Бастауыш сыныпқа арналған сыныптан тыс жұмыс

Қарашоқат орта мектебі

« Білім жәрмеңкесі »

(сайыс)

Сыныбы: 2-сынып

Дайындаған: П. Тәңірбергенова- бастауыш сынып мұғалімі

2012-2013 оқу жылы

6.12.2012 ж 2-сынып

Тақырыбы: Білім жәрмеңкесі

Мақсаты: оқушылардың алған білімдерін жинақтап жүйелеу, танымдылығын, әр пәнге деген қызығушылығын арттыру. Өз ойын жеткізе білуге, өзгені тыңдай білуге тәрбиелеу.

Көрнекілігі: слайдтар, тәжірибеге қажетті құралдар, топ аттары жазылған парақшалар

Барысы: І. Зеректік

ІІ. Терең білім

ІІІ. Ғажайып үштік

ІҮ. Жүйрік ой

Мұғалім: Сәлеметсіздер ме, құрметті мұғалімдер мен оқушылар. Бүгінгі 2-сыныпта өткелі отырған «Білім жәрмеңкесі» сайысына қош келіпсіздер.

Мубаракова Назерке Ы.Алтынсариннің «Кел, балалар, оқылық!» өлеңін оқиды.

Бүгінгі сайыста 2-сынып оқушыларынан құралған үш топ сынға түседі.

І топ - «Бірлік»

ІІ топ - «Татулық»

ІІІ топ - «Достық»

Әділ-қазы алқасымен таныс болыңыздар.

1.

2.

3.

Балалар, бұл жол басы даналыққа,

Келіңдер, түсіп, байқап қаралық та,

Бұл жолмен бара жатқан өзіңдей көп

Соларды көре тұра қалалық па?!

Даналық - өшпес жарық, кетпес байлық,

Жүріңдер, іздеп тауып алалық та.

І бөлім - «Зеректік»

1-топқа сұрақтар:

1. Қазақстан Республикасының мемлекеттік тілі қандай тіл? (қазақ тілі)

2. «Күз» өлеңінің авторы кім? (Абай Құнанбаев)

3. Басты байлық не? (денсаулық)

4. 1 жылда неше ай бар? (12)

5. Күйді орындаушы адам (күйші)

6. Ұя салмайтын құс (көкек)

7. Заттың қимылын, іс-әрекетін білдіретін сөз табы (етістік)

2-топқа сұрақтар:

1. Қазақстан мемлекеттік рәміздері (гимн, елтаңба, ту)

2. Қазақтың тұңғыш ғарышкері (Т. Әубәкіров)

3. Көру мүшесі (көз)

4. Бір ғасырда неше жыл бар? (100)

5. Екі ақынның өлең жарысы (айтыс)

6. Күндіз көрмейтін құс (жапалақ)

7. Үш биді ата (Төле, Қазыбек, Әйтеке)

3-топқа сұрақтар:

1. Есту мүшесі не? (құлақ)

2. «Ғылым таппай мақтанба» өлеңінің авторы кім? (А.Құнанбаев)

3. ҚР-ның гимнінің сөзін жазғандар (Ж.Нәжімеденов, Н.Назарбаев)

4. «Көлдің сәні» деп қай құсты айтамыз? (аққу)

5. 1 тәулікте неше сағат бар? (24)

6. Заттың атын білдіретін сөз табы. (зат есім)

7. Төрт түлікті ата. (түйе, сиыр, жылқы, қой, ешкі)

«Оқулық» Н.Айтов.

ІІ бөлім - «Терең білім»

Бұл бөлімде негізгі төрт пән бойынша сұрақтар беріледі.

Білімді тұрады жарасып,

Болашақ әлемге жол ашып.

Өзінің білімін танытар,

Келесі кезеңге жол ашық.

Математика

1. 1метрде неше сантиметр бар?

2. 47 санында неше бірлік бар?

3. Азайтудың компоненттерін ата: 40-20=20

4. Тиісті амал таңбалары мен санды қой: (60 ○3) ○ 30=33

Дүниетану

1. Адамға қажетті бес жағдайды ата.

2. Ауаның қасиеттерін ата.

3. Көкжиек дегеніміз не?

