ҚАзақ тілі 'Сөз тіркесі'

Маңғыстау облысы

Жаңаөзен қаласы

№ 6 орта мектеп

бастауыш сынып мұғалімі

Изимбергенова Нургуль Кусаиновна

Қазақ тілі

4- сынып

Сабақтың тақырыбы: Сөз тіркесі

Сабақтың мақсаты: Сөз тіркесі ұғымын толық түсіне отырып,алған білімін

толықтыру және мағынасын түсіну,сөз тіркесінің

грамматикалық ерекшелігін ұғындыру.

Дамытушылығы: Оқушылардың дүниетанымын,ойлау қабілетін,танымдық,шығармашылық қабілетін тапсырма мен сұрақтар арқылы байқау,белсенділігін дамыту.

Тәрбиелігі: Сауаттылыққа,жылдамдыққа,еңбексүйгіштікке тәрбиелеу.

Өткізу әдістері: Сұрақ-жауап,ойын,топпен жұмыс.

Пәнаралық байланысы:Математика,музыка,дүниетану.

Сабақтың барысы:

І. Ұйымдастыру

Кіріспе.

Психологиялық дайындық:

«5»болсын алар бағамыз.

Біліммен бақыт табамыз

Өнерменен өрістеп

Өсе берсін санамыз

Мақсатымыз білім алу,

Міндетіміз еңбек ету.

- Олай болса,«Бірлік болмай,тірлік болмас» мақалын басшылыққа ала отырып жұмыс жасаймыз.

ІІ. Үй тапсырмасын тексеру.

а) - Өткен сабақтарда не туралы оқып білдік?

- Мәтін деген не?

- Мәтіннің қандай түрлері болады?

- Мәтінге ат қою деген не?

- Тақырып деген не?

- Мәтіндегі негізгі ой деген не?

ә) Тест жұмысын орындату.

б) Дәптер алмастыру.

ІІІ. Жаңа сабақ.

1) Ребус шешу.

С көз үтір кесе і Сөз тіркесі

2) Кесте ілу.

ағаш қасық тез оқу

көк шөп мектепке келу

мектеп мұражайы дұрыс жазу

төрт тоқсан есеп шығару

3) Ережені айту,оқушыларға ережені оқыту,мысалдар келтіру.

118-жаттығу

Ережені оқушыларға оқыту,сұрақ қою арқылы түсіндіру.

Емен ағашы,жүйрік ат,темір күрек,киіз үй,жез шәугім,қой қора,күміс медаль,қыш құмыра,түлкі тымақ, қыл шылбыр,бота көз.

-Балалар,сөз тіркесінің екінші сыңарлары қай сөз табынан жасалған?

Осындай бес сөз тіркесін құрастыру.

ІҮ. Сергіту сәті

Біздер тату баламыз,

Гүл-гүл жайнап жанамыз.

Жаттығулар жасасақ,

Біздер сергіп қаламыз.

119-жаттығу (тақтада орындату)

Оқушыларға тапсырмасын орындатамын

Жиырма оқушы оқыды.Әдепті қыз боламын.Мөлдір бұлақ ақты.Жасыл қарындаш берді.

«Кім шапшаң?» ойыны

Ол үшін үлгі бойынша сөз тіркесін құрау керек.3 қатарға бөліп ауызша өткізу.

Зат есім+етістік

Сын есім+зат есім

Сан есім+зат есім

120-жаттығу(өзіндік жұмыс)

Биік тау,мөлдір бұлақ,кең өріс,ашық аспан,ақ тауық,таза сынып,таза жазу,үлкен үй,тәтті шырын,қалың қар,терең құдық,жақсы оқушы.

Сөз тіркесінің қай сөз таптарынан жасалғанын анықтау

«Тіркесін тап» ойыны

Кодоскопта жазылған сөздерге ауызша тіркестерін тапқызу.

Өзен,төсек,көбелек,көктем,жыл,сурет,көмір,үй.

«Ойлан тап» ойыны

Карточкалармен жұмыс.

Сұрақтар:

1. Отан туралы мақал айт.

2. Қазақтың үш биін ата.

3. Бишілер сөзін сөз құрамына талда

4. Қазақстанның жер көлемі қанша?

5. Қазақстан қай мемлекеттермен шектеседі?

6. Өзім сөзден тұрамын,аяқталған ойды құрамын.

- Қандай сөз шықты? (Республика күні)

- Қазақстанның мемлекеттік егемендігі туралы Декларация қашан қабылданды?

- Қазақ КСР-і қай уақыттан бастап Қазақстан Республикасы деп атала бастады?

- Тәуелсіздікке байланысты қандай өлеңдер білесіңдер? (жатқа айтқызу)

Ү. Сабақты қорыту.

- Бүгін не үйрендік?

- Сөз тіркесі деген не?

- Қандай жұмыстар жасадық?

- Қай мақалды ескере отырып жұмыс жасадық?

- Бірлесіп жұмыс жасасақ,неге қол жеткізуге болады?

- Сабақ сендерге ұнады ма?

Оқушыларды бағалау.

Үйге:121-жаттығу