План конспект Дуниятонуш 'Көктат' 1-синип

Дуниятонуш. 1-синип

Дәрисниң мавзуси: Көктат.

Дәрисниң мәхсити: а)Мавзу бойичә чүшиник бериш,көктатлар билән тонуштуруш.

ә) Ойини, билимини, тилини риважландуруш

арқилиқ әтрапқа болған қөз қаришини қелиплаштуруш.

б) Әмгәк қилишқа, адәмгәрчиликкә,тәбиәтни сөйүшкә

тәрбийиләш.

Қоллинидиған усул: соал-жавап, көрситиш, чүшәндүрүш.

Қоллинидиған көрнәкликләр: Көктатлар сүрәтлири.

Дәрис түри: Йеңи билим бериш.

Пән ара бағлиниш:Қазақ тили, математика.

Дәрисниң бериши.

І.Уюштуруш қисми.

Бүгүн қайси күн? Қайси ай?

• Һазир қайси пәсил?

Һазир күз пәсли.

• Күзгә қайси айлар ятиду?

• Сентябрь, октябрь, ноябрь.

• Қени, мону сүрәттә қайси пәсил тәсвирләнгән?

• Сүрәттә күз пәсли тәсвирләнгән.

-Бүгүн күн қандақ? Һава райи тоғрисида сөзләймиз.

ІІ.Өткән дәрисни әскә чүшириш.

Оюн «Неминиң уруғи?»

• Дурус балилар,мошу нәрсиләрни қазақ тилида ейтип көрәйли, силәр тәкрарлап әстә сақлаңлар!

Өрүк-өрік,алма-алма,үзүм-жүзім,шаптула-шабдалы в.б.

Уруқни өсүрүш үчүн немә һажәт?

Өтүлгән дәрисни яхши әстә тутуңлар!

ІІІ.Мәхсәт қоюш:

Балилар бүгүн биз силәр билән көктатлар тоғрисида чүшиник алимиз.

ІV.Йеңи дәрис:

Қени әнди,сүрәткә қараймиз.Немиләрни көрүватимиз, атайли.

Көктатлар-тамаққа пайдилинидиған өсүмлүкләр.Тамаққа уларниң һәр хил қисимлирини (мевисини,йопурмиғини,ғолини якийилтизини)пайдилиниду.Көктатларни адәмләр өстүриду.

Түгүн,пияз-озуқлуқ маддиниң жиғилишидин топа арисидики ғолниң йоғарған қисми.

Капуста-зич орилип өскән йопурмақ.

Йилтиз йемишлар(қизилча,редиска,сәвзә) -озуқлуқ маддиниң жиғилишидин йоғарған өсүмлүк йилтизи.

Тәрхәмәк, помидор йемишлири чечәктин пәйда болиду.

Көктатниң бәзи бир түрини йәргә уруқ териш арқилиқ өсәрсә, бәзилирини көчәт һалитидә тикиду.

Көктатларни қишлиғиму өсирип пайдилиниду. Уни өсиридиған йәрни теплица дәп атайду.Шуңлашқа шәһәрләрдә қиш-яз көктатлар базарларда сетилиду.

V.Йеңи дәрис бойичә чүшәнчисини байқаш.

Дәрислик билән ишләш.

Нутқини өстүрүш.

Балиларға сүрәт берилиду. Шу сүрәт бойичә өз пикрини ейтиду.

М: Пияз- дехан әмгиги.

Көктатлиқта өстүримиз.Тамаққа тоғраймиз.

VІ.Йәкүнләш:

Балилар бүгүнки дәрис силәргә яқтиму?

Қени, у чағда шеирий қурларни қайтилайли.

Мевиләр тоғрисида билидиған шеирий тепишмақларни ейтимиз.

Сәвзә:Худди қаққан қозуқтәк,

Бешим йәрниң қойнида.

Арман қилар кечәк-күндүз,

Тошқанниң мән ойида.

Лаза : Көрүнүшим зәп чирайлиқ,

Қизил,йешил болимән.

Әгәр тутсаң қолуң билән,

Ечилиду,көйиду.

Қизилча :Өзәм қизил,бәкму ширин,

Малға озуқ болимән.

Қайта ишләп чиқса,мени,

Қумшекәр,қәнт болимән.

Капуста: Өзәмчә мән модикәш,

Қәвәт-қәвәт кийинимән.

Мәйли қанчә иссиқ болсун,

Һеч йешингүм кәлмәйду.

Помидор: Қизилмилиқ дәптекән,

Бурун өткән заманда.

Хам сәй қилип йәптекән,

Қизирип,хоп пишқанда.