Сабақтың тақырыбы: Өткенді қайталау. Өрнектер. Салыстыру. (Жеті лақ ертегісін пайдалану)

Пән: математика 1 сынып

Сабақтың тақырыбы: Өткенді қайталау. Өрнектер. Салыстыру. (Жеті лақ ертегісін пайдалану)

Сабақтың мақсаты: Оқушылардың өткен тақырып бойынша білімдерін жүйелеу, тиянақтау.

Сабақтың міндеттері:

Білімділігі: Оқушының білімге деген құштарлығын арттыру.

Дамытушылығы: Ойлау қабілеттерін дамыта отырып, ауызша, жазбаша есептеу дағдыларын жетілдіру, сөздік қорларын молайту, мәнерлеп оқу дағдыларын қалыптастыру, сөйлеу мәдениетін дамыту.

Тәрбиелігі: Өз білімдерін пайдалана білуге, ізденімпаздыққа, еңбек етуге тәрбиелеу.

Сабақтың түрі: кіріктірілген сабақ (дүниетану, еңбек, музыка, сауат ашу, бейнелеу өнері, өзін-өзі тану, дене шынықтыру)

Сабақтың әдісі: сұрақ-жауап,ертегі

Сабақтың көрнекілігі: презентация.

Сабақтың барысы:

І.Ұйымдастыру кезеңі 1. Сабаққа назарын аудару.

Бүгін бізде ерекше сабақ болады.Сендердің білімдеріңді көруге қонақтар келіп отыр.Бір сабақта бірнеше пәннен білімдерімізді қайталап ертегілер еліне саяхатқа шығамыз.Сабағымыздың мақсаты:Өткен тақырып бойынша білімдерін жүйелеу, тиянақтау Сабақта алаңдамай,еркін еңбек етіңдер.Өз ойларыңды қысылмай,ашық айтыңдар.Мен сендерге сәттілік тілеймін.

2. Психологиялық дайындық.

Мұғалім: - Екі көз не үшін керек ?

Балалар: - Жақсылықты көру үшін.

Мұғалім: - Екі құлақ не үшін керек?

Балалар: - Ақыл-кеңес тыңдау үшін.

Мұғалім: - Екі қол не үшін керек?

Балалар: - Елге көмек беру үшін.

Мұғалім: - Екі аяқ не үшін керек?

Балалар: - Шетте жүрсең,

Туған жерге жету үшін.

Мұғалім:

-Ал жүрегің не үшін керек?

Балалар: - Бар жақсыны сезініп, ал қиналғандарға көмек қолын беру үшін.

- Балалар, бір-біріңнің қолдарыңнан ұстап, көздеріңді жұмып, бүгінгі сабаққа сәттілік тілейік. Бір-бірлерімізге жақсы тілектер айтсақ бүгінгі сабағымызда «Жеті лақ» ертегісіндегі ешкінің лақтарын қорғауға көмектесеміз. Сендер ертегіні білесіңдер сол ертегі аздап өзгеріске ұшырап тұр, ондағы қасқыр ешкіге оңайлықпен лақтарын беретін түрі жоқ. Оған 6 лағын құтқару үшін 6 түрлі тапсырмалар беріп отыр соларды орындауға көмектесе аласыңдар ма?Ендеше.Біз нені үйрендік?санауды үйрендік,сандарды оқуды және жазуды үйрендік,сандарды салыстыруды үйрендік,Фигураларды бір-бірінен ажыратуды үйрендік.

1-тапсырма (еңбекке баулу)

Сәуір айында болған мерекені еске түсірейікші.Дұрыс 12 сәуір ғарышкерлер күні.Ең бірінші ғарышқа Ю.А.Гагарин ұшты,ал қазақ ғарышкері Тоқтар Әубәкіров,Талғат Мұсабаев екен. Ойын «Құрастыр» геометриялық пішіндерден зымыран (ракета) құрастыр.Кітаппен жұмыс.192-бет№1есеп

Бір нүктеден шығатын шексіз сызықты «сәуле» дейміз

Екі жағы шектеулі түзі сызықты «кесінді» дейміз

Бұрыш- бір нүктеден</<font face="Times New Roman, serif"> шыққан әр түрлі екі сәуледен құралған геометриялық фигура

2-тапсырма (сауат ашу)

Буындардан сөз құраймыз Ай, дар, гүл, ман, ша, наш, бар, нұр, шат.Май,нұр, Ай,Жа,Нұр,нар,асыл,Мар,жан,Зей,неп,Да,нил.Са,мат,Ай,гул,Нұр,жан,

-Неше адамның аты құралды?

