Математика Пысықтау 1 сынып

Математика 1 сынып

Сабақтың тақырыбы : Пысықтау.

Сабақтың мақсаты:

Білімділігі : өткен тақырыптар бойынша оқушылардың білімін пысықтау.

Дамытушылығы : тез ойланып, шапшаң есептеуге баулу, ой-өрісін дамыту.

Тәрбиелігі : ұжымды жұмыс істеуге, жолдастарының пікірін тыңдауға, сонымен қатар өзін де пікір білдіруге тәрбиелеу.

Сабақтың түрі: аралас сабақ.

Әдісі : түсіндіру, сұрақ-жауап, тапсырмалар орындау.

Көрнекілігі : мысалдар, суреттер,

Пәнаралық байланыс: ана тілі, дүниетану.

Сабақ барысы :

І. Ұйымдастыру кезеңі.

Психологиялық дайындық.

Мұғалім :

Қош келдіңдер,балалар,

Дайынбыз ба сабаққа?

Бар ма үйден дайындық,

Тапсырмаңыз дұрыс па?

Ойымызды айтайық,

Білімімізді байқайық.

Мына отырған ұстаздар,

Қалсын бір сәт марқайып.

ІІ. Өтілген тақырыптарды пысықтау.

1-ден 10-ға дейін тура және кері санау.

«Көршісін ата» ойыны.

Кіші көршім оң жақта,

Үлкен көршім сол жақта.

Тұрушы еді қасымда,

Қайда кеткен жан-жаққа

Ойын «Тез есепте»

Нұрбекте 2 алма,

Әминада 2 алма.

Барлығын қосқанда,

Болады неше алма? ( 4 )

4 алманың 2-ін,

Досың сұрап алады.

Айтшы сонда нешеуі,

Өз қолыңда қалады? ( 2 )

Алма ағашта 4 алма,

Қандай жақсы жесе алма.

4-інде жеп қойдық,

Қалды сонда неше алма? ( 0 )

Бестен төрті алайық,

Қанша қалды қарайық.

Қарайық та , санайық,

Санайық та , табайық? (1 )

Желмен 2 жапырақ ұшты,

Тағы 2-уі үзіліп түсті.

Үзілді тағы екеуі,

Барлығы ұшты нешеуі? ( 6 )

Бесбайда бар 5 іні,

Естайда бар 2 іні

Қоссаң бес пен екіні,

Неше болады шешуі? ( 7)

ІІІ. Жаңа сабақ.

Шанамен зырғып желдетіп,

Шаңғы, коньки тебетін.

Аққала жасап ойнайтын,

Қай мезгіл деп ойлайсың? ( Қыс )

Ал жақсы балалар, олай болса біз бүгін қыс мезгілінің қыр-сырын ашайық:

Тақтадағы фигуралардан не құрастыруға болады? / Шырша, аққала /

Бұларды қай мезгілде жасаймыз? / Қыста /

Қыс мезгілі бізге бірнеше тапсырмасын дайындаған екен, оны орындасақ қыс мезгілінің тамаша құпияларын біліп аламыз.

Әр тапсырманы дұрыс орындаған оқушыға жетондар беріледі.

Жасырын тұрған сөздерді ашамыз.

№1 тапсырма .

Қыс айларын атайық. / ЖЕЛТОҚСАН, ҚАҢТАР, АҚПАН/

Өзіндік жұмысы орындалады дәптерге / 18 бет/

№ 2 тапсырма.

Ұзындықтар, сандар мен өрнектер, өрнектер мен өрнектерді салыстыру.

Мамықтай ұлпа,

Қанттай ақ.

Қыста жер бетін басады,

Жазда сайға қарай қашады.

«Қар» сөзі ашылады

Қар - қыста жауатын ақ түсті тоңазыған атмосфералық жауын-шашын.

Сергіту сәті.

Бір, екі, үш қарлығаш боп ұш.

Төрт, бес, алты қарлығаш боп қалқы.

Жеті, сегіз, тоғыз, он қарлығаш боп қон.

№ 3 тапсырма./Оқулық/

Өнері жоқ, қолы жоқ,

Сурет салуды біледі.

«Аяз» сөзі ашылады.

Аяз - қыстың ызғарлы суығы.

№ 3 тапсырма / Дәптердегі/

Сандарды өсу және кему ретімен жазу.

Ышқынады өзі жоқ,

Ысқырады сөзі жоқ.

«Боран» сөзі ашылады.

Боран - қарды бұрқыратып соғатын қатты жел.

№ 4 тапсырма

Суреттер бойынша теңдіктер құрастыру

4 + 4 = 8 7 - 2 = 5 2 + 4 = 6

Отқа жанбайды, суға батпайды.

«Мұз» сөзі ашылады.

Мұз - аяздан, суықтан қатқан су.

№ 5 тапсырма

1-ші - көк қарындаш 3-ші - сары

2-ші - жасыл 4-ші - қызыл

Қыс болса құрып өрмегін,

Салды небір өрнегін.

«Қырау» сөзі ашылады.

Қырау - тоңазыған дымқыл ауаның жерге , ағашқа қар тәрізді болып ағарып қонған күйі.

</

Сонымен тақтадағы сөздерге қарайықшы.

Қыстың барлық құпиялары ашылды ма?

Бұларды дүниетану сабағынан не деп атаймыз?

Табиғат құбылыстары.

Бұл табиғат құбылыстары жылдың қай мезгілінде болады?

ІV . Сабақты қорытындылау.

V. Жинақталған жетондар бойынша бірін-бірі бағалайды.