4. Су - еріткіш. Осыны тәжірибе арқылы дәлелде.

Қазақ тілі

1. Дұрыс буынға бөлінген сөзді көрсет. Жаң - ал -ық; Жа-ңа-лық; Жа-ңал-ық

2. Дауысты дыбыстар нешеге бөлінеді. Ата.

3. Дауыссыз дыбыстар нешеге бөлінеді. Ата.

4. Мәтін дегеніміз не? Оның түрлерін айт. Төменде мәтіннің қай түрі берілген?

Шіл - үй кептерінен сәл үлкендеу сұр түсті құс. Үсті басында қара, қоңыр, қызғылт, ақшыл дақтар мен жолақтары көп. Құйрығы қысқа әрі дөңгелене біткен.

Ана тілі

1. Халық ауыз әдебиетіне нелер жатады?

2. Ертегінің қандай түрлері бар?

3. Абай Құнанбаев туралы не білесің?

4. «Ыстық қой, шіркін, туған жер! Кім сүймесін өз жерін? Сүймесе зердесіз сүймес. Жүрегі шерсіз, тілеуі бөлек, жетесіз сүймес…». Шығарманың аты қалай, авторы кім?

«Білім керек бәріне» Ф.Оңғарсынова. Оқитын 2-сынып оқушысы Түймебаев Р.

ІІІ бөлім - «Ғажайып үштік»

Үш тақырып бойынша сұрақтар қойылады.

1. Есімдер

2. Табиғат ғажайыбы

3. Суреттер сөйлейді

1. Есімдер:

1. Қазақ балаларына арнап мектеп ашып, «Қазақ хрестоматиясы» атты оқу құралын жазған кім? (Ы.Алтынсарин)

2. Тұңғыш «Әліппе» оқулығын жазған ғалым, әрі ақын. (А.Байтұрсынов)

3. Ш.Уәлихановтың өмірі жайлы көп жазған, Шығыс Қазақстан өңірінде дүниеге келген белгілі балалар жазушысы (С.Бегалин)

2. Табиғат ғажайыбы

1. Бұл еңбекқор жәндіктің ұясына қарап, көкжиек тұсын анықтауға болады. (құмырсқа)

2. Бұл жәндік сағатына 6 км-дей жерді шарлап, 7000 гүлге қонып үлгереді екен. (бал арасы)

3. Өсімдіктің бұл мүшесі «Шебер аспазшы» деп аталады. Себебі ол күн көзінің жарығы мен жылуы арқылы ауа мен судан қант пен крахмал жасайды. (жапырақ)

3. Суреттер сөйлейді

Суретте не бейнеленген? Ол туралы не білесің?

1. 2.

3.

«Ғылым таппай мақтанба» А.Құнанбаев. Оқитын 2-сынып оқушысы Мергенов А.

ІV бөлім - «Жүйрік ой»

Бір кезде білімнен от алған,

Көрінер ізденген топ алдан.

Келесі кезең де басталар,

«Жүйрік ой» деп аталған.

Бұл бөлімде берілген жұмбақтар мен өлең жолдарының ұйқасын табу.

-Суда өседі, өнеді,

Сыртқа шықса ... /өледі/ (балық)

-Жасыл болып жапырлап өседі,

Сары болып үзіліп ... /түседі/ (жапырақ)

-Өзі үлкен жануар,

Үстінде екі ... /тауы/ бар (түйе)

Өзі ширақ, өзі қу,

Жүрген жері ... /айқай-шу/ (түлкі)

Мысықтан қорқады,

Түнде ... /жортады/ (тышқан)

-Қарындашты қолға аламын

Әдемі етіп сурет ... /саламын/

-Арба сықырлап жүрді,

Ит арсылдап ... /үрді/

-Жүсіп!

Асырайсың ба ... /күшік/

Қорытынды:

Ән «Есеп сабағы». Орындайтын 2-сынып оқушылары.

Білімнің қырларын жүйелеп,

Ғылымның сырын біз ұғайық,

"Білімді оқушы" атанып,

Жеңістің шыңына шығайық

Жеңімпаз топты марапаттау үшін сөз әділ қазы алқасына беріледі.