Учителю
Тәрбие сағаты 'Ұмытылмас ерлік'

Тәрбие сағаты 'Ұмытылмас ерлік'

Автор публикации: Ережепова А.К.

Дата публикации: 21.05.2015

Краткое описание: Сынып сағатының тақырыбы: «Ұмытылмас ерлік»Мақсаты: 1.Ұлы Отан соғысы , оның зардаптары, Ұлы жеңістің мән-маңызы туралы мағлұмат беру.2. Оқушылардың тіл байлықтарын, ойын, мәнерлеп оқу дағдыларын ұштау.3. Отан үшін жан қиған аталар мен апалардың, қазіргі таңдағы арамызда жү

предварительный просмотр материала

Сынып сағатының тақырыбы: «Ұмытылмас ерлік»

Мақсаты: 1.Ұлы Отан соғысы , оның зардаптары, Ұлы жеңістің мән-маңызы туралы мағлұмат беру.

2. Оқушылардың тіл байлықтарын, ойын, мәнерлеп оқу дағдыларын ұштау.

3. Отан үшін жан қиған аталар мен апалардың, қазіргі таңдағы арамызда жүрген ардагерлеріміздің ерліктерін үлгі ете отырып, оларды құрметтеуге тәрбиелеу; отансүйгіштікке, батылдыққа шыншылдыққа баулу.

Көрнекілігі: мультимедиалық проектор, плакат, газет-журналдар

Түрі: әдеби-сазды кеш

Пәнаралық байланыс: музыка, әдебиет

Барысы:

Кіріспе сөз

Мұғалім: Құрметті қонақтар, оқушылар, мұғалімдер!

Әрқайсысымыз үшін жақын да қымбат мереке 1941-1945 жылдардағы Ұлы Отан соғысындағы жеңіс күніне санаулы да күндер қалды. Жеңіске жету жолында қазақстандықтардың асқан ерлігі мен әскери жанқиярлығы Отан соғысы тарихындағы жарқын беттерге айналды. Сондықтан Жеңіс күні әрқайсысымыздың жүрегімізге жақын. Өкінішке орай , уақыт сол ұлы оқиғаларға қатысушыларды біздің қатарларымыздан алып кетіп жатыр. Олар азайған үстіне азайып барады. Бірақ ешкім де, ештеңе ұмытпауы тиіс! Себебі, бұл - біздің тарихымыз, біздің мақтанышымыз, біздің даңқымыз! Солай болғандықтан да өскелең жас ұрпақты, сіздерді аға буынның майдан мен тылда көрсеткен ерліктері үлгісінде тәрбиелеу - міндетіміз.

Соғыстың алғашқы күндерінен бастап - ақ Кеңес халқы жан тәнімен Отанын қорғады. Әрбір ауыл, әрбір қала үшін кескілескен ұрыс болды. Қанішер неміс басқыншыларымен Кеңес азаматтары аянбай шайқасты.

Соғыс жалмап аға - іні бауырды,

Зар жылатты тыныш жатқан ауылды.

Жалғызынан айырыпты ананы,

Әкесінен айырыпты баланы.

Мұғалім: Адамдардың тыныш өмірі бұзылды. Арман, махаббат, бақыт - бәрі өртке өртенгендей бір сәтте сөнді де қалды.

Қойылым: «Ананың баламен қоштасуы»

О, құлыным, балам, ұлым! Мені тастап, жауыздардың жазасын беруге кетіп бара жатырсың! Енді сені қашан көрем, әлде көре алмаймын ба? Не жаздым саған, қу өмір!

Баласы:

Анам! Сен мен үшін қамықпа! Әрбір секунд сайын менің қалай сені жақсы көретінімді есіңе ал. Жаман еш нәрсе ойлама. Соғыс біткен соң, жақын арада оралам! Анам! Жан анам!

