Математика сабақ жоспары 'Кесінді' 1-сынып

Рудный қаласы әкімдігінің «№7 орта мектебі»КММ

Ашық сабақ

Тақырыбы:

Кесінділердің ұзындықтарының қосындысы және айырмасы.

Өткізген: Г.С.Қонысбек

1 «Б» сынып жетекшісі

2014-2015 оқу жылы

Күні: 30.10.14.

Пәні: Математика

Сабақтың тақырыбы: Кесінділердің ұзындықтарының қосындысы және айырмасы.

Сабақтың мақсаты:

Білімділік: Оқушылармен бірлесе отырып екі кесіндінің,олардың ұзындықтарын пайдаланып, қосынды және айырмасын шығарып алу алгоритмін құру және практикада қолдана білуге үйрету

Дамытушылық: Оқушылардың танымдық ойлау, кесіндіні өлшеу,салу, өз бетімен жұмыс жасау қабілетін жетілдіру.

Тәрбиелілік: Оқушыларды еңбекқорлыққа, жылдамдыққа ,ынтымақтастыққа баулу.

Сабақтың түрі: Жаңа сабақ

Сабақтың әдісі: Түсіндіру сұрақ-жауап, ойын, көрнекілік

Сабақтың көрнекілігі: Оқулық, кеспе сандар, жеке суреттер

Сабақтың барысы:

Ұйымдастыру кезеңі: Сынып оқушыларын түгендеу. Оқушылардың назарын сабаққа аудару.

Психологиялық дайындық:

Терең ғылым санамыз,

Тегі деп ой саламыз

Маңыз беріп оқимыз

Математика сабағын

Өткенді қайталау: - Балалар біз нешеге дейін санау білеміз? (1-ден 10-ға дейін)

• Қазір мен сендерге математикалық жұмбақ жасырамын, ал сендер сол жұмбақтың шешуін тауып көріңдер.

• Адамда қанша көз бар? (2)

• 4 ке 4-ті қосқанда неше болады? (8)

• Аспанда неше күн бар? (1)

• 5-тен кейінгі сан? (6)

• Адамда қанша саусақ бар? (10)

• Бағдаршамда неше көз бар? (3)

• Қолғапта неше саусақ бар? (5)

• Домбырада неше перне бар? (9)

• Төртбұрыштың неше бұрышы бар? (4)

• Бір аптада неше күн бар? (7)

1)Ендеше балалар, біз қазір 1-ден 10-ға дейін тура және кері санайық.

1,2,3,5,6,7,8,9,10

2) Сандар құрамын еске түсірейік.

3 7

2+1 6+1

1+2 4+3

0+3 2+5

3+0 0+7

- Балалар, осы жерде қандай ереже еске түседі?

Анықтама: Қосылғыштарың орнын ауыстырғанымен, қосындының мәні өзгермейді.

Жаңа сабақ:

-Оқушылар, бүгінгі біздің сабаққа бір қонақ бала келді. Ол баланың аты Тапқышбек. Аты айтып тұрғандай ол бала өте тапқыр. Бірақ ол достарынан ажырап қалып, математика еліне жете алмай адасып қалыпты. Енді сол Тапқышбек сендерден көмек сұрағалы келіпті. Мынау тұрған нүктелердің үстінен түзу сызық арқылы өте білсе. Онда ол математика еліне жетеді. Онда оны көптеген білгір, алғыр, тапқыш достары күтіп жақында өтілетін математика пәнінен олимпиадаға күтіп отыр. Тапқышбек сол олимпиададан қалып қалмау үшін оған көмектесеміз бе?

(Балалар жауабы: ИӘ, көмектесміз!)

-Ендеше балалар біз Тапқышбектің сендерге дайындап алып келген тапсырмаларын орындайық және оның сендерге алып келген сыйлықтарынан да құр қалмайық. (Геометриялық фигуралар)

Тапқышбектің 1-ші тапсырмасы:

-Балалар, мен сендерге қазір жұмбақ жасырамын, ал сендер ойланып тауып көріңдер.

