Вне классный урок на 9 мая

Тақырыбы: Болмасын соғыс, болмасын!

Мақсаты: Оқушыларға Ұлы Отан сғысы жайлы түсінік бере отырып, елі үшін жанын аямаған батырларымыздың ерліктерін үлкен мақтанышпен түсіндіру. Бүгінгі күні саны азайып қалған ардагерлеріміздің рухтарына бас ие отырып, жас ұрпақ бойында Отанға деген махаббат пен елін қорғайтын патриоттық сезімді ұялату.

Көрнекілігі: жалынды сөздер,портреттер,соғыс майданының суреттері, ардагерлер суреті, видеоматериалдар.

Тәрбие сағатының барысы:

Кіріспе:

1941 жылы 22-маусымда фашистік Германия тұтқиылдан шабуыл жасады. Сол соғыстың алғы шептерінде қайсарлықпен шайқас жүргізіп, ерліктің сан үлгісін көрсеткен де, осы ардагерлеріміз. Жеңіс оңайлықпен келген жоқ. Жеңіс жолында Отан үшін су кешіп талай миллиондаған асыл азаматтар мерт болды. Жауымен жан аямай шайқасып, ерліктің ерен үлгілерін көрсетті. 1945жылы 30 сәуірде сағат 6, 30 - да жеңіс туы тігілді. Берлинде жеңіс туын тіккен Рақымжан Қошқарбаев. Төрт жылға созылған қан төгіс аяқталды.
Ана - жарын жолғалтқан жесір, бала - әкесінен, анасынан айрылған жетім атанды. Міне, Ұлы Отан соғысының жеңіспен аяқталғанына биыл мамырдың 9-ында 70 жыл болғалы тұр.

Қасым Қайсенов, Жұмағали Саин, Талғат Бигелдинов, Мұсабек Сеңгірбаев, Әлия Молдағұлова, Мәншүк Мәметова, Төлеген Тоқтаров, Бауыржан Момышұлы сияқты аты аңызға айналған ағаларымыз бен аталарымыз, әпкелеріміз бен апаларымыздың жасаған ерліктері мәңгі жадымызда қалады.

«Ешкім де ұмытылмайды, еш нәрсе де ұмытылмақ емес!». Осынау сөздер соғыста қаза тапқандар ескерткіштеріне тастан қашалып жазылған.
Сонау сұрапыл жылдары Жеңіс күнін жақындатуға атсалысқан жандарды 1минут үнсіздікпен еске алайық. (бейнеролик)
Ұлы Отан соғысын жырға қосқан ақындарымыз да аз емес. Олай болса,келесі жыр шумақтарын қабыл алыңыздар.

Даяна.

Болмасын соғыс!
(Ж.Ақылбайұлы)
Болмасын соғыс»
Тілегі солай ата - ананың.
Жарақат алып қорғаған елін, Ұлы Отанын,
Көшеде егер балдақты кісі кездессе
Жүрегім соғып ойланып бара жатамын.
Бақтарды басып, танктің тажал табаны,
Қандарға бөгіп бала - бақшалар алаңы.
Жауынгер болып от атып жап - жас жігіттер,
Атпаса екен шашынан сүйреп Ананы.

Болмасын соғыс!
Жасасын Жеңіс - мамыр - ай!
Қозы - лақ шапсын енесін еміп жамырай,
Тау азаматтар жарақат алып жатпасын,
Ажалын тауып қорғасын оқтан тарыдай.

Жасасын Жеңіс!
Бақытты елім күле бер!
Тәуелсіз болып болашағыңа жүре бер!
Болмасын соғыс!
Болмасын соғыс!
Болмасын!

Ғ. Темірлан

Ойлап-ойлап тұрдым көп,

Сауал бердім білгім кеп:

- Қуанышты мереке

- Жеңіс күні қай күн? - деп

. Атамнан да сұрадым,

Көкемнен де сұрадым.

Ағамнан да сұрадым,

Апамнан да сұрадым.

Тосты бәрі құлағын:

- Дұрыс, - десті, - сұрағың!

Бейбіт күні бәрі де

- Жеңіс күні, шырағым!

Алина

Сен құрметте оны

Сен құрметте оны!
Түсіндін, бе, қарағым?
Ол ақшаға сатқан жоқ,
Тізеден кесіп аяғын.
Еріккеннен ұстап та жүрген жоқ,
Қолтықтағы ұзын таяғын.
Кеше елге қатер төнгенде
Ол жауға қарсы шапты,
Бізді жалмамақ болған ажалды
Өр кеудесімен қақты.
Ол арыстанша алысты,
Өлім соққысын өз үлесіне алды.
Денесін оқ пәршелесе де
Ел намысын қорғап қалды.
Сен құрметте оны!
Түсіндің бе, қарағым?
Сенің келешегің үшін берді ол
Азаттық, жолында аяғын!