Қыз:

О, сұм соғыс! Сенің бұл не істегенің? Мынау дала тыныш боп қалды. Солдат артынан солдатты алдың. Сау болыңдар, жігіттер! Қайтып оралуға тырысыңдар! Жоқ. Тығылмаңыз! Биік боп, еш оқ пен гранатты аямай жауды жеңіп оралуға тырысыңдар! Қайта оралуға тырысыңдар! Сау бол!!! (Қыздар орамалдарын бұлғап, шығарып салады)

Мұғалім: Қамқорсыз өмір бір күн ішінде 4 жыл, 1418 күнге айырбасталды. 1418 күн бойы жан-жағыңда қан, өлім, ауырлық пен жақындарыңнан айырылу. Керемет жігіттер мен қыздардың қаза болуы.

«Солдат»

Оқ борады күні-түн

Жатты жерді от қарып.

Алға қарай ұмтылды,

Батыр қазақ оқты алып.

Мұғалім: Соғыста олар тек соғысып қана қоймай, қимай шығарып салған ардақты ана, сүйікті жар, сәбилерін, Отанын, үйін де естерінен шығармады. Хат жазып тұрды.

Сол хаттан:«Күт мені»

Күтші мені!

Мен оралам,

Тек қана күт.

Көңілің түскен

Жаңбырлы күндері күт!

Қарлы борандарда күт,

Қапырық ыстықта күт!

Кешке ұмытып

Басқалар күтпегенде күт.

Алыстан хат келмегенде күт,

Барлығы күтуден шаршағанда күт.

Күтші мені, мен оралам!

Қыздың солдатқа жазған жауабы

«Сенің жақын арада елге аман оралатыныңа мен сенемін. Бәлкім, жағдайың онша емес те шығар. Бірақ ақ жүзіңдегі күлкі табы сол қалпында қаларына да сенемін. Бұның түс емес екенін, сенің елес емес екеніңді ұғамын. Сен оралғанда қуанышпен алдыңнан шықсам, сен менің бетімнен сипап, құшағыңа аласың. Солай болатынына сенемін. Жақын болмаса да, түбі оралатыныңа сенемін»

Алтынай: Осы сұрапыл соғыста жауды талқандап Ұлы Жеңіске жетуге қазақстандықтар да сүбелі үлес қосты. Жүздеген мың қазақстандықтар қолына қару алып , өз Отанының бостандығы үшін күресті.

Қазақстаннан фронтқа 1 миллион 196 мың 164 адам шақырылды. Соның әрбір төртіншісі шабуыл алаңында көз жұмды. Қазақстанда 20-дан астам 30 түрлі ұлт өкілдерінен тұратын атқыштар дивизиясы құрылған болатын.

Қазақстандықтар Брест қамалын қорғады, Мәскеу түбінде өлімге бас тікті, Сталинград , Курск доғасындағы шайқастарда ерекше көзге түсті. Берлинді шабуылдады, Рейхстагқа Жеңіс туын тікті.

Мұғалім: 1941-1945 жылдар аралығында құрылған әскери орталықтар түрлі және шешуші шабуылдарға қатыстырылды. Мәскеу түбіндегі шайқаста генерал Панфилов басқарған 316 атқыштар дивизиясының аты шықты. Халқымыз Мәскеуді қайсарлықпен қорғаған 28 Панфиловшы батырларды ғұмыр бойы құрметпен есте сақтайды.

Ниязбек:

Қасарысты жиырма сегіз,

Тынбай атты гранатты.

«Отан» деген отты лебіз-

Жандарынан жалын атты.

Кетпес олар естен мәңгі,

Кектері тұр кеудемізде,-

Ерлік даңқы - жеңіс таңы

Жарқыратып келді бізге.

Зураш: Соғыс тарихында асқан ерлікті бейнелейтін бұл ұрыста 28 Панфиловшының 23-і қаза тапты, 28-дің 22-сі қазақстандықтар еді.

Орыс , қазақ , қырғыздан,

Құрылған бұл шағын топ.

Жауға үрей туғызған

Жайпап түсер жалын боп.

Даңқ қосып даңқына,

Сұрапылға төтеді.

Борыштарын халқына,

Ерлігімен өтеді.

3 -оқушы: Жиырма сегіз, жиырма сегіз - бір ғалам,

Анау жаудың танктері лаулаған.

Ресей кең, Отан кең , артымызда Москва.

