл сөзінде неше әріп бар?

-Гүлзар сөзі неше буынға бөлінеді?

Берілген сөзге дыбыстық талдау жасау.

Ш - көк текше;

Е - қызыл текше;

Г -көк текше;

Е - қызыл текше;

А) )«Адасқан сандар» ойыны.

Е Г І С

1 2 3 4

ШЕГЕ

4 1 2 3

К Е Р Е Г Е

1 2 3 4 5 6

III. Жаңа тақырып.

Қызығушылығын ояту.

Жұмбақ шешейік.

Жесең ащы,

Көзіңнен шығарар жасты.

Жауабы: пияз.

-Балалар пияз сөзін буынға бөлейік,қай буындағы дыбыс таныс емес?.Ол қандай дыбыс?

-Я дыбысы.

-Сонымен,бүгінгі өтетін тақырыбымыз қалай аталады екен?

-Я дыбысы мен әрпі.

А)Я дыбысының баспа түрімен таныстыру.

Ә)Я дыбысы кездесетін сөздер айтқызу.

Б)Я дыбысының артикуляциясын меңгерту.

-Я дауысты дыбыс,екі дыбыстан й+а дыбыстарының қосындысынан тұратынды, оның осы екі дыбыстың қосарлана айтылуынан жасалғанымен, бір әріппен ғана таңбалады.

IV. Әліппе - дәпетермен жұмыс.

Баған түрінде берілген сөздерді оқушыларға оқыта отырып, әр сөзге түсінектеме беру.

А) Берілген сөздерді топпен оқыту.

Ә)Жеке оқыту.

Аяқ-дене мүшесі.

Таяқ-сүйеніш құралы.

Қоян-аң.

Шаян-жәндік.

Қияр-көкөніс.

Пияз-көкөніс.

Тақия-бас киім.

V.Сергіту сәті:

Дәптермен жұмыс

А)Я әрпінің элементін үлгіде көрсетілгендей тақтада,ауада,дәптерде жазу.

Ә)Неше дыбыс,неше әріп бар?

• Қияр сөзінде неше дыбыс бар,неше әріп бар?

• Пияз сөзінде неше дыбыс бар,неше әріп бар?

• Қоян сөзінде неше дыбыс бар,неше әріп бар?

«Буындық лото» ойыны.Буындардан сөз құра:

Ба лық

Қо ян

жа рыс

қа ла

Ша ян

VI.Қорытындылау.

А)Жұмбақтар шешу.

Қолы жоқ сурет салады,

Тісі жоқ тістеп алады . (Аяз)

Тал басында

Тамаша үй. (Ұя)