Жоқ өзің де қас та, мойында,

Ұзындығы жазулы тұр бойында (Сызғыш)

-Балалар, біз сызғышты не үшін қолданамыз, нені өлшейміз, нешеден бастап сызамыз? (кесінді, түзу сызық, геометриялық фигураларды)

• Сонымен балалар біз қандай геометриялық фигураларды білеміз? (дөңгелек, үшбұрыш, төртбұрыш, шаршы, бұрыш, нүкте, түзу, сәуле, кесінді)

• Ал енді мына тақтадағы суреттен, кім маған яғни қанша нүкте, қанша түзу сызық, қанша сәуле, қанша бұрыш, қанша кесінді бар екенін тауып береді?

• Ал енді есімізге түсірейікші, кесінді дегеніміз не?

Анықтама: Геометриялық негізгі ұғымдар нүкте және түзу.

Бір нүктеден шығатын шексіз сызықты «сәуле» дейміз

Екі жағы шектеулі түзі сызықты «кесінді» дейміз

Бұрыш- бір шыққан әр түрлі екі сәуледен құралған геометриялық фигура.

-Балалар, біз сұрақтарға жақсы жауап бердік, Тапқышбекке бірінші жол ашылды. (яғни,екі нүктені қосамыз)

-Біз екі нүктені қосқанда не пайда болды? (кесінді)

-Ендеше балалар, бүгінгі біздің сабағымыздың тақырыбы «Кесінділер ұзындықтарының қосындысы және айырмасы».

Ұзындығы 3 см көк кесіндіге ұзындығы 2 см болатын қызыл кесінді қосамыз.

3 см+2см=5 см - Кесінделердің қосындысы

Ұзындығы 3 см көк кесіндіден ұзындығы 2 см қызыл кесіндіні азайтамыз.

3см-2 см=1 см - Кесінділердің айырмасы

Сергіту сәті:

1, 2, 3, Қарлығаш боп ұш,
4, 5, 6, Аспанда ұшып қалқы.
7, 8, 9, 10, Орныңа кеп қон.

Оқулықпен жұмыс: Тапқышбектің 2-ші тапсырмасы:

78 беттегі, 2 есеп.

Оқулықтағы қызыл және көк кесінді сызғышпен өлшеу.

Қызыл кесінді-5 см

Көк кесінді-4 см

Дәптермен жұмыс:

Қарандаш пен сызғыш

Қолға қазір аламыз

Екі жағы шектелген

Кесінді біз сызамыз.

Оқулықтағы екі кесіндінің ұзындығын өлшеп, дәптерге жазу.

2 см 1 см ұзын кесінді

2см+1см=3 см

3 см 1 см қысқа кесінді

3см-1 см=2 см

(Тапқышбектің 2 тапсырмасы орындалып, екінші сызық сызылады.)

Сәйкестендіру тесті:

Тапқышбектің 3-ші тапсырмасы:

2 см

3 см

5 см

(Тапқышбектің 3-ші тапсырмасы орындалып болған соң, үшінші сызық сызылады)

Шығармашылық тапсырма:

Тапқышбектің 4-ші тапсырмасы:

2 см +* = 6 см

(Белгісіз 2-ші қосылғышты табу үшін, қосындының мәнінен 1-ші қосылғышты азайтамыз)

6см-2 см=4 см

8 см -* см=5 см

(Белгісіз азайтқышты табу үшін азайғыштан айырманың мәнін азайтамыз)

8 см-3 см=5 см

Жеке оқушыға тапсырма: 79 беттегі, 5 есеп

Майшамдарды ұзындығы бойынша орналастыру. (бастапқы, ортаңғы, соңғы)

(Тапқышбектің 4-ші тапсырмасы орындалып болған соң, үшінші сызық сызылады)

Қорытынды:

Ойын: «Ым-ишара»

1-топ: Құрт

2-топ: Сызғыш

3-топ: Жылан

Ұзындығы бойынша салыстыру.

Бекіту: -Балалар, Тапқышбек сонымен математика еліне жетті. Сендер Тапқышбекке өте жақсы көмектестіңдер.

-Тапқышбек математика еліне қандай жолмен жетті, яғни не арқылы жетті,?

-Ал енді осы кесінділердің ұзындықтарын қосайықшы?

-Бүгінгі сабақта не үйрендік?

-Кесіндінің ұзындығын қалай табады екенбіз?

Бағалау: Оқушыларды жинаған геометриялық фигураларының саны бойынша бағалау.

5-тен жоғары «5»

3-4 - «4»

3-тен төмен-3