Шегінуге хақымыз жоқ , хақымыз жоқ бір қадам.

Қойылым: «Немістер қоршауында»

Неміс: Алға бас! Тізе бүк! Қолыңды көтер!

Жігіт: Елімді сатпаймын! Басымды балтамен шапсаң да, құлдыққа сатсаң да, қапасқа салсаң да кешірім сұрап, құпияны ашпаймын!

Неміс ашумен жігітті атып тастайды.

Мұғалім: Ұлы Отан соғысы бүкіл ел үшін өте ауыр болды. Ол Қазақстанды да айналып өтіп кете алмады. Халқымыз Мәскеуді қайсарлықпен қорғаған 28 Панфиловшы батырларды ғұмыр бойы құрметпен есте сақтайды.

Ерсұлтан: Қасарысты жиырма сегіз,

Тынбай атты гранатты.

«Отан» деген отты лебіз-

Жандарынан жалын атты.

Кетпес олар естен мәңгі,

Кектері тұр кеудемізде,-

Ерлік даңқы - жеңіс таңы

Жарқыратып келді бізге.

Айбар: Соғыс тарихында асқан ерлікті бейнелейтін бұл ұрыста 28 Панфиловшының 23-і қаза тапты, 28-дің 22-сі қазақстандықтар еді.

Орыс , қазақ , қырғыздан,

Құрылған бұл шағын топ.

Жауға үрей туғызған

Жайпап түсер жалын боп.

Даңқ қосып даңқына,

Сұрапылға төтеді.

Борыштарын халқына,

Ерлігімен өтеді.

Ән. «Сарбаздары елдің»

Мұғалім: Қазақстандықтар өздерін батылдықпен және батырлықпен көрсете алды. Осылайша жеңіс күні жақындай түскен еді. 512 қазақстандық Кеңес Одағының батыры атағын алды. Соның бірі, Ленинградтағы шайқаста өз кеудесімен жау оғын жауып қалған жерлесіміз Сұлтан Баймағанбетов.

Ниязбек: Біздің халқымыз қазақтың батыр қыздары Әлия Молдағұлова мен Мәншүк Мәметованың есімдерін мақтанышпен атайды.

Даламыздың даңқысың,

Балауса гүл балғын қыз.

Жанын қиып халқы үшін,

Жанып түскен ақ жұлдыз.

Алтынай: Сілкінтіп зеңбіректер жердің жүзін,

Оқ борап снарядтар қаққан да ызың.

Қаптаған қалың жаудан тайсалмаған,

Мен көрдім пилоткалы қазақ қызын.

Мұғалім: Мәншүк Орал облысының, Орда аулында дүниеге келді. 1942 жылы 20 жастағы Алматы медицина университетінің студенті өз еркімен соғысқа аттанды. «Менің орным сонда. Өз елімді жаудан қорғау менің азаматтық борышым» деп есептеді.

Өлең «Мәншүк»

Мұғалім: Әлия Молдағұлова Ақтөбе облысы, Хобда ауданы, Талдысай елді мекенінде дүниеге келді. Соғыс басталғанда Әлия 15 жаста еді. Нәзік, әрі әлсіз Әлия атқыштар мектебін үздік бітіріп, Ленинград түбіндегі шайқаста ерлікпен қаза тапты.

Өлең «Әлия»

Мұғалім: Әйел-солдат: ана, апа. Сүйікті жар. Қаншама қиындық пен жоғалту олардың үлесіне тиді. Майданнан ұлын, аға-інісін, жолдасын күтті. Сөйте тұра, бала да тәрбиелеп, егін баптап, станок жанында тұрды. Ал кейбіреулері ер адамдармен бірге қан майданда айқасты.

Левитанның сөзі: Кеңс үкіметінің ақпараттық бюросынан! 8 мамыр 1945 жылы Берлинде Германияны капитуляциялау туралы акт жасалды. Кеңес Одағының фашистік Германияға қарсы Ұлы Отан соғысы жеңіспен аяқталды!

Мұғалім: Біз сол сұм соғысты жеңдік. Үйімізге сүюге, өмірге қуануға оралдық.