-Сегіз (8)

-Ендеше 8 санының құрамын айта қойыңдаршы.

Ауызша есептеу ;

5+3,4+5,6-2,9-6,3+4,8+2,4+4,5-3,8-8,6-6,2+4.

3-тапсырма (дүниетану)Дәптермен жұмыс.

-Балалар қасқырдың ендігі тапсырмасы есеп. Есептің неше құрамды бөліктері бар,атаңдаршы.

- Дұрыс шарты,сұрағы,шешуі,жауабы.

- Олай болса мен есепті оқимын сендер мұқият тыңдаңдар.

Балалар мектеп жанына 6 үйеңкі және 4 емен ағаштарын отырғызды. Балалар мектеп жанына неше ағаш отырғызды?

Үйеңкі-6

Емен-4

Барлығы-?

Шешуі:6+4=10

Жауабы:10 ағаш.Ағаштарды не үшін отырғызамыз? Ағаштарға нелер зиян келтіреді? Оларды қандай құс емдей алады? (тоқылдақ)

Теңдеуді шешу: а+2=5 5+а=9 а-4=4

Сергіту сәті

4-тапсырма (дүниетану)

-Балалар біз сәуір айының мерекелерін білдік, енді келесі мамыр айының алғашқы мерекесін кім біледі? Сол мерекені қасқыр білмейді екен.Кәне кім айтады 1-мамыр бізде қандай мереке.

-1-мамыр достық,бірлестік,ынтымақ күні. Біздің Республикамызда көп ұлттар тұрады. Қазақта мақал бар «Бірлік болмай-тірлік болмас» ендеше қазір бірігіп ойланып мына мысалдарды шығарып, салыстырайық. Әйтпесе қасқыр ашуланып, ешкіге лақтарын бермей қояр.

2*9-2 3+5*5 2*4+5 2*5 5*6

1*6-2 4-2*3 9*5-4 4*6 9*4

2*5+1 2+2*5 5*4+5 6*2 5*4

а+2 а-5,3,8,7,4,6 а-2 а-5,3,8,7,4,6

5-тапсырма (дүниетану)Қасқыр сендерге өзі мағынасын білмей мынандай тапсырма әкеліпті балалар. Қазір мен сендерге математикалық жұмбақ жасырамын, ал сендер сол жұмбақтың шешуін тауып көріңдер.

Адамда қанша көз бар? (2)

4 ке 4-ті қосқанда неше болады? (8)

Аспанда неше күн бар? (1)

5-тен кейінгі сан? (6)

Адамда қанша саусақ бар? (10)

Бағдаршамда неше көз бар? (3)

Жануарлар неше топқа бөлінеді?(2)

Адамның сезім мүшелері нешеу?(5)көз,мұрын,құлақ,тіл,тері.

Қолғапта неше саусақ бар? (5)

Жылдың неше мезгілі бар?(4)

Домбырада неше перне бар? (9)

Төртбұрыштың неше бұрышы бар? (4)

Бір аптада неше күн бар? (7)

Суда өседі өнеді

Сыртқа шықса өледі(балық)

«Кім жылдам»ойыны.Енді балалар кәне кім көп балық аулайды екенойнайық.

6-тапсырма: (бейнелеу)

Қасқыр келесі тапсырмасын мынандай конвертке жасырып қойыпты. Мұнда не бар екен?!

Карточкамен жұмыс делінген.

ІІІ.Қортындылау

-Алақай қасқырдың берген барлық тапсырмаларын орындадық ол лақтарды босатты, ешкіге көп көмегімізді тигіздік. Ешкі тәрізді тағы көмек сұрағандар болса көмек көрсетеміз бе?

-Иә,міне бүгінгі сабағымызда қасқырдың тапсырмаларын орындадық. Тапсырмалар қиын болды ма?

-Қай тапсырма қиын болды?

ІҮ. Рефлексия

-Сабақ сендерге ұнады ма? Несімен ұнады?

Сабақ ұнаған жағдайда көгалға қолдарыңдағы ешкінің суретін, ұнамаған жағдайда қасқырдың суретін іліңдер.

Ү. Бағалау. Сабаққа қатысқан балаларды бағалау.