Паурочный план 'Етістік' (3- класс)

Сабақтың мақсаты : 1.Оқушылардың алдағы өткен сабақтарын пысықтай отырып,етістік туралы берілген білімді әр түрлі материалдар,ойындар бойынша еске түсіру,талдау.

2.Оқушылардың сөздік қорын молайтып,шығармашылығын дамыту,сауатты,көркем жазуға төселді

3. Жаңа технологияны басшылыққа ала отырып,білімдерін

тиянақтау, әдептілікке,мейірімділікке тәрбиелеу.

Сабақтың типі: Саяхат сабақ

Өту әдісі: Сұрақ-жауап,түсіндірмелі

Пән аралық байланыс: Өзін-өзі тану,дүниетану

Көрнекілігі: Интерактивті тақта, «Бәйтерек» суреті бейнеленген

плакат,ребус

Сабақтың барысы

Ұйымдастыру: Сабаққа психологиялық дайындық жасау.

- балалармен амандасу, түгендеу.

-Балалар,бүгінгі қазақ тілі сабағы ерекше сабақ болғалы отыр.Біздің сыныпқа көптеген қонақтар келіп отыр.Қонақтармен амандасайық.

Үлкенге де сіз,

Кішіге де сіз,

Сәлем бердік сіздерге

Құрметпенен біз.

Бүгінгі сабағымыз Астанаға саяхат сабағы болмақ.Қазір Астананың әсемдігін тамашалайық.(интерактивті тақтадан слайд көрсету)

Мінеки,балалар, «Бәйтеректің» басына шығып,елбасымыздың қолтаңбасына қолдарын қоюда.Ендеше,сол «Бәйтерекке» бүгін бізде шығып көрелік.Ол үшін әр аялдаманың сендерге қоятын сұрақтары бар.

1-аялдама: «Ой бөлісу орталығы» деп аталады.

Үй тапсырмасын тексеру:

1.Зат есім деген не?

2.Зат есімнің сұрақтарын ата?

3.Зат есімге мысалдар келтір?

4.Тәуелдеулі жалғау деген не?

5.Тәуелдік жалғаудың жақтарын ата?

6.Жазып келген шығармаларын тексеру?

2-аялдама: «Артық болмас білгенің»деп аталады.

Жаңа сабақ:

Етістік

«Ребус» шешу (етістік)

-Етістік дегеніміз не?

-Етістіктің сұрақтарын ата?

Оқулықпен жұмыс:

Сергіту сәті: Орнымыздан тұрайық,

Алақанды соғайық.

Бір отырып,бір тұрып,

Орнымызды табайық.

329-жаттығу. Мәтінді түсініп оқу.Мәтін неше бөліктен тұрады? «Мейірімді қыз»

3-аялдама: «Сауал-бізден,жауап-сізден» деп аталады.

Қорытындылау: 1.Етістік деген не?

2.Етістіктің сұрақтарын ата?

3.Берілген етістіктерді қатыстырып сөйлем құра:

(сайрады,еріді,ашылды,көктеді,отырғызды.)

4.Үйрек,қаз,тауық,балапан,қарға,тоқылдақ суреттерін

көрсету және оқушылар аталған құстарға байланысты сөйлем құрау.

Мысалы:Үйрек жүзді.Қаз қаңқылдады.

Сонымен балалар,сөйтіп біз де бәйтеректің ең биігіне шықтық.Елбасының қалдырған қолтаңбасындай біз де өз қолтаңбамызды қалдырайық.Әр оқушы өз қолтаңбасын көрсете отырып,өз арман-тілектерін айтады.

Үйге тапсырма: 331-жаттығу,өткен ережелерді қайталау.

Бағалау: Сабақта белсенді қатысып отырған оқушыларды бағалау.