Ашық сабақ ана тілі тақырыбы:сурет сабағы

Пәні:Ана тілі

Күні:18.04.2016

Сабақтың тақырыбы: Сурет сабағы.

Сабақтың мақсаты:

а)Білімділік :Сурет сабағы өлеңімен таныстыру,мағынасын ашу.Сөйлем тарауын пысықтау ,жаттығуларды өз бетінше орындау қабілеттерін дамыту,ойын еркін жеткізуге үйрету.

ә)Дамытушылық:Оқушылардың алған білімдері бойынша түйін сөз айтуға ,тұжырым жасауға ,проблемалық сұрақтардан шыға білу дағдыларын дамыту.

б) Тәрбиелік:Оқушыларды әрбір сабаққа деген қызығушылығын ояту,сол сабақтан қажетті білім алуға тәрбиелеу.

Сабақтың түрі:аралас сабақ

Сабақтың әдісі:түсіндіру,сұрақ-жауап

Сабақтың көрнекілігі:слайд,суреттер,сызбалар,бағдаршам

Сабақтың барысы:

І.Ұйымдастыру:-Амандасу.

Топқа бөлу:

І топ:Сөйлем

ІІ топ:Нүкте (хабарлы сөйлем)

ІІІ топ:Сұрақ белгісі (сұраулы сөйлем)

ІV топ:Леп белгісі(лепті сөйлем)

ІІ.Үй тапсырмасын тексеру:

-«Ән сабағы» өлеңін жатқа сұрау. «Қалам тастау» стратегиясы.Төрт топтан бір оқушыдан сұрау.

Өткен сабақтарды сұрақ арқылы бекіту:

1.Адамға өнер не үшін қажет?

2.Күләш деген кім?

3.Шара деген кім?

4.Өздерің қандай өнерді қалайсыңдар?

ІV.Мақсат қою:-Слайдтан сурет көрсетемін,нені көріп тұрғанын сұраймын.

-Сурет,ендеше суретті қандай сабақта саламыз?

-Сурет сабағы.

-Олай болса бүгін сендермен Оспанхан Әубәкіровтың «Сурет сабағы» өлеңімен танысамыз.

V.Жаңа сабақ:

Сурет сабағы.

Шіркін ,сурет сабағы

Ауылды еске салады.

Мың құбылтып бояймын

Туып -өскен даланы.

Қызыл бояу-қызғалдақ,

Сары бояу -сарғалдақ.

Жасыл бояу-жайлауым,

Іздеп барар армандап.

1топ.-Суретші болу үшін не қажет?

2топ.-Сурет сабағында қандай құралдар пайдаланамыз?

3топ.-Сендер қандай сурет салғанды ұнатасыңдар?

4 топ.-Суретті қандай сабақта саламыз?

-Суретшілерден кімді білеміз?

-Бұрын естіп-білмесек қазақтың атақты суретшісі Әбілхан Қастеев аталарың туралы өтеміз.

-Өлеңді оқу.

-Жалпы бір оқыту.

-Бір,екі оқушыға оқыту.

-«Тауып оқу» стратегиясын қолдану.

-Қызғалдақ,сарғалдақ,жайлау туралы айтылған жолдарды тауып оқу.

Әбілхан Қастеев өмірі.

1904 жылы Алматы обылысы ,Жаркент ауданында туған.

Еңбектері: «Ескі және жаңа тұрмыс», «Амангелді сарбаздары», «Қарындастың портреті» еңбектері бар.

Олай болса балалар Н.Әлімқұловтың «Суретші ата Қастеев» өлеңімен танысамыз.

Бар қазаққа аты аңыз,

Қастеев-біздің атамыз

Көріп салған суретін,

Мәз -мейрам боп жатамыз.

-Сергіту сәті.

-Дәптермен жұмыс:

-Күннің жадын жазу

-Ұ ұ әрпі көркем жазу

155 -жаттығу.

-Берілген сөйлемдегі көп нүктенің орнына қажетті сөздерді қойып көшіріңдер.

-Көйлекті неден тігеді?-Көйлекті матадан тігеді.Нені сүтті ұйытады?-Айранды сүттен ұйытады.Алманың дәмі қандай?-Алманың дәмі тәтті.Ненің түсі қызыл ?-Шиенің түсі қызыл.Құстың қанаты нешеу?-Құстың қанаты екеу.

-Сөйлемдердің соңында қандай тыныс белгілері қойылған?

156 -жаттығу.

Жаңылтпашты оқып ,сөйлемдердің соңына қандай тыныс белгі қойылғанын аңғарыңдар.

Жаңылтпаштар

Қарындашыңның ұшын үшкірлеп ұшта,

Үшкірлеп ұстап,сақтап ұста!

Ала -ала алашалар,

Тамаша олар,

Оған кім таласа алар.

Жағажайды жағалай

Жүгіреді Қамажай.

Пай -пай-пай

Жүгіріп жүр тай

Ай-ай-ай ,

Ұшып кетті торғай.

V.Бекіту:-Бүгін балалар біз сендермен қандай тақырып өттік?

-Сөйлем неден құралады екен?

-Сөйлемнің бірінші сөзі қандай әріппен жазылады?

-Сөйлем соңына қандай тыныс белгі қойылады?

VІ.Қорыту: «Бағдаршам»

-Бүгінгі сабақ түсінген болсақ бағдаршамға түстерді жапсырайық.

VІІ.Бағалау.