Ақерке

Қан майданның жүректе жарасы бар,

Қайғысы мен зілі бар, наласы бар.

Арамызда жүретін алшаң басып,

Ардагерлер азайып барасыңдар.

Қастерлейді халқымыз қаһарманын,

Жүр есінде сан жарық, сапарларың.

Қайран ерлер, қаһарман ардагерлер,

Қалды-ау сиреп бұл күнде қатарларың.

Алуа

Жасқанбаған жауынан жарақты ер,

Ерлігіңді аңыз ғып таратты ел.

Қаһармандық дегенді кейінгі ұрпақ,

Жүздеріңе сендердің қарап білер.

Дарқан мінез, дария ой, дара шыңдар,

Жарқын жүзді, жүрегі ақ, жаны асылдар.

Арамызда жүретін алшаң басып,

Майдангерлер азайып барасыңдар.

Дидар

Жеңіс күні ардагерлер әперген,

Желбіретіп қызыл туды көтерген.

Туған елін жау қолында қалдырмай,

Ерлікпенен ел парызын өтеген.

Т.Темірлан

Он сегізде соғыс атты от кешкен,

Жараланып жас денесін оқ тескен,

Аталарым, ардагерлер, болшы аман,

Зейнетін көр бейнетіңнен мол кешкен.

Мадина

Ардагерлер, ұзақ өмір сүріңдерші,

Арамызда ардақ болып жүріңдерші!

Құрметтейік жеңісті мамырдағы,

Бақыттан рахаттанып күліңдерші!

Гүлім

Бүгін жайнап жасарсын ана біткен,

Асыр салып қуансын бала біткен.

Жүректері жарылсын қуаныштан,

Аяласын көңілі жақсы үмітпен.

Бекжан

Бақыт сыйлап жатады әр күн
Санамызға жарық берген
Әкелері аталардың
Бұл Жеңісті алып келген

Даниял
Қуантамыз ән сап жұртты,
Келе берсін бақыт таңы.
Жеңіс күнің болсын құтты,
Батырлардың ұрпақтары

Азат

Барша халық жеңіс күнін тойлайды,
Жас сәбилер думандатып ойнайды.

Ардагерлер көздеріне жас алып,
Ұрпақтардың амандығын ойлайды.

Азиза

Келді міне,күндей жайнап гүл көктем.

Самал желі шашты тарап,бетті өпкен,

Ұмытуға хақымыз жоқ оларды.

Олар біздің бақыт үшін қан төккен,

Жалғас
Соғыс жалмап аға-іні бауырды,
Зар жылатты тыныш жатқан ауылды.
Жалғызынан айырыпты ананы,

Әкесінен айырыпты баланы.

Хор: «28 батыр»

Бүгінгі тәрбие сағатымызды бекіту мақсатында, еліміздің қаһарман ұлы, батыр атамыздың өз майдандас достарының рухына бағыштаған мына сөзіне көңіл аударайық.(бейнеролик Бауыржан ата сөзі)

Міне, Жеңіс бізге оңайлықпен келмеген екен. Біз өзіміз кішкентай болсақ та, соғыстың жаман екенін жақсы білеміз. Енді соғыс болмасын! Сол мақсатта бейбітшілік құсы ақ көгершін қанатына өзіміздің ақ тілегіімізді жазайық. (Көгершіндерге оқушлар өз тілектерін жазады.) Қош сау болыңыздар!

Ардагер Нұрханов Қасыбай атамен кездесу

Сараптама.

Жеңіс оңайлықпен келген жоқ. Жеңіс жолында Отан үшін су кешіп талай миллиондаған асыл азаматтар мерт болды. Біз өзіміз кішкентай болсақ та, соғыстың жаман екенін жақсы білеміз. Енді соғыс болмасын! Осы Ұлы мерекенің 70 жылдығына «Болмасын соғыс, болмасын!» тақырыбында, «Оқушыларға Ұлы Отан сғысы жайлы түсінік бере отырып, елі үшін жанын аямаған батырларымыздың ерліктерін үлкен мақтанышпен түсіндіру. Бүгінгі күні саны азайып қалған ардагерлеріміздің рухтарына бас ие отырып, жас ұрпақ бойында Отанға деген махаббат пен елін қорғайтын патриоттық сезімді ұялату мақсатында өткізілген тәрбие сағатыың орны ерекше болды. Тарихымызды біліп өскен жасампаз ұрпақтың елінің болашағына жауапкершілікпен қарайтынына сенемін.