“Әфган сугышы-йөрәк ярасы” тәрбия сәгате

"Әфган сугышы-йөрәк ярасы"

Ачык тәрбия сәгате

(Әфганчы- Әхмәтвәлиев Р.М. белән очрашу)

Максат:

Җиһазлау:

1 бала .

Бер бәйрәм бар февральдә

Кадерле ул һәркемгә

Аны иң зур бәйрәм дип

Мөмкин хәтта әйтергә

2 бала .

Ул-тынычлык бәйрәме

Аны һәркеше белә-

Ватанны саклаучылар

Бәйрәме дип йөртелә.

3 бала .

Ул-солдтлар бәйрәме

Без котлыйбыз аларны.-

Әтиләрне,абыйларны

Һәм бөтен солдатларны.

4 бала:Минем әти дә күптән

Солдатта хезмәт иткән

Әле егет чагында

Торган Ватан сагында.

Үскәч,солдат булырмын

Әтием кебек мин дә.

Турникта ул атынган

Канатта ул тартылган

Һәм күтәргән гер дә ул

Көчле шуңа күрә ул.

5 бала:Минем абый солдатта-

Ул анда тора сакта.

Ул ант биргән Ватанга,

Аны уяу сакларга.

6 бала Бабай да солдат булган,

Әти дә солдат булган,

Зур абый да солдат булып,

Ил чикләрендә тора

Кече абый солдат булып

Китте быел яз гына.

Мин үзем дә солдат булам,

Үсим әле аз гына.

Солдатларга багышланган җыр башкарыла:"Солдатта булган диләр".

Бик борынгы заманнардан ук Ватан сакчысы булу дәрәҗәсе, абруйлы һөнәрләрдән саналган.Һәркемгә мәгълүм булганча, сугыш корбаннарсыз булмый.Хәрби бурычын намус белән үтәгән, моның өчен гомерен дә кызганмаган ир-егетләрне- батыр дими кем дисең инде.Алар берсе дә онытылмый,һәйкәл булып баса бу батырлар.

7 бала Җиңүчеләр калка һәйкәл булып

Һәйкәл булып баса батырлар,

Ә батырлар ике тапкыр үлми

Алар җирдә мәңге балкырлар!

Гасырларның һәр минуты хәзер

Бер минут тынлык аларга

Тып-тын алар шуңа

Таш һәйкәлләр

Эчтән генә тиеш ятарга.

Бию: "Шәмнәр биюе".

8 бала. Бер утыру үзе бер гомер дип

Бабайлар бит юкка әйтмәгән

Бер очрашып серләр бүлешү

Бу гадәтләр әле бетмәгән

Безнең әтиләр җыелды

Ял итәр өчен бүген

Шул сүзләрнең матурын

Әйтмичә мөмкин түгел.

Шигырь сөйлиләр.

9 бала. Әйтсәләр дә: барып тор син, дип,

Дөньяның иң рәхәт җиренә,

Әйтер идем: кирәк түгел, дип,

Кайтам мин, дип, туган илемә

10 бала. Әйтсәләр дә: алтын сарайларда тор син,

Ләкин илең ирексез калсын дип

Әйтер идем: мине зинданга сал,

Фәкать илем ирекле булсын дип

10 бала. Аклары, каралары.

Дәшәбез сезгә, өлкәннәр,

Без- дөнья балалары!

Балаларныҗ сарылары

Аклары, каралары.

12 бала. Әрни әле сугышлардан

Калган җир яралары_

Төзәлсен иске яралар,

Булмасын яңалары.

13 бала. Сез "чәчәкләр" дисез безне-

Аларны сулдырмагыз!

Сез бит көчле- сугышларны

Моннан соң булдырмагыз!

14 бала. Өзмәгез ул чәчәкләрне-

Безсез нишләр Киләчәк?!

Без булмасак, җиребез бит

Суыначак, кибәчәк.

15 бала. Безсез ятим калачак җир,

Әйләнәчәк бансызга!

Җансыз үле планеталар

Галәмдә күп ансыз да.

16 бала. Явызлык аркасында ңир

Газаплар күп күргәндер .

Өзгәләмәгез сез аны-

Ул болай да бердәнбер!

17 бала. Бер югалтсак, булмас аны

Алышып яңасына-

Мәрхәмәтлерәкт булыгыз

Җиргә-күз карасына!

18 бала. Алсулансын алсу алма

Балаларның учында.

Җир байрагы- Алсу Кояш

Аллансын баш очында!

19 бала. Кояшлы булырга тиеш

Безнең һәрбер иртәбез.

Без сездән ТЫНЫЧЛЫК белән

БӘХЕТ таләп итәбез!

20 бала. Киләчәкнең зур сурәтен

Ясыйсы килә безнең.

Җырдан гөрләвен телибез

Әйләнә-тирәбезнең.

21 бала Ләкин әле җиребездән

Кан һәм яшҗ исе килә .

Юк, үләргә теләмибез-

Безнең яшисе килә!

Я-Ш-И-С-Е К-И-Л-Ә!!!!!

Җыр: "Билгесез солдат"

Хөрмәтле әтиләребез!Сезне бәйрәм белән ихластан тәбрик итәбез.Гаилә бәхете,бетмәс-төкәнмәс шатлык-куанычлар,ак бәхетләр телибез.